نصايحكم لولدي الخديج

[انا رائعه]

السلام عليكم


انا ولدت اخر السادس وراح يطلع ولدي من الحضانه ووزنه 1800

ابي نصايحكم طبعا هو راح يرضع صناعي لان قعد بالحضانه 5 شهور

ابي يكبر بسرعه وتصير عنده مناعه ويقوى
لاتبخلون علي اول طفل لي
محتاجتكم

 

[ام عفراء]

الحمدلله على سلامتج وسلامته

طبعا حليب صناعي للخدج هو سيميلاك نيوشور وايد فيه مواد مفيدة لهم بس انه اثقل من غيره

وسالي الدكتور قبل يطلع يمكن يصرف لج فيتامينات له

وتابعي مراجعاته ولا تفوتينها

وان شاء الله ماعليه شر

 

[ام الحلوااات]

الـــحــمــد للــــه عــلـى ســـلامــتـــه

اااااااااااب

 

[ام بيان]

الحمدالله على سلامتج حبيبتي
الدكتور راح يقول لج شنو الحليب المناسب
انا ولدي عطيته ابتاميل للخدج

 

[انا رائعه]

حالته انتكست بنات ادعوله والله تعبت نفسيا

 

[M!SS.LOBY]

حمدالله عالسلامة

 

["دلوعة حبيبي"]

حاولي تدفينه على طول لام مناعته ضعيفه وما يتحمل ..
بالنسبه للحليب اكيد الدكتور بيوصف لك وانا بالنسبه لي استخدمت حليب نان بريماشور
واستمريت على النان لين كملوا السنتين كثييييييييير ناسب اولادي ..
بالنسبه للمناعه حاولي بقد ما تقدري تتجنبي تعطيه مضادات حيويه لانها فعلا تضعف مناعة الاطفال
الا طبعا في الضروره .. في دكاتره الله لا يوفقهم يوصفونه ع اقل شي بس عشان يطيب الطفل بسرعه
والله ما اكذب عليك حتى حق تسنين مره دكتور وصفه لاولادي بس الحمد لله اني افهم بهالامور ..
وصدقيني الاطفال الخدج بسرعه يكبرون غمضي فتحي بتلاقيه كبير

 

[أمـ مبارك]

الحمدالله على سلامته


وربي يقر عينج فيه


لاتعرضينه للهوا البارد والخارجي ولا تدفينه حيل حيل


تعاملي معاه كنه مولود


انا بنت خالتي جذي بس الحين بيسولها عمليه لان طلع فيها لحميه كبيره


والله يعين

 

[مشتطـه]

الله يشفيه ويعطيه الصحة والعافيه

 

[انا رائعه]

ابشركم ولدي طلع له اربع ايام

 

[باقة ورد]

الحمد لله على سلامته اول شي حطي ببالج ان مناعته ضعيفة يعني لا يختلط بالناس ولا اتطلعينه برة الا حق مواعيد الطبيب و بس لازم يتم مدة الحمل اللي ماكملها ببطنج بكل رعاية و حذر و دفا ولا تعطينه بيد خدامة ابدا وتريعيه عدددددددل بعد كل رضعة لانه الجهاز الهضمي عنده مو مكتمل فراح يتعب من الحليب الصناعي ولا تنسين الفحوصات الدورية للريل و الشبكية و الراس ..راح يكبر انشالله بسرعة لا تحاتين بس يحتاج رعاية خاصة واهتمام كبير

 

[ام بيان]

الحمد لله على سلامته قرت عينج حبيبتي

 

[ام اولاد]

الحمد الله على سلامته وان شاء الله تشوفينه عريس ولاتنسين تعزمينا على عرسه ان شاء الله

 

[Mrs.H]

انا امي كانت ماتسبحهم وايد عكس ولدي كل يوم يتسبح تقريبا

حطيه بمكان درجة حرارته زينة يس مايكون حر لان الصبيان يعرقون بسرعة لكن مو بمكان تيار هوا

ديري بالج عليه وانتي تبدلينه وشيليه شوي شوي علشان لاينمصع وسمي عليه وانتي تبدلينه

وان شاء الله تشوفينه ريال طول بعرض

 

[عاشقة الككاو]

الله يحفظة ويخلية لج