نصحوني الله يسعدكم دنيا واخرة

[بنت الارسنال]

السلام عليكم مبارك عليكم ماتبقي من الشهر،

بنات انا وريلي متزوجين عن حب من اربع سنين وعندنا بيبي وحياتنا الحمةلله تينن والكل يحسدنا عليها. بس هالسنة بالذات وايد تناجر علي اتفه الاسباب وشي تافه تنقلب هوشه وكبيره واصراخ صار حتي لما شي مايعجبني بناقشه مايتحمل ويتنرفز واتصير هوشة وصاير بسرعه يعصب ياربي مادري شسوي هالوضع مضيق خلقي وخلقه

 

[•Brown•Sugar•]

دام الناس حاطين عينهم عليكم اكيد بتصير مشاكل
والعين حق حصني بيتج واقري واقري المعوذات وسوره البقره ع طول
وانتي صيري ذكيه بس تشوفينه معصب انسحبي
قوليليه ككلمه حلوه وحده يطخ
مثلا فديــتك لاتكدر خاطرك \ انا اسفه \ مسكي ايده
لو الريال بقمه غضبه تطيحه كلمه حلوه وحده بس

 

[خالف تعرف]

عادي شي طبيعي بس اذا بتصلحين الموضوع اول ماتحسين ان بتصير مشكله سكتي ولا تناقشين ولهي نفسج باي شي عشان ما تتهاوشون

 

[فوفو22]

حبيبتي مشاكل الحياة الزوجيه

فيها مد وجزر

تمر ساعات ايام واحيانا شهور عسل

وساعات تنقلب فجأة من هوشه الى هوشه

الحل

خلي القياده لج

وسوي ضبط وربط على نفسج حتى ما ينفعل

واي حوار مثير اتركيه وقت ثاني

فوفو

 

[يا كويتنا]

انا برايي


المراه بيدها كل شي


اول ما اتشوفينه قلب عليج او ساكت ونافر منج خليه علا راحته ولا تفكرين اتكبرين الموضوع


وخليج دايم مبتسمه وردي عليه بردود حلوه


اذا تحبينه لازم تتحملين طبعه

 

[بنت الارسنال]

المشكلة ان شي مايسوي ينرفزة واذا حاولت اهدي واقول يتنرفز اكثر يبيني اوخر عنه وانا ماحب اخليه واهو متنرفز

 

[سكوتي بذوقي]

خليه على راحته

الله يهديه ويسخره لك يارب

 

[بنت الارسنال]

اميييين

 

[دبه موت]

يمكن متضايق من حاجه عشان كذا على اتفه الاسباب يتنرفز
انتي حاولي هالايام لاتناقشيه بحاجه ابد لانه اكيد اعصابه تعبانه ولشفتيه مروق اجلسي جنبه وكلميه باسلوب
قولي له حبيبي في حاجه مضايقتك انا زوجتك وكذا قولي صرت تتنرفز مني عاد انتي متزوجه غلاتي وتعرفين كيف تصفين الكلام
وحاولي ماتكشرين بوجهه خلك دوم قايمه بواجباتك كزوجه
والله يسهل لك

 

[متوترة]

ماقصرو البنات
عسى الله يسخركم لبعض يارب


حافظو ع اذكار المساء والصباح

 

[دموع السحاب]

حبيبتي هدي معاه
لا تعاسرينه
حسيتي انه شاد انتي رخي
يمكن تملل طلعو و سافرو غيرو جو
الله يسعدكم

 

[*سحآبة*]

..خليه على راحته واضح إنج ضاغطه عليه

عسى الله يوفقج

 

[خزامى]

انا مع براون ونعم الكلام,,,,,والله يسخره لك

 

[أغلى أمنياته]

الله يسخره لج​

 

[غلآ نوآف]

ااذا معصب او متنرفز لاتناقشيه لاتساليه لاتكلميه ولاتسوي تحقيق ش فيك ش صاير ليش مبوز ليش معصب وغيره
اتركيييييييييييييييييه بحاله خليك ساكتة جيبي له عصير برتقال فريش بارد يروق اعصابه
قولي له تفضل هدي اعصابك وروق واطلعي من الغرفة الي هو فيها
وخليه ساعة ساعتين او لين مايطلع ويجي عندك
وبعدها استقبليه بهدوء وترحيب حلو وكلام يسر الخاطر

 

[كويتيه مذهله 87]

حبيبتي يوم حلو ويوم مر

 

[الدنيا لعبتي]

اذا على النرفزه بعدي عنه لين يهدى واذا رووق كلميه بطريقه حلووه و بهدااوه بكل الي بخااطرك ترى اغلب الريااييل جذي ماايحبون احد يكلمهم واهم معصبين يزيدوون اكثر ولااا تنسين حصني نفسك انتي وزوجك وولدك وخلي صلتك بربك قوويه وادعي ان الله يهديه وتنحل الامووور بينكم
والله يوفقك ويسخر زوجك لك