نصيحه لمسافرين تركيا

[Na Na]

السلام بنات انا الحين بتركيا ... الي بتسافر تركيا تديربالها لانه بوق عيني عينك باقو ايفون اختي وايبودات عيالها وفلوسها والتكاسي بتقسيم باقونا وكلا يتحلطمون شعب زفت ونفسيه ونصب وبوق بالمسلسلات قاصين علينا
انا باسطنبول ساكنه بلاليلي رحت تقسيم لوعه وبوق ورحت بورصه مافيها الا هالتلفريك الي ركبو ويانا مادري جم واحد جنه خرفان وباجر رايحه يلوا مايندرا بنستانس ولا مثل الباجي

الي سافرت تركيا او بتسافر شنو الاماكن ااي شدتها لانه ماشفت فيها زود ! وردتنا 17/7 بس يمكن نيدمها ياين من اسبوع او اكثر ومافي شي حتن المجمعات الراقيه الموظفين يبوقون

 

[Om_Ksha]

هههههههههه يلوا منطقتنا مافيها زووود !! بحر وكافيهات ..

امانه روحي برد عالبحر تلقينه قعداته اسمه balm tadim

حدددددددددده عجيييييييييب وااااااااي كنا يوميا عنده ..

ويم يلوا عندكم تيرمال فيها الماي الحار وفوق تصعدين كوك شجره مثل قريه صغيروووووونه كلللللللللللللللللها عرب ماتحسين انج بتركيا وكل المحلات بالعربي وفي راعي فلافل حلووه فلافله ,,

وفي منطقه ثانيه هم يم يلوا اسمها جنارجك فيها ملاهي ومحلات عالبحر وجذي ..

عموما تركيا مافيها زووود انا كل سنه فيها قبل الزواج .. بس الحييييييييييييييييييين الكل يمدحهااا وانها شي خيال لدرجه شوقونا لها مع انه ادري مافيها زووود بس حيل مباااااالغين فيها اتوقع من تأثير المسلسلات ولا شنو فيها تغير بسنتين مارحتلها !!

 

[Na Na]

انزين باجر ليمن اروح يلوا وين تنصحيني اروح احنا بنروح بعباره وبنرد نفس اليوم
حتن انا الكل مدحها حقي ومسلسلاتهم بعد شوقوني اروحلها بس طلع عالطل شعب زفت وبوق ونص ونفسيه والمناظر الحلوه بالدول الثانيه احلى احلى
بتركيا مناظر عاديه

 

[كحيله وفدعه]

 تركيا تهبل كافي صوت الأذان وبعد هم أكلها حلو أنا مستغربه من إلي صار لج بوقات شوفي أكيد هذا حظج دخلتي مكان في بواقين والتكسي هم بعد والله يعينكم حبيبتي بس والله حلوه وأنا يوم رحت أمان ومناظر تهبل والجوو عجيب والتلفريك هههههه والله ضحكتيني يوم قلتي جنكم خرفان والله يوم رحنا العام شهر سته كان فاظي وحلوو المكان ودونا فوق بعد بسياره بعد آخر مكان بالتلفريك شفت الثلج وكان وناااسه ......

يلا حبيبتي الله يردكم سالمين هذا أهم شي وإذا تبين أماكن عندج موضوع بالتقارير المصوره مال حبيبتي لاست مون  مبدعه ورايحه أماكن تهبل ورخيصه وشارحه كل شي ماقصرت شوفيه أكيد بيفيدج *

 

[أيسكريم باالشطه]

وي وي خوفتيي كان ودي اروح لها

الله يردكم سالمين

 

[Lonly Girl]

انا توني رادة لا بوق ولاشي استانسنا احلى وناسة ورحت بورصة وبلوا واسطنبوووول رووعة

 

[MiSS B.K]

اب لعيونج

 

[حنوووونهـ]

كلن وحظه حبيبتي موشرط الى صار لج يصير لغيرج
وتركيا بلد طبيعه وماعليها كلاااام يكفي بلد مسلمين ويعرفون الله احسن من بلاد الكفار بس عيبها الغلااااء والغلاااء بكل مكان الحين وموفقه وحظ اوفر بالمره الجايه بأذن الله

 

[ذهب]

لاحول ولاقوة الا بالله انزين روحي ابانت حق البحيره حلوه المناظر الطبيعية

و نصيحه روحي تقرير لاست مون صراحه روعه و تفيدج

 

[MissChoco]

امبيه الله يعيييييييينكم ,, صراحه معروووفه تركيا بووق ونفسيه خايسه والي يقول غير هالكلام فماعرف تركيا ,, على ايام السبعينات والثمانينات نفسيتهم خااااايسه امي تقول يشوفونه باحتقااار,, واشكره يبوقونه

وحماتي العام راحت تقول نطلب من الفندق مثلا عيش وكباب سعره 4 دنانير باجر نطلب نفسه يكون السعر 6 عاااادي ماعندهم مشكله


تركيا صج حلوه وفيها مناظر حلوه بس مقارنه باوروبا لا والف لا اوروبا احلا بوااااايد والي راح اوروبا ماراح تعجبه تركيا
انا ماحبها كلش كلش انا لمن اروح اوروبا واشوف الاتراك الي اهناك تلووووع جبدي استغفرالله قليلين ادب ويتحرشون وعادي يصورونج ويضحكون ,,


