نصحوني نوروني

[ابتسم ماتستاهل]

انا متزوجه صار لي 4 سنوات ومشكلتي اني حساسه كثير اي مشكله بيني وبين زوجي اتاثر فيني وما انساها احيانا يقول لي كلمه اتزعلني ونا من طبعي لما ازعل اضايق با الحيل واحاول اني اخفي ادموعي وما اتكلم تهائيا اضل طول يوم او يومين اوثلاثه ساكته وهذا الشئ متعبني حتى وقت النوم مااقدر انام مع اني احبه وما اقدر ازعله وهو بعد يحبني بس لما يزعلني مستحيل يراضيني مادري ليش انا الي في النهايه اكلمه نصحوني انا كتبت الكم لانكم خواتي

 

[المرتاحة]

ببساطه اذا تضايقتي منه لا تخشين هالشي بقلبج

بالعكس صارحيه باللي ضايقج وبيني له اشكثر اثرت فيج كلمته وزعلتج

 

[سكوتي بذوقي]

اختي المفروض تقولين له

عن الشي اللي مضايقك

لي متى الكبت يعني

مايصير هذا يأثر على نفسيتك

ويخليكِ عايشه بقلق دوم

الله يهدي النفوس بينكم يارب ويدوم الحب بينكم طول العمر يارب

 

[بكره أحلى وأحلى]

علشان جذي يقولج لازم يكون في حوار بين الازواج

والحوار يكون هادي وبدون صراخ ونرفزه

حاولي على يوم جذي وبكل هدوء تقوليله عن اللي في قلبج صدقيني من يطلع من قلبج وتحسينه وصل لزوجج ورد عليج لو بكلمه طيب فيها خاطرج بتنسين كل كلمه زعلتج

وبالنسبه انه ما يراضيج يمكن ما يراضيج بالقول بس يراضيج بالافعال لان في رياييل ما يعرفون يعبرون عن حبهم بالكلام افعالهم هي اللي تعبر

والله يصلح فيما بينكم ويدوم عليكم المحبه ويسخركم لبعض

 

[ابتسم ماتستاهل]

في البدايه مااقدر اتكلم اضل طول الوقت اصيح وبا الحيل معصبه حتى لو اتصالحنا اضل في داخلي زعلانه عليه ومااقبله بسهوله ولما افاتحه با الموضوع ليش اتزعلني على طول يتركني ويطلع من البيت ومايتكلم ولا بحرف وما بعترف بغلطه ولما يرجع اضطر اني اسكر الموضوع لان ردت فعله مالها الا تفسير واحد سكتي ولا اطلع من البيت وسكوته هذا الي مضايقني اكثر في النهايه تجي مني اسكر الموضوع ومشي حياتي

 

[سكوتي بذوقي]

خلاص اختي الغاليه

حاولي تنسين

ياما مرينا بمشاكل وعديناها بالصبر

شنسوي مالنا حيله ثانيه

كثري من الإستغفار وربي يهدي زوجك

ويسخره لك يارب

 

[ابتسم ماتستاهل]

الف شكر لكل الاخوات على الردود وهذا مو قريب دائما اعرض مشاكلي وشوف الحل عندكم ورتاح الف شكر للمره الثانيه

 

[tbola]

الله يهديه ويسخره لج ياربي

 

[♥حــ{حــلآ}ـرب♥]

يااااقلبي ع حسب المشكله الي بينكم يمكن هوو يشوفهااا صغيره ولا يحب يتنااقش معك علشان ماتكبر المشكله بينكم
انتي شوفي وقت مناااسب وهادي وكلميه وقولي الاشياء الي ماتحبينها (جلسة مصاارحه بينك وبينه "حوار")
وربي يسعدج
​

 

[المرتاحة]

في البدايه مااقدر اتكلم اضل طول الوقت اصيح وبا الحيل معصبه حتى لو اتصالحنا اضل في داخلي زعلانه عليه ومااقبله بسهوله ولما افاتحه با الموضوع ليش اتزعلني على طول يتركني ويطلع من البيت ومايتكلم ولا بحرف وما بعترف بغلطه ولما يرجع اضطر اني اسكر الموضوع لان ردت فعله مالها الا تفسير واحد سكتي ولا اطلع من البيت وسكوته هذا الي مضايقني اكثر في النهايه تجي مني اسكر الموضوع ومشي حياتي

تدرين ليش ينحاش؟

لآن اسلوب الحوار او المصارحه غلط او بالاحرى الاسلوب هذا ما يمشي مع الريال

لانج تبدين باللوم.. و تلومينه و تحاسبينه.. ترى محد يرضى ان احد يلومه او يحاسبه و خصوصا الريال ما يحب المرأه تحاسبه و تلومه جنه ولدها او ياهل ..اهم طبعهم جذي فيهم غرور الرجوله

دايما لما تبين تصارحينه او اذا تبينه يحس بغلطته لا توجهين له اصابع الاتهام .. لالا .. ابتدي بنفسج انتي و تكلمي عن تأثير كلمته عليج و على احاسيسج

قولي له الكلمه اللي انقالت لي ذبحتني وجرحتني لانها كذا وكذا وانا كذا وكذا .. اهني راح يسمع لج وراح يحس بغلطته وراح يعتذر بطريقته يا اما يكون اعتذار لفظي او انه يعتذر لج بطريقة ثانيه يمكن يطلعج او يشتري لج شي انتي تحبينه

والله يسخركم لبعض

 

[ابتسم ماتستاهل]

اختي المرتاحه الف شكر