نغزات بالشهر الثامن !!!

[t0o0fa]

بنات لحقو علي قولولي هالشي طبيعي ولا لاء

انا الحين باجيلي اسبوعين بالضبط و ادش التاسع

احس بنغزات بالرحم لي المهبل

مرات متواصله و مرات متقطعه

و الافرازات مرات تزيد بس لونها طبيعي

الاعراض هذي طبيعية ؟؟ و هل هذا معناته انه ولادتي بتكون بأول التاسع

ولا لين موعدي ؟؟

​

 

[Zaina-al-zaina]

هههههههههههه

ذكرتيني بايام قد مضت

لاتشيلين هم حبوبه ، هذا وضع عادي ولا يعني ولاده ولا شي

وفي بنات يصير لهم بالخامس نغزات وافرازات ،،،

بس ماعليج الا انج تريحين اعصابج وتمشين عادي ولاتر بطين الموضوع بالولاده

انصحج شيكي اذا معاج افرازات او لا ، والنغزات اذا ماكنت غلطانه بسبب ضغط الجنين لي تحت

انا يتني هالنغزات بالثامن وماااااولدت الا اول يوم عاشر

 

[t0o0fa]

وااي من صجج : (

انا ابي اولد اول يوم بالتاسع ابي افتك : (

​

 

[LiL MaMa]

ههههههههههههه حتى انا ودي اولد اول يوووم
بس هالاعراض طبيعيه و مالها علاقه بالولاده
و حبيبتي الاحسن انج تاحذين 10 ايام من التاسع عشان تضمنين ان الرئه اكتملت

 

[وهــايب]

الله يهون عليج

 

[" ام حمود "]

لا الاعراض طبيعيه ولا تحاتين والله يهون عليج يارب

 

[-فلانة-]

النغزات عادي والإفرازات عادي بس مالها علاقة بالولادة،،
الله يقومج بالسلامة إنشالله..​

 

[t0o0fa]

مشكوورييين حبايبي

الله يسهل على كل حامل و يرزقها طلقة هينة

​

 

[شوكلاتة سويسرية]

وية وانا بعد بالثامن وفرحانه احسب اني بولد اول التاسع
تحطمت
لوووول

 

[c a t w o m a n]

عادي يا عمري أنا أول يوم دشيت الثامن حسيت بالنغزات تذبح جنها إبر لي المهبل كنت أمشي فجأه أكتم صرختي و أتسند علي شي

لا تحاتين الله يتمم و يسهل عليج حبيبتي

 

[ام الحلوااات]

الــنــغـــزااات عـــــااادي مـــن ضــغــط الــجــنــيـــن
عـــســـى اللــــه يــهـــــون عــلــيــج ويـــقــومـــج بـــاالـــســلامـــه

 

[غلا عزوزي]

هلا حياتي شي طبيعي وانا بعد حسيت فيها واسألت واكتشفت ان راس الجنين لما يكون تحت تحسين بنغزات بالمهبل صح انا بوقتها خفت بس الحين عادي والحمدلله وعسئ الله يهون ويسهل علي وعليج وعلئ كل حامل ان شاءالله

 

[نحوله عسوله]

واااي نفس حالتي بالضبط


الله يسهل عليناا يارب

 

[@ام يوسف@]

الله يهون عليج وتولدين بالسلامه

 

[ريماا]

انا بالخاامس واحس بنغزاات ومثل لابر تحت اتووقع عاادي
من تدخلين شهرج امشي المشي يسهل الولاده باذن الله
تقوومين بالسلامه ان شالله

 

[* مهاوي *]

انا بعد جذي نفسكم بنات لا ويمكن زياده لدرجة
مرات اكون نايمه ما اقدر اقعد او اتحرك اتزيد جنه
العضله بتتشقق >> مادري شلون اوصل المعلومه

واحس بدفع قوي جنه بيطلع البيبي واسكر ريولي
والدكتوره تقولي عادي طبيعي لان راسه نزل بالحوض
*
الله يسهل علي وعليكم ونولد طبيعي