نـبـض الجنيــن

[غآب نورك ~]

السلام عليكم ورحمة الله وبركاته






بنات انا في الشهر الثاني .. فالتلفزيوون بين نبض الجنين خخفيف

شمعناته بجريه ماعرف :eh_s(2):


وشنو لازم اسوي وماسوي عشان البيبي انا حامل بعد سنتين ونص زواج :eh_s(2):

 

[جوزائيه مغروره]

كل ما يكبر يقوى النبض باذن الله

اهم شي ديري بالج على نفسج وحاولي تخلين تحركاتج خفيفه لا تتحركين وايد

ربي يثبته لج

 

[American.Life]

طبيعي حبيبتي لاتخافين لان توه صغير

 

[مذهلة2013]

حبيبتي نفسي قبل يالله اسمعه لما كان عمره 7 اسابيع
كل مايكبر تسمعين النبض اقوى لانه سبحان الله يتكون اكثر
لاتحاتين

 

[ملح الكون]

الله يتمم عليج يارب ماعندي فكره بس سالي دكتورتج احسن البنات ماعندهم خبره كثر الدكتوره

 

[ماي زهر]

الشهر الثاني يبين عدل المفروض ....
المهم شقالج الدكتور ؟؟؟
و روحي دكتور تخصص أجنه أحسن


بس مو معناته النبض ضعيف يعني شي مو زين لا عادي لا تحاتين
الله يبلغج فيه و لا تشوفين فيه مكروه يارب العالمين

 

[Maraya85]

الف مبروك الحمل

عادي النبض كل ماكبر الجنين يصير اوضج باذن الله .. اهم شي وخري عنج التفكير الزايد والوسوسه

بهالفتره مطلوب منج الراحه لاتتعبين نفسج وضروري تاخذين الفوليك اسد لانه يحمي الجنين من التشوهات باذن الله .. ابتعدي عن الاطعمه الغنيه بفيتامين أ مثل الكبده .. وابتعدي عن الاطعمه اللي مو مطبوخه مثل المرتديلا .. وربي يتمم لج على خير .

 

[أمورته]

ربي يتمم علييييج وتسمعين نبضه اقوى


والف مبروك الحماااال


الفال لي يارب دعواتكم

 

[يستفزني غلاك]

حبيبيبتي مبروووك الحمل انتي خلي تغذيتج زينه ومفيده و ان شاءالله مافي الا كل خير

 

[cute_mama83]

الله يتمم عليج ان شاءالله
لا تحاتين شي طبيعي

 

[HoD'HoD]

ان شاءالله ماكو الا العافية وربي يثبته لج ان شاءالله

بس اللي اعرفه النبض يكون قوي اول الاشهر بس شنو قصدج بخفيف؟؟

اذا الصوت خفيف احتمال من الجهاز مو مطولين على السماعات انا بحملي هذا سمعته خفيف قالت لي الدكتورة الجهاز مو راضي يطول على الصوت

واذا قصدج خفيف يعني متقطع احتمال تحتاجين حبوب سيولة

بس سئلي دكتورتج احسن

 

[om attami]

حبيبتي قولي حق دكتورچ احسن

وان شاء الله ماكو الا العافيه

ديري بالچ على نفسچ واكلچ

لا تاكلين اشياء حاره

وربي يثبته وتشوفينه بحظنچ

لا تنسين الفولك اسد والرقيه الشرعيه

 

[نسمات 26]

الله يتمم عليج بخير وعافية

 

[البابانه توته]

حبيبتي الدكتور الي سوا لج السونار شنوو قالج حزتها !!
اخذي كلام الدكتور الي شاف بعيونه وفحص

حبيبتي لااااتحاتين مثل ماقالو البنات يمكن صوت الجهاز

بس نصيحه اخذي كلام الدكتور اهي الي يفيدج

 

[أأأميرة الورد]

الله يطمنك ويرزقج شووفة البيبي بصحة وعااافيه

 

[سـٌگر معـقـود]

الله يتمه عليج انا بالشهر الثاني قعدت تقلب فيني يالله بين الصوت هدووووووء بعدين نبضات ورا بععض ورد هدووووء

ان شاء الله انه طبيعي لا تحاتين

 

[# غنوجة بيبي #]

عادي حبيبتي لان البيبي وايد صغير

تطمني

 

[غآب نورك ~]

جزااااكم الله خيرررر بنات فديتكم وحده وحده اللي ردت علي ودعت لي

موعدي كان الاسبوع اللي طاف الدكتوره قالت طبيعي فالاشهر الاولى ومشكلتي اني ماا اكل واقلل حرركه ...

الله يتمم عليكم حملكم ويرزق كل محرومه يارررب

 

[؛؛sokrrah؛؛]

يااارب ياارب يااارب يقر عينج بشوفته كامل الخلق والخلقه
والدكتور دام قال كل شي طبيعي تطمني ان شاء الله

وادعي وخلي عندج دعاء تقرينه كل يوم

 

[غآب نورك ~]

اللهم لك الحمد ..

بنات الجنين نبضه وقف وقالولي ينزل بروحه ...