* .. نصايحكم فديتكم .. عروس تحاتي :(( . . . . . !!

[ماعاد بدري}~]

السلام عليكم ورحمة الله وبركاته ..

اليوم مادري شفيني حييل احاتي ومتقلبة نفسيتي وشغلي للحين باقي ماخلصته اشياء وايد ودي اسويها العرس باقي عليه 20 يوم باذن الله ادعووولي بالتوفيق والالفه .. بنات بتكلم معاكم بصراحة واليوم بطلع كل اللي بقلبي كاتمته وخايفه .. انا صراحة خاايفه حييل ولاني ما اعرف شيء بالحياة الزوجية كلش كلش حتى رفيجاتي منصدمين مني .. انا صغيره عمري 19 ومادري شنو يصير باول يوم ادري عن غشاء البكاره وهالسوالف لكن مادري شنو المطلووب مني اسويه .. يعني ابي منكم تنصحووني وترشدوني للصحيح ماعندي احد يقولي وامي وخواتي استحي حييل منهم واذا يابوا طاري العرس ينقلب ويهي واقوم من مكاني . .وبعد بنات انا حيل خجوولة وحساسه واي كلمة تأثر فيني ودمعتي كلش مو عزيزة علي علئ اي شيء تطيح .. ( لحد يقول وين كرامتج لانه الدموع والمشاعر عمرها ماكانت تهين كرامة احد) والكل يقول الريال يبي المرة اللي بالها طويل عليه وماتحسس باي كلمة يقولها .. ؟؟ يعني شلوون اعالج نفسي بهالعله !! المههههمم .... بناااات انصحوووني انصحوووني شنو اسوي اول يوم ابي كل وحدة تقص لي قصتهاا باول يوم واللي مثلي عزاابيه يستمعوون ويستفيدوون ..
وابي تقولون لي عن علاقتي في امه وخواته شلوون اتعامل معاهم !! كل شي عن حياة علموني انصحوني وربي محتاجة نصايحكم نفسيتي مادري شفيها صايره ابجي وايد واحاتي
^ انا هذرت عليكم وكلامي نصه مو منطقي لكن والله اللي بقلبي علئ لسااني كل شيء قلته واحس اني ارتحت .. تكفون ريحوني بنصايحكم الله يريحكم دنيا واخره ♥♥♥♥♥

 

[عيتانية]

حبيبتي اتمنى لك التوفيق في حياتك المقبلة
هوني عليك .. وتوكلي على الله تعالى
التوتر الي تشعرين به امر طبيعي اعتقد كل المتزوجات مررن بهذه المشاعر قبل العرس..
المهم انت لا تشيلي هم وادعي ربنا يسهل عليكم الامور جميعا
تجدين نصايحي عندك عالخاص عزيزتي

اتمنى الي ودها تنصح يكون برسالة خاصة بينك وبينها لان هيدا موضوع خاص للمتزوجين فقط
حتى لا يقرأه العذابة بالغلط !

 

[عبوور21]

حبيبتي انا بعد مثلج حييييل احاتي بس امي علمتني وهم بعد ليما رحت للفحص قي هناك دكتوره اجتماعيه كلمتني شوي وعلمتني عن علاقتي مع زوجي وقالت (( لازم تحترمينه اول شي وموكل شي تقولينه له يعني امورج الخاصه بينج وبين خواتج او بينج وبين امج يعني سوالف عائله ، واذا تكلم اهوا بالفون لا تحاولين تتسمعين عليه عشان ما يحس انج شكاكه و لا تسألينه مع منو كنت تتكلم يمكن موضوع خاص بينه وبين ربعه او بالدوام يعني عشان ما يحرجج ويقول لا ماكو شي وتظل السالفه بقلبج ودايماً خلج نظيفه وعلى طول شقتج او بيتج نظيف وريحته حلوه عشان اهوا ليما يرد من برا يحس انج مهتمه فيه وبالبيت الي انتي قاعده فيه ، واذا انتي ساكنه عند اهله انزلي عليهم العصر قعدي سولفي معاهم واستانسي ، وخلي علاقتج معاهم سطحيه > بس موحيل يعني مو اي شي يصير معاج على طول تقولين لهم ولا اي شي يصير يبنج وبين زوجج تقولينه لا حق خواته ولا حق خواتج (( اقصد الأشياء الي تصير بغرفه النوم )) لان هذي اشياء خاصه بينج وبينه وحرام تطلع برا ،، واذا بتقولين حق امج او اختج الكبيره بسسس .. لا تدخلين اي احد بينج وبينه لا امج ولا خواتج ولا رفيجاتج حلو مشاكلكم بروحكم الا اذا تعقد الموضوع لا سمح الله ذيك الساعه دخلي امج او امه بالموضوع بسس ولا تشكين حق رفايجج اي مشكله تصير بينج وبينه لانهم راح ينصحونج بأشياء يمكن اهما جربوها ونفعت معاهم.

 

[عبوور21]

بس انتي ماراح تنفع معاج ،،
العلاقه الخاصه بينج وبينه خلي فكرج على الطبيعه يعني لا تحاتين ولا تسمعين الي تقولج سوي جذي وسوي جذي يمكن ما يعجبه !!
خليج ع راحتج واهم شي << حلى لسانج >> يعني شنو يعني دايماً خليه ما يسمع منج الا الكلام الطيب يعني (( حبيبي / حياتي / تامر / من اعيوني .. الخ ))
ولا تدققين ع كل شي اهوا يسويه مع الأيام راح تتعودون ع بعض وتصيرون سمن ع عسل &#55357;&#56836; اهم شي خليج ع طبيعتج ولا تتصنعين ،،

بس اعتقد هذا كل الي عندي !!
الله يوفقج ويجمع بينكم بالخير يا رب &#55357;&#56856;

 

[الأوركيد~]

الله يجمع بينكم على خير يا رب

 

[أشبـاهـ المطـر]

انا تزوجت عمري 20 العلاقه لاتحاتين مو مطلوب منج شي
مو حلوه دمعتج بعينج مو سالفه كرامه الواحد يقوي شخصيته البكاء مو حل
للمشكله خلج حكيمه لازم تعرفين اول ثلاث سنوات فيها مطبات لابد من اختلاف الاراء
على فكره الرجال يحبون يختبرون حريمهم ديرر بالج اهله اذا ضايقوج يقصد او دون قصد
لاتقولين له لاتعاملينه كانه وحده من خواتج كل شي اتفضفضين له لا الغموض مهم
في كتاب اسمه كيف تكسبين محبوبك اقريه سهل ومفيد ونصيحه لاتقارنين زوجج باحد
موفقه

 

[مـهـاآ]

ااب

 

[مالك لزوم]

انا نفس حالتجج ونفس العمر ههههههههه وعرسي قريب باقي 15 يومم تقريبآآ
صحيح توتر وماتعرفين شو تسوينَ وكله تفكريين : (
.. الله يستر هههههههه
الله يتمم لناا ع خير ان شاء الله