ديري بالج منهم,, مره بفينا قاعدين جدامنه طاوله اتراك شلة شباب تقريبا 6 7 جذي تخيلي اشوف الكامرا تكون علينا ويطالعون كلهم الكامرا ويضحكون انا شكييت قلت اكيد مصورينه ورحت لهم اهما ارتبكو قتلهم عطوني الكام بشوف ليش تصورونه
وطبعا مايفهمون انقليزي مييييييح انا اكلمهم انقليزي اهما يردون علي تركي وااااي ,, المهم طالت السالفه لانهم قاعدين يمسحون الصور ولا يعطينه الكام لمن شفت ولا مافيه صور وانا اقولهم اي ادري لانكم مسحتهم,,


وعادي يمرون يمج ويغازلون اشكره ويضحكون ويتلزقون فيج ويع
صج شعب خايس

 

[كويتية222]

عموما الاتراك عندهم مقولة عرب جرب ما يواطنون العرب

ويحتقرونه !!

اذا بتطلعين اخذي التاكسي تبع الفندق وربي يردكم بالسلامة وانتوا اي بود واطفال اكيد بيبوقونه منهم ​

 

[لولوة الكويتية]

الله يعينكم وديروا بالكم

 

[بنت ال q8]

الله يعينج حبيبتي

 

[ام عبدالوهاب555]

بنات صح بعض الاتراك ما يحبون العرب ويحتقرونهم لكنهم مو الوحيدين

اخاف بس الفرس ولا الاوربيين ولا الامريكان ميتين علينا ، كله نكت و افلام علينا

والعرب كله سياحه ببلادهم ، اشمعنى الاتراك تذكرتوا عزة نفسكم!!

وبعدين البعض الاخر من الاتراك يحترم العرب لانهم مهد الاسلام

فقبل لا نسافر نقرا عن تركيا واعد لي جدول واكيد بستانس

انا رحت لها بس اسطنبول وحييييل حبيتها لاني مسويت لي جدول ما عندي وقت فاضي ، ولا حصلت لي حادثة سرقة ولا نصب ، والي يروح منفس و يحط بباله افكار سلبية اكيد بيلقى كل شي سلبي


بعدين الاتراك الي باوروبا مهاجرين عماااال يعني مو دكاترة ولا مثقفين
شنو تتوقعين منهم؟؟؟
معروفين وعليه حالهم واوضاعهم بائسة

 

[Beautiful soul]

حرام عليكم وانا من قرادتي طحت هالموضوع اللي كله احباط
حبطتوني وخوفتوني اول سفره لي بتكون لتركيا ومب عارفه شاللومي
دخلت ابي اخذ معلومات طحت على هالموضوع خخخخخخخخخ

 

[noorq8]

الله يردكم سالمين بس انتوا الله يهداكم سفر وأيفون وآي باد هم مايصير شعب فقير وانتوا الجهال بهالأجهزه أنا خالي ريال طول بعرض راعي التاكسي لف فيه بسكه ظلمه وجو ربعه وحطوا السكينه ببطنه قالوا هات الفلوس وصارت سالفه طويله عريضه بس ربي فكه وسلم منهم شوفي ايزيل وباقي المسلسلات وبتعرفين سوالفهم عصابات وحراميه وبعدين معروف تركيا مو مالت الصيف تركيا هالهداوه بالشتا ينراح لها

 

[Na Na]

تسلمون كل الي ردو

انا ما قلت بس تركيا تكره العرب بس ليش انا كنت فيهاا قلت شصارلي صح يمكن ناس ما صارلتها هالمواقف البايخه
بس انا الي شفته نفسيه وعصبين وبوق اشكره ونصب مسلمين ولا مو مسلمين يعني يمكن بس 10 بالميه زينين الباجي قلات ادب


والي قالت يتحرشون صج انا كانو يخزوني يم اخوي وعادي عندهم وواحد بالفندق يشتغل من يشوفني انزل يوقف قبالي يم اهلي

انا ماقول كلش مو حلوه يعني زينه بس بصررراحه في دول وايد احلى منهااا انا توقعت احلى من جذي اهيااا يعني اول مره اروح تركيا واخر مره مابي اعيدهاا


والي تبي تروح تركيا ترا مجمعاتها حلوه وملااابسها ارخص بالكويت واايد دخلو مانقو وزارا امبيه مقارنة بالكويت ولا شي
والي بتساافر تركياا ان شاءالله تستانس وما تصيرلها مواقف مثل الي صارلت لنا

 

[Na Na]

اي صح نور حلاته بالشتاا الحين حر وصيف وعرق لول صج الحراره اقل من الكويت بس مادري ليش الشمسس تحسينها قووويه
يمكن بعد بالكويت ما نطلع وايد بالصبح وبالسفر على طول برا

 

[اخذيني ما ابيني]

هلا اختي هم من ناحيه النفسيه نفسيتهم زفت وتحسين جد محتقرينا يالعرب
بس اكلهم حده عجيب تاااكلين ماتشبعين منه

والبوووق الحمدالله ماشفنا شي كنا في الليالي اتووقع كذا اسمه
بس ونااااااااااااااااااااااااااااااااااااسه مره

 

[برازيليه سعوديه]

حمدالله على سلامتكم اهم شي والله يعوضكم...وليش بالله يحتقرونا من زينهم يحمدون ربهم جايين لهم سياحه ..شكلي بهون عن السفر لتركيا هههههه ناويه بعد العيد بس ماحجزت لسه...