نصحوني بروضة حلوة لولدي عفية

[حسايف*]

مرحبا حبايبي
انا ابي اسجل ولدي بروضة شرايكم
وين اسجلة اسمع عم الباكستانية
ووين فروعها
فية بام الهيمان
واذا لا شنو فيها مدارس خاصة
واكون شاكرة لكل اللي بيساعدني

 

[الدلال]

نصيحه اختي اذا تبين تسجلين بروضه خاصه ابتعدي عن المدارس العربيه والباكستانيه

صدقيني وعن تجربه الفصول مزدحمه وولدج بالتالي حتى كلامه يطلع مزيج من لهجات مختلفه وغير المباني اللي لج عليها

اذا خاصه نظامها بريطاني او امريكي ايه والله انصحج

بس غير جذي سجليه بالحكوومه وايد احسن

 

[sara999]

عدل الدلال كلامج صح
شوفي يا اختي اذا بتسجلين ولدج بروضه خاصه وخري عن الباكستانيه او المدارس العربيه لان ارخص فكل الوافدين هنود مصاروه فلسطن كلهم فيها فيصير زحمه زحمه حيييييل
فالخاص انا افضل النظام الامريكي للولد لان نظام طبيعي والولد يقدر عليه
والبريطاني نفس الشي بس تبدي صعوبته من رابعه متوسط تقريبا و ما راح يقدرون الطلبه يبلعون ريجهم والصبيان مو ملوت جذي
عندج الامريكيه الي بخيطان حلوه وطلبته حلوين ومدرساتها زينين وعندج الامريكيه العالميه الي بحولي بعد قويه وحلوه وشوفيهم
وترى على البعد لا تحاتين الحين الكل يودي عياله بالباص