نـــــــداء عاجل جدا جدا لبنات المملكة فقط .......؟؟

[ذبحني صمتي]

السلام عليكم...حياكم اللة حبيباتي ...اقلطوا بس لاتستحووون...

شوفو اللة يسلمكم خويتكم الكويتية متوهقة...وتبي فزعتكم.....لان صج حاااسة ان الموضووووع قرادة ويبط الجبد...ويفقع

المراارة...:cxxxp:....

السالفة ان انا والوالدة واخواني روحاتنا للسعودية كثيرة(نحبكم شنسوي)...وطبعا طول هالمدة معتمدين على خطوطنا...بس فكرت وقلي ليه

مانفتحلنا خط سعودي ونستعملة ليه نورت السعودية فينا.احسن وأوفر.....وفعلا شهر واحد اللي فات رحت العمرة وخذيتلي

خط سوا ..واستعملتة وانا بمكة شرفها اللة عاد لما رديت...فتحته بالكويت وقمت استعمله ونسيت خطي الكويتي:hjy5jewf

بسمن السنع مرة دخلت الباس وورد غلط...وطلعلي تم ايقاف عمل البطاقة:0bee2e8d89:...ضاااق خلقي..راح اخوي

وحاول يطلع بدل فاقد رفضوا لان خط بدون بيانات...قلت ياللة خيرة...سافرت امي العمرة ووصيتها على رقم سعودي

وجابتلي خط سوااا بس مطشر اله يسامحهاا..ابد كنك شايفة عداد كهرباء ..قلت ماعليه المهم يبدى 00966.......

بس الله يهدي الوالده جابته بدون ماتشغله عندهم؟؟....وجربناه واشتغل وكيفت بس المفااااااجأة ان مايطرش مسجات كلش كلش

ياااربي شسالفة....وديناه لمحل قال مافي شي...ضبطت مركزالرسائل...والشبكة....غيرنا الجهاز..هم مافي

شي.....ياربي شهالحظ المنسدح شسالفتي مع خطوطكم؟؟؟؟!!!!!....ليه هالتغلي...عاد الحين سؤالي شنو توقعون المشكلة؟؟

وادق على منووو عندكم؟؟....مو معقولة خط بدون مسجاات اكيد في حل؟؟؟....والمصيبة كل شي مجيكة عليه واوووكي...:

mad:...ولا اقدر اقوول لاهلي ابي خط ثالث وربي يشكون ان عندي محل هووواتف:dddds:

واصلا انا طقت جبدي....عاااد ياللة حلو مشكلتي مع خطووووطكم......؟؟؟؟؟..........
وشكرن شكرن مقدماا وفديتكم واللة.......:33_1185028183:

 

[ذبحني صمتي]

افااا وينكن...افا واللة افااااااااااااااا

 

[دنيا سعوديه]

حبيبتي هلا فيك اذا تبين اي خدمه اتصلي على خدمة سوا للعميل والرقم هو 902واي خدمه ثانيه ارسلي لي خاص يمكن مادخل هنا بها القسم

 

[نور العالم]

حبيبتي خوذي رقم مركز السائل حاولي
966505031999+

 

[السنافيه]

حبيبتي خوذي رقم مركز السائل حاولي
966505031999+

جربي هالرقم
واذا مانقع معاج قوليلي
انا عندي خط سعودي

 

[ذبحني صمتي]

حبيبتي خوذي رقم مركز السائل حاولي
966505031999+

...

هلا فيك نوور...جربت وهم مااافاد....شسواااات

 

[ذبحني صمتي]

جربي هالرقم
واذا مانقع معاج قوليلي
انا عندي خط سعودي

...ماقصرتي يالسناااافية.....بس مثل ما قلت مركزالرسائل مضبط على هالرقم...وهم ما ارسل....وربي انا مستغربة؟؟؟
:080402ask_prv:

 

[نجديه بالشرقيه]

عادي حبيبتي انا بالسعوديه ورقمي له سنين عندي واحيانا ما يرسل مسج واحيانا يرسل ويسحب من الرصيد والمسج ما يروح
بس انتي كلمي ال902 وكلميهم بس انتي بالكويت يعني المفروض لك رقم خاص للي برا السعوديه المفروض اول ما فتحتي الشريحه تجيك رساله فيها الرقم اللي المفروض تتصلين عليه اذا انتي برا السعوديه
وانصحك تاخذين موبايلي ولا زين لانه بيكون ارخص بالنسبه للدولي

 

[ذبحني صمتي]

عادي حبيبتي انا بالسعوديه ورقمي له سنين عندي واحيانا ما يرسل مسج واحيانا يرسل ويسحب من الرصيد والمسج ما يروح
بس انتي كلمي ال902 وكلميهم بس انتي بالكويت يعني المفروض لك رقم خاص للي برا السعوديه المفروض اول ما فتحتي الشريحه تجيك رساله فيها الرقم اللي المفروض تتصلين عليه اذا انتي برا السعوديه
وانصحك تاخذين موبايلي ولا زين لانه بيكون ارخص بالنسبه للدولي

مشكوووووووورة نجدية حبيبتي ماقصرتي....بس ما وصلني اي رقم...وهوو ما يعلق كلش ما طرش مرة وحدة....بصبر عليه
واذا مانفع خلاص راح اتوب اشتري خط .........:eh_s(11):

 

[بنت الرياض 1994]

طيب وش نوع جوالك صديقتي e66 ولا يشتغل الا mms اوك والله ودي اخدمك لااكن ماعندي سالفه

 

[ذبحني صمتي]

ياعمري يالرياااضية....كافي ردك ... لاهنتي يالغالية....انا جهازي 6110...حبيبتي اناا تأكدت ان المشكلة مو بالجهاااز...بس مادري

شسااالفته..............خلاص ببكي .

 

[صلاتي-حياتي]

شوفي حطي رقم مركز الرسائل اللي حطوه الخوات فوق
بعدين روحي عند محاولة الارسال خلال : حطي أقصى مده
يمكن جوالج مبرمج على بعد اسبوع اوبعد 3 ايام
جيكي على هالموضوع

وحطيه على شبكة الوطنية يمكن انتي حاطته على فيفا ترى ماتشتغل

وموفقه

 

[ذبحني صمتي]

شوفي حطي رقم مركز الرسائل اللي حطوه الخوات فوق
بعدين روحي عند محاولة الارسال خلال : حطي أقصى مده
يمكن جوالج مبرمج على بعد اسبوع اوبعد 3 ايام
جيكي على هالموضوع

وحطيه على شبكة الوطنية يمكن انتي حاطته على فيفا ترى ماتشتغل

وموفقه

تم تم تم تم....
يافديتك ياصلاااتي...
وربي لو اعرف رقمك جاان اول مسج اطرشه لك.احتفالا بهالمنااااسبة...:dddds: