نصايحكم.. فيدوني

[Sa7aBa]

السلام عليكم أمهات

حابه اني اخذ ارائكم وافكاركم ونصايحكم .. ياليت تفيدوني فيها ما نستغني عن خبراتكم

بما اني ماخذه اجازة طويله عشان اقعد بالبيت لأنه صارلي كم شهر ماعندي خدامة
فقلت اخذ اجازة احسن لي بلا تعب دوام ولدي اولى ..

فالحين انا ودي اسوي كلللللللل شي من الألف الى الياء
ولدي عمره سنيتن ونص
قاعده احاول اني اقط حفاضته لأنه ليلحين مو على طووول يقولي انه يبي الحمام
فمادري شسوي
يعني شسوي لا بغيت اطلع انا وياه ؟
لا بغى ينام بالليل البسه حفاظه ولا اخليه يبلل عادي ؟
شلون الطريقة جم يبيله تقريبا عشان يتعود ؟



الشغلة الثانية والأهم ..
ودي اسوي لي جدول بكل شي او اكتب بنوت كلشي
مثلا
الأكل ابي انا اللي اسويه بنفسي
شتنصحوني اسوي له (( خاصه انه لازم اكل البيت قد ماقدر مابي شي صناعي )) توصية الطبيب
ريوق غدا عشا وشنو احسن الأوقات حق الريوق مثلا وشنو احط له


الشي الثاني
ناويه اشتري حق غرفته طاولة وكراسي والعاب تعليمية وهم سبورة عشان يلون ويخربط .... الخ
من وين تنصحوني ؟ وشنو الألعاب اللي تناسب عمره ابي اعلمه الألوان بالعربي والإنجلش
والأرقام .. وهم عندي الأحرف العربيه يعني ابي باللغتين
ممممم حابه انه يتعلم اشيا وايده
نصايحكم


الشي الثالث
ولدي اسم الله عليه وااااااااااااااااايد حركي ماقدر عليه لا طلعت خاصة انه مايحب العربانه
شلون اتصرف وياه لما نطلع

الشي الرابع
كل شي يبيه ياخذه __ ما ودي يتعلم على جذي
هل سياسة الحقران تنفع ؟ وبكل وقت ؟!
لأنه يبجيييييييييييييييييييي مووت مسكين وانا اعصب



احس عندي وايد اشيا__
يمكن بتقولون شفيها هذي ماتعرف حق ولدها شنو ماتقعد معاه
امبلا __ لكن للأسف مو كل وقتي له لأنه تقريبا الدوام ماخذ اغلب الوقت

فألحين اتخذت قرار اني اخذ اجازة طويله ويولي الدوام _ الزم ما علي ولدي
خاصة انه متعلق فيني __ حبيبي حتى تكرمون الحمام يبجي لا بغيت اروح
احسه لأنه فاااقدني !
وبعوضه وابي اعلمه ونتعلم مع بعض
ابي استمتع معاه

واكثر شي اتمنااااااااااااااه امنية حياتي انه يحفظ قران من الصغر






ياليت اشوف تفاعل
لأني محتاجتكم خواتي
لا تبخلون علي

 

[Sa7aBa]

ياليت احد يفيدني

 

[3oosh <3 MJ]

حبيبتي بالنسبة حق الاكل عادي ياكل الاكل العادي .. بس طبعا بدون فلفل والبهارات تكون خفيفه .. واقطعي عنه الاشياء اللي تسوي له حساسية
والقران .. اليهال فهالعمر مشالله يحفظون بسرعه وعندهم قابلية للتعلم.. دايما شغلي قرآن .. واخذي له ايباد او ايبود ونزلي له في قرآن وبرامج تعليمية .. فيومين بيتعود ع الجهاز انشالله.. بس عاد علميه ان الجهاز ماياخذه فكل وقت، انتي تحددين له الوقت
هاي اللي اقدر افيدج فيه لاني مب ام ،، بس متعودة اداري اخواني الصغار..
الله يحفظه لج يارب

 

[سكر فتافيت]

بالنسبه للحمام
انت كل ساعه مثلا اعزمى عليه (تبى الحمام حبيبى ) لانهم ينسوا وهم بيلعبوا
ولازم تقوليله شاطر لما يعمل وتسقفيله مثلا او تديله حلاو
لما تنزلى او ينام بالليل لبسيه بامبرز افضل
ولما يقوم من النوم ناشف دى علامه زينه معناه انه يتحكم بنفسه
لولسه يبلل نفسه يباه محتاج تدريب اكثر وتنبيه انه لازم يعمل فى الحمام
الاكل عادى وعلميه يقعد معاكم على السفره ويكون له طبق خاص به
عوديه ياكل لحاله واصبرى لو بهدل نفسه
لاتقعى فى الغلط انك تجبريه على الاكل او تجرى وراه عشان ياكل
حيغلبك فى الاكل لحد مايكبر
اللعب بكل مكان
جيبى له سبوره حلوه تنمى مهاراتهم ويتسلو بيها
علميه عربى الاول الالوان والارقام وبعد كده انجليزى
عشان مايتلخبط بين اللغتين
الحركه الزياده عادى خاصه فى الولاد
قللى الكاكاو والحلوى لانها تزيد النشاط والحركه
وبالنسبه للخروج الافضل يكون بحريته بدون عربانه
وتكون عينك عليه
وماينفع كل الى يبيه يجيبه تاثر على شخصيته طبعا
وانت بتلاحظى ان ولدك بعد فتره يبى هذا وهذا وما يلعب بيها غير ساعه ويرميها
المهم لاتعصبى عليه حاولى تتكلمى معاه انت عندك مثلها
او مافى فلوس بالتفاهم
وبالنسبه للعبه كل فتره تعملى جرد اللعب الى مل منها شليها بالدولاب مثلا
وبعد اسبوعين طلعيها مره ثانيه لانهم ينسوا هههههه ويحسبوها لعبه جديده
حفظ القرآن ممكن تكررى له الصور القصيره وان شاء الله يحفظ بسرعه
ولازم يكون فى تشجيع من الى حواليه
ربنا يعينك واجازه سعييييييييييده

 

[الشيخة@]

الله المستعان

 

[ميمي..]

بالنسبه للاكل زين تسوين عطيه كله بالبيت لاتعطينه من برا
مثلا الفطور بيض وجبن مع حليب
او كورن فليكس مع حليب وبيضه مسلوقه
الغدا من غداكم وحرصي يكون فيها خضار مثلا مرق فاصوليا باميا بطاط وجزر مع دجاج او سمك او لحم واكيد مايكون فيه بهارات واجد ولا فلفل وعطيه زبادي بالملعقه او شربيه لبن
والعصر عطيه سلطه فواكه او بسكوت او كيك
والعشا من عشاكم بيتزا ساندوشات اي شي مفيد
واذا هو ضعيف عطيه مكسرات بين الوجبات
والله يخليه لك وتشوفينه معرس ان شالله

 

[حرم راشد الماجد]

انا اعطيج جدولنا انا وبنتي وانتي اخذي اللي تبينه


6:00 الفجر اقعدها من النوم واسولف معاها لين تصحصح
اكون مجهزه الحمام والريوق اسبحها والبسها وبعدين اريقها وبعدين اييب كره ونلعب انا وياها عشان تتحرك

عقب لعبة الكره شاريتلها لوحه خشب وفيها صور تنشال اشيلهم ونقعد انا وياها نحاول وحده وحده ليييين تدخل الصوره <<<<<< الشرح عجيب

تكون الساعه تقريبا 8 اخذها ونروح حديقه يمنا ( لاني ساكنه بشقه ) واخليها تلعب بالشمس وتتحرك على راحتها


عقب اللعب اعطيها سناك صحن احط لها فيه فواكهه واخليها تاكل بروحها ما اوكلها وايد تستانس عالسالفه هذي


عال 10 تلاقينها طخت احط لها باباي ( حلقة وحده ) احط لها ماروكو تحبها تندمج وياها وانا اروح اخلص شغلي ( اطبخ وانظف و....... ) لين تخلص الحلقة

عال 11 انومها شويه وارد اكمل شغلي عالساعه 12 اقعدها واعطيها عصير طبيعي ( ليمون - برتقال - جزر ) على حسب
واخليها تلعب بروحها على ما اخلص طباخ واحط لها تتغدا قبلنا احيانا واحيانا معانا

عقب الغدا اخلي ابوها يتولا مهمتها عشان يعطيها من وقته وتتوزع المهام بينا بهالفتره انا مالي شغل فيها اللهم اذا تبي تاكل او تبي شي
عقب نرد نلعب مره ثالثه
احيانا نحط اناشيد abc اخليها تسمع وانا يمها تحبهم لان اصوات يهال

عالساعه 6 اعشيها ونجهز الحمام مره ثانيه بس مو للسبوح اخليها تتنقع فيه بس على اساس تسترخي وبعد الحمام ننسدح انا وياها واقول لها قصه طبعا تحوس اول شي بس بعدين تطخ وتنام


ايام الويك اند لا يختل النظام شوي عشان الزوارات بس هي تكون عارفه ان يوم زوارات وحافظه الروتين الاسبوعي


الطلعه انا بنتي مثل ولدج ولاني ما اخليها عند احد اقسم طلعتي شوي حقي وشوي حقها مثلا اتسوق شويه وهي بالعربانه شوي اخليها تنزل من العربانه وتتحرك وتلعب على راحتها بو نص ساعه واردها بالعربانه واكمل تسوق طبعا اليهال يستانسون عالنفيش فاعطيها تاكل وتلهى عني شوي



اما الحمام يفضل انج تعطينه من وقتج يومين ما تطلعين من البيت وكل نص ساعه تودينه الحمام وانتي تسولفين معاه ووقت النوم لبسيه الصروال اللي فيه نايلون او حطي بسريره نايلون وهم وديه الحمام اذا بغا

يومين هارد ورك وترتاحين ولا تلبسينه بالهفتره حفاظه احسن

 

[Sa7aBa]

حبيبتي بالنسبة حق الاكل عادي ياكل الاكل العادي .. بس طبعا بدون فلفل والبهارات تكون خفيفه .. واقطعي عنه الاشياء اللي تسوي له حساسية
والقران .. اليهال فهالعمر مشالله يحفظون بسرعه وعندهم قابلية للتعلم.. دايما شغلي قرآن .. واخذي له ايباد او ايبود ونزلي له في قرآن وبرامج تعليمية .. فيومين بيتعود ع الجهاز انشالله.. بس عاد علميه ان الجهاز ماياخذه فكل وقت، انتي تحددين له الوقت
هاي اللي اقدر افيدج فيه لاني مب ام ،، بس متعودة اداري اخواني الصغار..
الله يحفظه لج يارب

اشكرج كونج أول وحده بموضوعي :eh_s(9):
قاعده افكر بالآيباد بس مادري نوع ولدي ملول ! محتاره
ربي يحفظلج اخوانج
ويرزقج الزوج الصالح_اذا ما كنتي متزوجه والذرية الصالحه في كلتا الحالتين
موفقه حبيبتي

 

[Sa7aBa]

انا قاعده اسوي مثل اللي قلتيه وان شاء الله بيصير زين واقطها مو ليا

الأكل ..
تصدقين عاد اكثر شي انا اللي اوكله لأنه مالي خلق يدمر ويعفس الدنيا، بس على قولتج خليه يخبص الدنيا بس يتعلم
لأنه ياكل بيده الثنتين أو كله باليسرى
ببدي ان شاء الله من اليوم:eh_s(15):




صاجه المفروض اول عربي وانا اول مابديت بالإنجلش للأسف لأنس اتلخبط بالأحرف العربيه:eh_s(1):


قاعده احاول اني اقلل من الكاكاو عسى ربي يقدرني
وبالطلعة مشكلة عوييييصه ماقدر اخليه
لأنه اذا خليته بيطيييير وبينطلق وانا ابيه ينطلق وودي ما احرمه من الانطلاق بس اخاف يبعد عني وايد وماقدر اراكض وراه فشله اهني اركض ورا ولدي .. مع اني ماشوف فيها شي
بس لأنه ماعندي مساعد يركض وراه خاصة بالزحمة ايا ويلي:eh_s(16):




اي مشكله بيصير اذا استمر بهالشي .. الله المستعان
والألعاب جنج عارفه اني بسوي جرد عالألعاب
اللي مكسر واللي اللي .... الخ





امنيتي بالدنيا اني احفظه قرات
يااااااااااااااا رب قدرني وحقق لي مرادي ياااا رب:yaaaaaarb:



اشكرج على ردج الوافي حبيبتي:eh_s(17):
يزاج الله خير:eh_s(8):

 

[Sa7aBa]

الله المستعان

اي والله سبحانه:eh_s(17):

 

[Sa7aBa]

بالنسبه للاكل زين تسوين عطيه كله بالبيت لاتعطينه من برا
مثلا الفطور بيض وجبن مع حليب
او كورن فليكس مع حليب وبيضه مسلوقه
الغدا من غداكم وحرصي يكون فيها خضار مثلا مرق فاصوليا باميا بطاط وجزر مع دجاج او سمك او لحم واكيد مايكون فيه بهارات واجد ولا فلفل وعطيه زبادي بالملعقه او شربيه لبن
والعصر عطيه سلطه فواكه او بسكوت او كيك
والعشا من عشاكم بيتزا ساندوشات اي شي مفيد
واذا هو ضعيف عطيه مكسرات بين الوجبات
والله يخليه لك وتشوفينه معرس ان شالله

مشكوووووووووووووووووووووره
اي والله ضعيف حياتي
ماطرت علي المكسرات كللللللللللش ... يبيله ان شاء الله

آآآآآميــــــــــــــــــــــــــــــــــــن ياعلني اشوفه معرس :yaaaaaarb:

 

[Sa7aBa]

انا اعطيج جدولنا انا وبنتي وانتي اخذي اللي تبينه


6:00 الفجر اقعدها من النوم واسولف معاها لين تصحصح
اكون مجهزه الحمام والريوق اسبحها والبسها وبعدين اريقها وبعدين اييب كره ونلعب انا وياها عشان تتحرك

عقب لعبة الكره شاريتلها لوحه خشب وفيها صور تنشال اشيلهم ونقعد انا وياها نحاول وحده وحده ليييين تدخل الصوره <<<<<< الشرح عجيب

تكون الساعه تقريبا 8 اخذها ونروح حديقه يمنا ( لاني ساكنه بشقه ) واخليها تلعب بالشمس وتتحرك على راحتها


عقب اللعب اعطيها سناك صحن احط لها فيه فواكهه واخليها تاكل بروحها ما اوكلها وايد تستانس عالسالفه هذي


عال 10 تلاقينها طخت احط لها باباي ( حلقة وحده ) احط لها ماروكو تحبها تندمج وياها وانا اروح اخلص شغلي ( اطبخ وانظف و....... ) لين تخلص الحلقة

عال 11 انومها شويه وارد اكمل شغلي عالساعه 12 اقعدها واعطيها عصير طبيعي ( ليمون - برتقال - جزر ) على حسب
واخليها تلعب بروحها على ما اخلص طباخ واحط لها تتغدا قبلنا احيانا واحيانا معانا

عقب الغدا اخلي ابوها يتولا مهمتها عشان يعطيها من وقته وتتوزع المهام بينا بهالفتره انا مالي شغل فيها اللهم اذا تبي تاكل او تبي شي
عقب نرد نلعب مره ثالثه
احيانا نحط اناشيد abc اخليها تسمع وانا يمها تحبهم لان اصوات يهال

عالساعه 6 اعشيها ونجهز الحمام مره ثانيه بس مو للسبوح اخليها تتنقع فيه بس على اساس تسترخي وبعد الحمام ننسدح انا وياها واقول لها قصه طبعا تحوس اول شي بس بعدين تطخ وتنام


ايام الويك اند لا يختل النظام شوي عشان الزوارات بس هي تكون عارفه ان يوم زوارات وحافظه الروتين الاسبوعي


الطلعه انا بنتي مثل ولدج ولاني ما اخليها عند احد اقسم طلعتي شوي حقي وشوي حقها مثلا اتسوق شويه وهي بالعربانه شوي اخليها تنزل من العربانه وتتحرك وتلعب على راحتها بو نص ساعه واردها بالعربانه واكمل تسوق طبعا اليهال يستانسون عالنفيش فاعطيها تاكل وتلهى عني شوي



اما الحمام يفضل انج تعطينه من وقتج يومين ما تطلعين من البيت وكل نص ساعه تودينه الحمام وانتي تسولفين معاه ووقت النوم لبسيه الصروال اللي فيه نايلون او حطي بسريره نايلون وهم وديه الحمام اذا بغا

يومين هارد ورك وترتاحين ولا تلبسينه بالهفتره حفاظه احسن

ماشاء الله وايد اعجبتني طريقتج:ggdw: ربي يوفقج ويجعلها من الذرية الصالحه
شكلي باخذ طريقتج:eh_s(15):

انا عندي حوش نقدر نلعب فيه بس ياربي وجود سايق يكرج ماتاخذين راحتج__ بس شنسوي بالحوس... ايييي نلعب كره :eh_s(9):

بالنسبة للوحة من وين شاريتها ؟
والأناشيد من وين
عفيه ابي اشيا دينيه
وهم قصص .. تقولين لها من روحج تأليفج ولآ من كتب __ ومن وين ؟
ابي كل المعلومات عشان اروح اشتري

وهذي وردة لمجهودج الرائع مع بنتج الله يخليها لكم ويخليكم لها ويبلغكم فيها :eh_s(7):
ويزاج الله خير على ردج الوافي :eh_s(17):