نصايحكم حقي عشان اكبر بعيون زوجي

[جلكسيه اس 3]

السلام عليكم ورحمة الله وبركااته

بناااات
انا حابه اتغير للاحسن

ابي اوخر عن الاهمال

ابي اصير زوجه سنعه 100%

ابي اتغير للابد عشاني وعشان اعيالي
ولاني ادري انه الاهمال غلط

ساعات اكون نكديه وعصبيه قبل الزواج ماكنت جذي
مادري شاللي تغير فيني
بس اللي اعرفه ان الكبت يولد الانفجار :eh_s(11):
او وايد اشياء تغيرت فيني
عنيده مع اني ادري اعنادي مو بمكانه

احاول اتغير لان ادري ان تفكيري غلط بغلط
نصايحكم تكفووون من ناحية تعديل الشقه و كل شي
واشلون اتديرون وقتكم
علما اني عندي اعيال و عندي معهد الفتره الصباحيه

انا الفتره هذي تغيرت وايد:ggdw: بس هم ابي اتغير اكثر

عفيه لاتبخلون علي بالنصايح :eh_s(11):

 

[كتكوته ورديه]

اهتمي بابيتج واعيالج ورجلج

 

[شذونه]

انا مو متزوجه بس ان شالله يجون الحلوات ويفيدونج

 

[انا لحبيبي .]

كل انسان بمر بمرحله بحياته ، بتكون شوي صعبه ، واهم شي التغير لازم يكون ​

من الداخل علشان ينعكس على المظهر الخارجي ، غيري قناعاتك عشان تتغير ​

حياتك

شوفي انتي شو يلي بدك تغيره بنفسك ؟ مثلا شغلة العناد هي انت عارفه انها غلط ومو مكانها حاولي غيرها

وفي شغلات كتير ما حد رح يفيدك غير نفسك ، انتي يلي بتعرفي شخصيتك اكتر من اي انسان​

ومن يتقى الله يجعل له مخرجا ويرزقه من حيث لا يحتسب إلجئي الى الله ورح ترتاحي باذن الله

الله يهدي بالك حبيبتي​

 

[CheeSeCaKe]

سكرتير مستقبليه

شوفي أختي .. آنا بقولج الشغلات الي لاحظتها تأثر بالريال ..واتمنى تطبقينها وتستفيدين ...

- الريال يحب الترتيب حتى لو كان اهو سبب الفوضى !! .. ويحب يشوف أشياء يديده حتى لو ما تكلم ..
يعني إذا عنده درج عفيسة ومثلا حاط الأقلام مع الولاعات مع الأوراق .. ( وفريله تقسميه تنباع بأيكيا .. يقدر يحط كل شغله مع بعضها بشكل مرتب .. حتى لما يدور عليها يلاقيها .. طبعا اهو لما يفج هالدرج راح ينصدم !!!)

- علقي هدومه كل ما فصخهم وجدامه .. علميه يحط الهدوم الوصخه بالسلة علشان تعرفين انهم وصخه ..راح تلقينه مثل الياهل يحطهم كل مره جنه وااااجب )

- عطري الكبت وبخريه بين فتره وفتره .... حتى ملابسه الداخليه ..
وخلي البيت دايما ريحته حلوه .. الحين تلقين المباخر البخارية والكهربائية وحتى الشمعات ..

- إذا زوجج عنده هواية تجميع أشياء معينة او عنده شهادة او صوره حلوه بروزيها وحطيها .. راح يكيف حده بحس انه مهم وحتى هالورقة او الصوره وايد مهمه ..

- دايما خلج على اطلاع على احتياجاته .. لأن الريال بطبعه كسول حتى مع نفسه .. يبي شغلات راح يأجلها بس إذا شافج انتي ذاكرته وملاحظتها راح تطقه البوهة ..


راح تلاحظين الريال .. بالضبط مثل الياهال .. يحب حياته سهله ومريحة ..مثل ما كانت امه تسوي له ..

لدرجة أنا زوجي كان لما يتسبح يلف فوطة على خصره ... شريتله روب قلتله ينشفك أحسن .. الله وكيلج ما يهده لوووول ... مع ان شي بسيط ...

ومثال ثاني .. كان يستخدم الاسفنجه النايلون اللي اتيي دعاية اللي ما تسوي شي وليفه عادية ... شريتله ... ليفه بودي شوف القفاز ... الحين ما يهدها ..


وأقولج مثال ثاني ... زوجي من هوات تجميع الالعاب اليابانية الكرتون الخاص بالكبار .. وكل سفره لنا يشتري شي .. وهالألعاب لها ثمنها مو هينة ... اقنعته يشتري كبت زجاج مثل الفترينات ونحطهم بالصالة .. لا تشوفين شنو صار فيه !!! يعني ما حبطته واستصغرت هوايته !!

آنا يمكن أقولج هالشي لمعرفتي بزوجي .... لكن أنتي اكيد ... بتنظرين للموضع بجهة ثانية حسب اسلوب ريلج وطريقته ...

بالنسبة حق عيالج ...

تدرين بنت عمي شكانت تسوي حق عيالها كل جمعة .. تقولهم يالله .. وتترس تب وماي وصابو وهالسوالف وأذا كانت اظافرهم طويله .. تقصها وتسويلهم بديكير ومنيكير .. ومرات اعيالها اييون لها يما يالله متى تسوين لنا ..

هذا مجرد مثال ... حتى الياهل يحب الأهتمام ..

بكل بساطة الأهتمام يحسس الشخص بمكانته ... لو بعد ألف شنة مرت عليه ألف مره .. راح يذكره اللي عطته من وقتها ..

وهم لا تنسين نفسج .. صدقيني مرات وايد تمر علي لحظات كسل وكدر .. بس فجأه أقول لا ما بي اكون سلبية ... وتلقيني اكشخ واطلع واروح مساج اروج يمعات .... لأن السلبية تضرج وتضر اللي حواليج إذا نقلتيها لهم ... صغري الأمور دايما واهية تصغر ..

وبالتوفيج حبيبتي ..والله يسعدج

 

[iLLuMinaTion]

شكرااااااااااا

 

[جنون العشق]

اتحكمي بانفعالاتك وابتسمي دائما

 

[ماني من الناس]

))) أحبيه بلا عُقدِ (((

 

[تعبت اداري...~]

وعليكم السلآم ورحمة الله وبركاته
هذي الموضوع فيه بعض الاموره بتفيدج باذن الله بتتغير حياتج للاافضل ان شاء الله
http://www.q8yat.com/t832663.html

 

[nwir72]

الدعاء وقيام الليل وقراءة البقرة كامله

 

[جلكسيه اس 3]

يسلمووو فديتكم

 

[صمــت_ALsHfaaH]

ماقصصرت الاخت CheeSeCaKe

بس حاولي بنفسج بالاول ارضي نفسج عشان تقدرين تعطين

 

[ام فهد5]

فووووووووووووق

 

[جلكسيه اس 3]

للرررررفع

 

[DaShTeYa_Q8]

خلج على طبيعتج و استانسي مع ريلج وعيالج
تره صج الدنيا ماتسوا الواحد يضيق خلقه ويتعب عشانها
لا تعصبين وتكدرين خاطرج ونفسج استانسيي وونسي الي حوولج

والله يووفقكم

 

[جلكسيه اس 3]

اجمعين ان شاء الله ومشكوره على النصيحه