نصايح امهاتنا الله يخليهم لنا ويحفظهم

[عذوب الشمال]

دشي لا اطلطليين:sfg:




















قوه حبايبي احبكم كويتيات ترى حدي
انا ولا يوم اقطع المنتدى بس مشاركاتي ومواضيعي جدا قليله
اعرف وايد بنات بس اهم مايعرفوني واحب اتابع مواضيعهم بعد
المهم مالكم بالطويله بدش بالموضوع على طول
الله يسلمكم كل وحده تقولنا
امها بشنو وصتها قبل لاتتزوج
او انصحتها
او علمتها أي شي بخصوص انج داشه حياه يديده وان امهاتنا لهم خبره بالحياه عسى الله يطول بعمرهم ياااااارب:yaaaaaarb:


انا ببلش وانتو قولي وخلو الموضوع بالفرفشه والسوالف<<<<تموت على الهذره

اقولكم ياطويلات العمر انا امي تدرون شنو وصتني

بما اني بشقه بروحي توقعو شنو وصتني

قالتلي يمه ديري بالج من الجوله لاتخلينها مبطله تأكدي منها:nocommint:


وموكنت اجهز وشريت شموع تقلوي لاتنسين الشموع امبطله وتحترقون
وتأكدي من الليتات سكريهم اخاف يصير شوت بالكهربا واذا طبختي :082502bye_prv:ديري بالج على نفسج لاتحترقين فدييييتها امي خايفه علي بس والله تحسون صج انها مـــره عوده ماقالتلي أي شي غير جذي ههههههه وسلامتكم

ويالله كل وحده تدلو بدلوها​

 

[تنايفـ]

موضوعج فللللله
عاد شكثر نصايح قالتلي الله يطول بعمرها .. بكتب لج الي ذاكرتهم
بما اني بسكن بشقة في بيت حمولتي قبل رمضان بجم يوم
امي وصتني قبل لا انزل عالفطور لازم انزل وياي شي حتى لو اكون شاريته من بره مو طابخته عادي المهم انزل وياي شي عالفطور
انا حاطة هالشغله ببالي بس اهي دايما تأكدلي عليها
وطبعا وصتني بالسوالف المعروفة (لاتسولفين بخصوصياتج حق احد \ لاتتشكين من زوجج جدام احد) هذا اكثر شي حرصتني عليه
​

 

[احبس دموعي]

بمى اني بسكن ببيت الحموله قالت التالي
ديربالج على خالتج وكل يوم بوسي راسها ماتبي منج لاطبخ ولانفخ بس ابتسامه
الله يخليها لي يااارب

موضوعج حلو

 

[عذوب الشمال]

حياتي مشكووورين على الردود فديتكم انتوا احلى زين امهاتكم اهو من امي امي عبالها ان وزوجي يهال وماوصتني شي خااص بالحياه الزوجيه عسى الله يطول بعمرها

 

[نبض انثى]

قالت لي لااتتزوجين ولاتروحين عني






























اتغشمر خوو من حزب الطمآشه
اذا تزوجت بقولكم
يعطييج العافيه حبيبتي موضوعج يهبل مثلج

 

[DooLy88]

حافظي على اسرار بيتج وخصوصياتج ولايكون اتطولين لسانج عليه وعلى اهله - وقعدي معاهم تحملي تصيرين انطوائية وياهم ومن هالحجي والحمدلله حياتي ماشية 100% بفضل الله ووصايا ماما

 

[عذوب الشمال]

حياتي فديتج وفديت حزب الطمااشه انا كنت سنة 2008 من حزب الطماااشه والحين منهم الله يوفقج ويرزقج الزوووج الصالح يااااارب
دولي الله يخليلج امج ويطول بعمرها يارب ويوفقج بحياتج ويسخرلج زوجج

شاكره مروركم فديتكم

 

[bint_looda]

لاشفتيه متضايق بينيله انج مهتمه بس بدون حنه

 

[عذوب الشمال]

لاشفتيه متضايق بينيله انج مهتمه بس بدون حنه

مشكوره عالرد ياحياتي نصيحة امج وايد حلوه استمري عليها والله يوفقنا ويسخر لنا ازواجنا

 

[مطيرية والعزليه]

انا ماوصتني شي ولا سالتني شي مستحية مني وخايفه اكثر مني
جنها اهي العروووس

 

[G!RLooNa]

هههه يحليلهم الأمهات الله يخليلنا امهاتنا..

عاد ماحب انا لي ييت أتزوج مابي تنصحني.. مو عشان شي لأني ادري انها بتبجي و بتبجيني معاها ثنتينا ام دميعات :$

 

[*ريما*]

انا امي ماوصتني شي
بس وصت خواتي علي

 

[عذوب الشمال]

الله يخليلكم امهاتكم والله ياحليلهم يونسون وياحلاتهم وياحلات سوالفهم عسى الله يطووووووول بعمهرهم قولو امين

 

[amoon]

موضوعج حلو

الله يرحمها امي يارب ويجعل قبرها روضة من رياض الجنة ماشفتها كنت بيبي يوم ماتت

 

[NauGhty nuRse]

والله انا امي ما وصتني بشي كانت تستحي