انا خريجة كلية تربية >> تربية فنية
صح الكلام الي قالولج عنه مواد الفنية كلها رسم اللهم 3 مواد بس النظرية وكل المواد التخصصية فيها من الرسم يعني لازم ماتتخرجين الا وانتي ماره على انواع الوان كثيرة تستخدمين الالوان القواش والالوان المائية والالوان زيتية والرسم بالرصاص والفحم واحيانا الوان الاكريلك والمواد فيها طين يعني عندج خرف ونحت وعندج اشغال خشب نجارة واشغال معادن تشتغلين بالمعدن وتقصينه ولازم تشترين لج منشار للخشب ومنشار للمعدن وفي اشغال فنيه تستخدمين الخامات والخياطه والسدو ..... الخ
وموااد كثير كلها عملي والمحاضرة الوحدة 4 ساعات يعني اذا تبين تاخذين مادتين باليوم مادة من 8 الصبح لين 12 الظهر ومادة من 1 الظهر لين 5 المغرب يعني يومج راح يضيع على محاضرتين ..
واصلاً مواد الفنيه من اسم التخصص بتعرفين انه لازم تتعلمين الرسم والتصميم مو شرط تكونين فنانه لا بس لازم انج تستفيدين من كل ماده تاخذينها عشان تطورين نفسج والدكاترة ماراح يقصرون معاج ..
مابي اخرعج من التخصص بالعكس وايد حلو وممتع للي يحب الرسم والتصميم لانه مساند التربية الفنيه تصميم داخلي , اما اذا بس تبين تدخلينه عشان ان التربية الفنيه مو ماده اساسيه وتبين ترتاحين بالوظيفه بيصير تخصص مافي اصعب منه عندج لان نفس الشي كراف بالكليه وكراف بالمدرسة مثل ماشفت بالتربية العملية بس فوق كل هذا كل مدرسات الفنيه حااااابين شغلهم ومتمتعين فيه ونبدع في كل شي لان حابــــــــــــــــــيـــــــــــــــــــن التخصص ...
ادري طولت عليج اعذريني بس عطيتج نبذه عن كااااامل التخصص في الكلية والمدرسة ...
وموفقه ان شاء الله ..
