نصايح والثقه بالنفس :(

[أحلى ليونه]

السلام على الكل صباح الخير يا متزوجات ويا مقبلات على الزواج بنات انا داخله على الله ثم عليكم انا ملجت وأبي نصايحكم شلون اكسب زوجي وأمه وشلون التعامل معاهم حدي خايفه وشلون التعامل مع اهله وأبي بعد اذا ماعليكم امر اكاونتات بالانستغرام تفيدني كنصايح يعني .. وشي ثاني بنات انا ثقتي بنفسي ضعيفه نوعا ما شلون ازيد ثقتي بنفسي و اقوي شخصيتي بنفسي بليز ساعدوني ابي كتب او اكاونتات تويتر وانستغرام تفيدني دورات ماقدر للأسف

 

[اميره بكلمتي]

عامليهم بتربيتج واخلاقج اللي تربيتي فيهم بيت أهلج شلون تكسبين زوجج بنظافتج لنفسج ومكانج وحتى لزوج اهتمي بملابسه وحرصي تكون نظيفه ومرتبه وبأكله وهالله هالله بالعقل والرزانه ومن ناحيه الام قومي فيها وداريها واكسبيها بالكلمة الطيبه واسألي عنها كل بين فتره والثانيه

 

[نـعـومـه]

لاتتوترين ولا شي خلج عفويه عفويه عفويه

اهم شي عفويه ترتاحين بكلشي

 

[هيبة ملك]

موفقه يارب

 

[العطاء عمر اخر]

ي قلبي تراهم من كوكبنا مو من كوكب ثاني ليش خايفه حالهم حالنا ( اهم نصيحه مني لك لا تلغين شخصيتك عشان ترضينهم خلي لك شخصيه ) اذا بتكونين شخصيه لنفسك عشان خاطر نفسك ثقتك بنفسك لنفسك اعطي نفسك حقوقها ولنفسك عليك حق .... حبيبتي نصيحه اخت انتي اهم من زوجك وامه اول شي فكري بنفسك انتي ثم انتي ثم انتي كوني لك شخصيه خاصه اذا حبيتي نفسك ووثقتي بنفسك الكل بيحبونك اهم شي الابتسامه خليكي بشوشه احترمي الصغير قبل الكبير الاخلاق ثم الاخلاق
خلي تعاملك لهم لله رضا رب العالمين اهم شي
خلي وياك نوته واكتبي شنو ناقصك ثقه لنفسك اذا على عيوب الجسم ابدي من هالحين /
واذا على الكلام ترى عادي تتكلمين قدام المرايه وتبدين تتكلمين مع امك خواتك صديقاتك نوعي بالنقاش مع ابوج بالسياسه مع اخوانك بالكوره والسيارات شوفي ميولهم / مع خواتك سولفي بامور كثيره واحنا يالبنات سوالفنا ماتخلص ليش تكلمت عن السياسه والكوره والسيارات عشان بكره اكيد زوجك بتسولفين معه بهالامور
عودي عقلك الباطني انك واثقه من نفسك وانو مو ناقصك شي
اهلك نصيحه لاتتكلمين فيهم بالشينه عند زوجك ( عزك من عز اهلك ) حتى لو مورينك الويل
عشان الزوج يحسب حساب انو وراك اهل وعزوه
قرقرت كثير
اذا بتتتغيرين تغيري لنفسك ثم نفسك ثم نفسك ثم زوجك
نقطه اخيره ( خلي رب العالمين بين عيونك لاننا محاسبون )

 

[الطااااائر]

الله يعطيك العافية

الله يعطيك العافية