نصحوووني_ عندي انتفاخ بالعين

[lolwah]

مشكلتي من اسبووع و توني اكتشف السبب و الحين ابي تقولولي شسوي و شنو العلاج سواء دكتور او علاج من البيت

كل ما اتمكيج ثاني يووم اول ما اقعد عيوني تتفخخخخ تخرع!

قلت الشدو و قليتة و حطيت ثلج ردت عادي

ثاني مرة صار نفس الشي قلت اكيد من الشدو الثاني و هم قليتة !!

ثالث مرة صاارت فيني و فوق جفوني صار يابس و ناشف حطيت فازلين و رد عادي
بس من يومين حطيت بس مسكرة و عقب عيوني تتفخت !
اثاري من الريموفر !!!
الحين عيوني مورمة و منفوخة و شوي حمرة شسوووووووووووووي !!
وين ارووح و شنو العلاج ؟؟ واللة عيوني تضحك !! :eh_s(1):

 

[ii DareeN ii]

وقفي اي مواد ميك اب وراجعي طبيب عيون يمكن عندج التهاب او تهيج حصلج من شي معين من مكياجج او كنتي رايحه مكان مجربه مسكره او شي ويمكن يعطيج مضاد ولا قطره وان شاء الله ماتشوفين شر

 

[ريمه الكويت]

اكيد فيج حساسيه من الكريم انا كانت عيونى علىطول تدمع وحساسه واقل سهر تتفخ رحت راجعت طبيب عيون وعطانى قطره ومرهم واللحين وايد خفت

 

[رنين]

ها اليومين وقفي المكياج ....

و اخذي لج تيباج الشاي بعد ما تخلصون منه....حطيه بالثلاجه.
و اذا برد جمدي فيه عيونج و انشالله تشوفين العافيه .

بس هم لا تخلين روحي الطبيب تأكدي ممكن صاير معاج حساسيه من المكياج.

 

[lolwah]

مشكوورين ما قصرتو
رحت خاص و عطووني مرهم(فية نسبة كورتيزون) بس تصير زينة اوقفة و كريم مرطب للبشرة الجافة و غسول
قالتلي من المكياج

 

[قمر ضاوي33]

حبيبتي عليج بكمادات البابونج ...

يبي بابونج فرش من الحواي واغليه عشر دقايق ويبي قطن غمسيه بالبابونج وحطيع على عيونك .. وادعيلي

البابونج يعالج التهابات العين بأي سبب كان ويالج حساسية العين


ما تشوفين شر ان شاء الله

 

[lolwah]

مشكووورة قمر الشر ماييج ان شاءاللة