هو طريقته تحطينه بالليل
وبالنهار تحطين مرطب اسمه بيبثانين ازرق وما عليه خط لا وردي ولا برتقالي
التقسير لازم معاه ترطيب
وقبل العرس باسبوع او 5 ايام اقطعي الرتن اي وخلج على المرطب فقط
وبالنسبه للحبوب قبل الرتن اي امسحي وجهج مدة 5 ايام بمحلول زينيرت
او 3 ايام زينيرت ليل ونهار وعقب ابدي بالرتن ايه
بس انا احطه طبقه قبل لا انام وبعد غسل الوجه
واقعد الصبح اغسل بس غسول طبي مناسب للتقشير ومافيه صابون ولا عطر مثل سيتافيل تلقينه بالصيدليه
الحين ابي احط لج السستم اللي كنت امشي عليه
كنت ان شفت حبوب احط عليهم مضاد حيوي لان ماينفع الحبوب تحطين عليهم كريم تقشير جذي بكتيريا حب الشباب تنتشر
لازم تعالجين الحبوب اول
اول شي
مدة 3 ايام او 5 ايام او متى ماراحت الحبوب
عندج طريقتين اما محلول زينيرت وهذا تحطينه 3 مرات باليوم تدهنين وجهج فيه وانتي بالبيت
او كريم اسمه فيوسيدين اذا حبوبج فيهم حمار وكبار
فيوسيدين تحطين طبقه على وجهج منه مدة 3 ايام ان ما شال الحبوب روحي حطي زينيرت
طبعا لازم دام بشرتج فيها حبوب لااااااااازم غسول طبي
مثل سيتافيل
هذا للبشره الدهنيه والحساسه واللي فيها حبوب واللي تسوي تقشير زين لها
اوول خطوة بالعلاج هو الغسول الصح
ان راحت الحبوب ابتدي استخدمي رتن اي
بس رتن مو لحاله عشان لا يخرب بشرتج ويسوي فيها ندوب او جفاف
لازم ترطيب
الرتن اي ينحط بالليل بعد غسل الوجه بسيتافيل بمدة نص ساعه او 20 دقيقه بعدها حطي طبقه على الوجه من الرتن اي بس يكون بعيد عن العين ومنطقة ما حول العين
بالنهار حطي 5 مرات بعد وضوء كل صلاه او كل ما غسلتي وجهج
طبقه من كريم بيبانثين
عليه خط ازرق
لازم مع التقشير ترطيب
وعشان جلدج ما يسود ان طلعتي بره بالشمس
لازم تحطين واقي شمس من الصيدليه مكتوب عليه SPF50+
يعني حمايته 50 وفوق
وهذاا تحطينه قبل لا تطلعين بربع ساعه وقبل تكونين حاطه على وجهج مرطب بيبانثين
واذا طولتي وانتي بره كل 3 ساعات حطي طبقه من كريم واقي الشمس على وجهج
تبتدي القشور بعد 3 ايام من استخدام الرتن اي ولازم قبل العرس ع الاقل بخمس ايام تكونين قاطعه الرتن اي عشان لايبين قشور مع المكياج
وبالنسبه للحمار بيبانثين راح يمنع الحمار وتظلين تحطين منه لحد يوم العرس وماراح تشوفين حمار بالجلد اثناء استخدامج للرتن اي لان الترطيب يمنع الحمار ويعالجه ويمنع جلدح يتضرر من كريم التقشير
اما طريقة النص ساعه والساعه هذي ما اعرفها
انا كنت اقشر عند دكتور والدكتور كان يقولي الرتن اي بالليل والترطيب بالنهار لااازم والغسول الطبي المناسب لازم عشان الجلد مايتهيج من الصابون والغسولات اللي دهنيه او فيها عطور
