نصيحة أو فكرة + دعاء

[أميرة قلبة]

السلام عليكم*

مادري اذا موضوعي مكانه صحيح*

هذا موضوع ثاني لي عكس موضوعي أولي ماله شغل في تماماً...*

هذاك يعتبر موضوع نقاش ...

أما هذا خاص فيني *ومساعدة إنسانية*


في شخص بحياتي معه سنين قبل فتره تقدملي وخطبني *بس للأسف ماتمت*سبب خلافات بيني وبينه ، رغم هالخلافات مانقدر نفترق كل ما أيب طاري زواج مايتكلم *
أو يغير سالفه أحاول معه ماكو فايده **

*(بليز لا وحده تقول لي خلي مالج شغل في الله يرزقج للي احسن منه*
الاجابة : لانه اختاري ومناسب لي بكل نواحي بنسبة لي قدري )*

قدموني نصيحة أو فكرة شلون أبطل موضوع بدون زعل يكون بينا يتقدم لي مرة ثانية*


والله أن تم موضوع و ملجت قبل لا يصير سنة 2013 * وتكون أهي سبب جمعتني بيني وبينه *مني لها حلاوه *(يكون حلاوتها رسالة خاص )*

للي موقادره *تساعدني *أكون شاكرتلها

دعوة *طبية منها دعوة من قلب إلى قلب*

أذن الله أذا*
الله يقدرني أدعي كل وحده دعيتلي بالخير عند بيت الله*

لانه صج صج صج انا محتاجه الدعاء أكثر من أي شي ثاني..
*مليت وأنا أصبر كل حوالي تزوجو ألا أنا ظليت*

أبي أفرح أميمتي ويدتي وأهلي وناسي




وكلمة لكم *

 

[Tom ♥ Jerry]

,


يعني انتي تبين تفتحين وياه المووضوع عشان يتقدملج ؟!
و اهوة كل مآ تكلمينه بموضوع الزوآج يتهرب منج
جنج قاعد تقولين خل يتزوجني قصب
سوري بس هاذا الي مبين من كلآمج و من طريقته !

الله يهديج يارب و ترا الريال من اسلوبه و طريقته يبين
اذا كان صج يبي البنت و لا لا ! لو يبيج
بدون لا تكلمينه و لا تفتحين موضوع ايي يطق الباب و يخطبج رسمي ..:*
تدرين شنو مشكلتج .. آنج قلتي لا تقولون مآلج شغل فيه " :/
مع انه هاذا الوأقع الريال مآ يناسبج كلش !
و انتي حاطه في بالج آنه يناسبج و مو مستعده تسمعين اي راي ثاني ؟
so بشنو نقدر نساعدج !!!!

 

[أميرة قلبة]

:/

انا ماقلت يتهرب بس طاري زواج ما يحب يسمعه مني ليش لانه هالطريقة سويتها بسبب وحده كل منها خليتنا نفركش زواجي ان ش
اءالله الله يحسبها
ولا بعد أقول له حق ريال تعال غصب يعني في طريقة مثل نغزه او عبارة او ألمح له
أهم أبيه تكون من خااااطره انتي عالبالج ماودي تكون خاطره قسم بالله ودي أهو للي يبادر هالشي الحين ماعندي غير دعواتي ودعواتكم هذا أملي وحيد يكون سبب الله يسر لي اموري

على طاري مناسب (مناسب وبس مالاداعي تفاصيل )

 

[ماتغير شي]

لا تقولين له شيء


طاريء الزواج يتهرب منه عيل شلون لو تفتحين معاه الموضوع


ااحب اقول شغله انتي تدعين الله وبنفس الوقت تعصينه طبعا اكيد بينج وبين الصبي علاقه تلفون ولا مسجات ولا اي شي وهو مو محرم لج فصعب تطلبين من الله سبحانه وبنفس الوقت تعصينه


ويمكن خيره تفركش الزواج


وعسى ان تكرهوا شي وهو خير لكم

 

[أميرة قلبة]

مشكورين

واضح المعنى ماتبون تساعدوني حتى دعاء انا ماأبي غير حلال

بس

أغلب مواضيع بالمنتدى كانت أغلب البنات تساعدونهم وحتى تدعون لهم وأغلب الناس تزوجوو على طريقة لا أحد ينكر بس وقفت علي أنا

 

[جوويره]

ثقلي عليه شوي تلقينه يلزق فيج الريال ما يحب اللي قاطه روحها عليه

 

[ليمووونه]

ثقلي عليه شوي تلقينه يلزق فيج الريال ما يحب اللي قاطه روحها عليه

بالضبط لاتقطين عمرج عليه شكله من النوع الي مايحب قطه النفس اثقلي اثقلي اثقلي والله يقدم الي فيه الخير لكم

 

[ليمووونه]

مشكورين

واضح المعنى ماتبون تساعدوني حتى دعاء انا ماأبي غير حلال

بس

أغلب مواضيع بالمنتدى كانت أغلب البنات تساعدونهم وحتى تدعون لهم وأغلب الناس تزوجوو على طريقة لا أحد ينكر بس وقفت علي أنا

