نفاس القيصريه

[ام الحوراء زينب]

سلام عليكم
اول شي الله يسهل على كل حامل
ويرزق كل محرومه يارب


ولدت قيصريه الحمدلله صارلي اسبوع
بس سؤال
لازم اتغطى والبس وهالسوالف جنه طبيعي ولا عادي ؟؟
لانه حرررررررررررررررررررررر وما اقدر انام بالحر لازم نفنوف قصير وامي تقول مو زين يدش فيج هوا
صج ؟؟

 

[++MesK++]

زنوووووووب حبيبتي حمدلله على السلامه و مبروك ما ياج


عاد اليوم قاعده اقول وينها عن المسنجر!


اي حبيبتي دامج نفاس تغطي عدل و لبسي دلاغ و لا تمشين حافيه

 

[ثنايا الورد]

حمد الله بالسلامه ومبروووووووووووك ماجاكم وربي يخليه ويهديه

انا ماعندي وايد خبرة بس الافضل تدفين نفسج لايجيج برد خصوصا بالهجو حتى لو انتي حرانه

تحملي عسان صحتج وعشان البيبي لاتعدينه

لان البرد مو زين حق الرحم وحق الجرح بعد

 

[بربيره]

ام مجبل الف مبرووووووككككككك واخيرا شرف ولي العهد سيد مجبل لوووول

امبي حدي استانست نسيت سؤالج

اي اوكي

بالنسبه للنوم حاولي تلبسين سروال تحت بس خفيف اذا حر عليج

انا بالنفاس و بعز الحر كنت جني قاعده بالاسكيمو لووول ترا صج مو زين

انا امي اهملت نفسها والله صار فيها اورام جسمها تورم حيل و قصه و عفسه بعيد الشر عنج من يومها و هي تحرص على ملابسها الي بالنفاس

 

[ام الحوراء زينب]

الله يسلمج مسوك ان شاءالله بلبس
ثنايا الله يسلمج ويسهل عليج حملج وولادتج يااااارب وتولدين ولاده طبيعيه يارب

بوووبووو يالقاطعه
الله يسلمج ان شاءالله بحاول اغصب نفسي
تصدقين الاورام اللي بجسمي للحين ماراحت واااي استغفرالله موناقصه
خلاص بلبس هونت

 

[Eng.Kokoro]

مبروووووك ويتربى بعزكم علاوي
تدفي عدل الجوووو بروحه قام يصير باااارد

 

[ام الحوراء زينب]

حبيبتي تسلمين
ان شاءالله
الله يسهل عليج يارب

 

[فراشة الوادي]

زوبا حبيبتي تدفي عدل ديري بالج علي تفسج اهم شي ملفع وسروال طويل نصيحه

 

[ام عفاف الكويت]

اول شي قبل كل شي
الف الف الف مبروووك
حبيبتي انتي والده يعني مطلعه منج روح
يعني لازم تتغطين ادري حر وخيسه والجرح مو زين يعرق
انا كنت ابجي بالطبيب ابي المكيف شغال حده
كل من دش يهاوش واقول لهم حلفوا والله حرررررر
يعني ماعليج شر اهم شي الحين تغطي
انتبهي انتبهي انتبهي
الياهل بسرعه يبرد واسم الله عليه ترد البرد ايب تشنج حراري
انتي وخري عن الستان والمخامل
خلج قطنيات البارده
و20 يوم وماعليج شر بعدها

 

[دلع حلوات]

اي لازم تتدفين ع الأقل البسي شورت ماسك وثقيل تحت ملابسك
لأن الرحم هو نفسه ماله علاقه بالولاده ونوعها

 

[*peace*]

امبي ديري بالج موزين على الاقل اول ٢٠ يوم تتحسفين بعديييييييييييين

ترى حالج حال الوالده طبيعي

 

[أم عبودي الكتكو]

الله يقومج بالسلامة ......بس اذا مادفيتي نفسج زين راح يصير معاج صداع بعد الاربعين وعوار باذونج من غير الغازات لان عروق جسمج مفتحة وعظامج مو مكروب للحين علشان نفسج يااختي وشربي اشياء دافية والله يأجرج إنشاءالله..

 

[ام الحوراء زينب]

يمااااااا وانا كنت مستهينه بالموضوع
مشكورين بنات تغطيت خلاص اموت من الحر ولايدشني هوا وتصير بلاوي