حبوووبه شكلج وااااايد متوتره وصايدجت العصبيه من هل سالفه فانا اقولج ياحبيبتي بالول اهدي هدي نفسج ودايما رددي الاستغفاااار بنيه ان الله يفرجها عليج وقدماتقدرين امسكي المصحف وقري وقلي عليه بينيله انج عايشه حياتج وانج ماقاعده تفتحين الموضوع معاه وثقي ثقققققي ان الله كاتبلج امورج كلها وقلبي معاج والله يرزقج

 

[M!SS.LOBY]

الله يوفقج يارب

 

[النبع الحنون]

حبيبتي الي تبينه تطلبينه من الله وهو الي يسخره لك يعني ولا الف طريقه ولاالف سبب راح يخليه يتقدم الا بمشئية الله
((وأغلب الناس تزوجوو على طريقة لا أحد ينكر بس وقفت علي أنا ))وكل هذول هذا قدرهم يعني ربي سبحانه كاتبه لهم
ع العموم الله يرزقك الزواج الصالح ويهدييييك

 

[ام غازي 2012]

اذا كان من نصيبج
والله كاتبه لج

الله يوفقج معاااه

 

[نوف الصقعبي]

انا شايفه من ردودج للبنات مومتقبله حتى النصيحه

قطعي علاقتج فيه فورآ
وقوليله بالجمله

انا طريجي الحلال
ومابي ربي يغضب على أكثر
جانك شاريني بالحلال
تقدم لى رسمي واطلبني من أهلى
واذا تبيني تقزيرة وقت وتتسلى فيني وتاخذ حاجتك منى وبس وباجر تشبع وتتركنى
كل واحد بطريج
واذا ماتعرفين شلون تتكلمين
طرشي الكلام هذا بمسج​

 

[أميرة قلبة]

مشكورين حبايبي ومشكووووورين بعد على نصايح بالعكس انا مو رافضه نصايحكم احاول تقبلها لانه طبعي مو اول مره اسمع نصيحه و تشوفيني حزتها ماتقبلها بعد فتره يتغير رايي لانه تكون نصيحتها مكانها

انا ثقيلة اساساً بس للي خليني اسوي جذي حسيت عمري يركض وغيري تزووج وعيل وانا اللحيني وافقه ستوب بدون مجاملة ماأحب
امدح روحي كامله وكامل الله (من وظيفة من جمال من بنت عايلة ) مو ناقصني غير اتزوج ودي ادش حياة يديد غير حياة عزوبية
والله سبحان ماترتاح ألا معه هالشخص لانه مو أحد يقدر يتفهم معاي وحاااااااولت شكثر ابتعد عنه مااقدر ولا اقدر تزوج غيره لانه مو تخيله أكون مع شخص ثاني غيره بنسبة لي اهو . :& ماني قايلة عشان لا تقولون عني اركض وراه
انا صرت ماايب طاري زواج معه






ماأقول غير الله كريم

 

[ام الدرر]

حبوبة
البنات ماقصروا
لكن بقولج كلمة ردا على جملة *
(الاجابة : لانه اختاري ومناسب لي بكل نواحي بنسبة لي قدري )*
حياتي ليش ما تفكرين ان الله يحبج وتاخر الزواج بينكم خير لج
اكيد كلنا ما نعلم الغيب ونمشي ورا عواطفنا وما نفكر هذا صح او غلط ولا يضرني او ينفعني
بس لازم يكون لج وقفه جادة
شنو ما يحب طاري الزواج ليش مرتبطه فيه وليش مستمرة وياه
لهالدرجة هانت عليج نفسج
شنو يكون موقفج لما يروح عمرج تنطرين خطوة منه وبالاخر لاي عذر يقولج ما تناسبيني او يهدج بدون سبب وياخذ غيرج
حياتي انتي مثل بنتي وادري كلامج يضايقج بس
لازم تحطين حد وتوقفين وقفه جادة بويهه
قولي له
خلاص انا وحده شريت نفسي اما تتقدم لي ولا كل واحد ونصيبه
لا تقولين ابيه وما اقدر فكري بالكلام اللي فوق
لما هو يخليج ويشوف نصيبه
عسى الله يسخره لج ويوفقكم مابينكم بالحلال وتبشرينا ان شالله​

 

[أميرة قلبة]

ام الدرر

كلامج على راسي

شدعوه مافكرت ان يوم من ايام يروح حال سبيله ويخليني واكون بنسبة له ماضي :'(

 

[M!SS.LOBY]

الله يسخره لج

 

[ام الدرر]

ام الدرر

كلامج على راسي

شدعوه مافكرت ان يوم من ايام يروح حال سبيله ويخليني واكون بنسبة له ماضي :'(

والله عورتي قلبي بهالرد
حياتي تعب يوم ولا تعب دووووم
اعقليها وتوكلي
واجهيه لا تخافين من زعله
خافي على نفسج اهم​

 

[نوف الصقعبي]

صاجه والله بكلامها اختى ام الدرر​

 

[أميرة قلبة]

خلاص بنات انا فقدت أمل شي اسمه زواج الله صبر قلبي وقلب اميمتي علي

صرت هاليومين متضايقه سبت هالموضوع