نسافر بعثه ومتوهقه وين احط اثاث بيتي

[عيد الفرح]

بنات طلعلنا بعثه لبريطانيا وانا ماجره دور صغير من فله واثاثي مو وايد ومحتاره شسوي فيه ابيعه بالحراي بس حسافه خساره والله اغلبه يديد
والله ااجر سرداب واحطه فيه بس ما اعرف بجم اجار السرداب
انتو لو مكاني شنو تسوون وبشنوا تنصحوني
ناطرتكم لاني صدج متوهقه

 

[Hello_kitty]

حبيبتي شوفي بيت اهلج او اهل زوجج او احد من اخوانج خواتج اي احد تعرفونه عنده مكان يكفي او غرفه زايده تحطون فيها اثاثكم

حتى لو توزعين الأثاث اذا كان وايد في بيوت اخوانج واهم شي تغطين الأثاث وتخلينه في دار مقفووووله علشان محد يخرب اثاثج او يستعمله

 

[سموالاميره]

فعلا بعد انا كنت بقل جذيه اذا اهلج عندهم مكان زين على زين واذا انتي مطوله من غير شر بيعيه

 

[سيدة اعمال11]

اختى انا صارلى نفسج قبل 5 سنين وزعت اغراضى على الاهل وخليت الاثاث والاجهزه الكهربائيه عند خالتى لانها عندها مكان فى بيتها بس للاسف وحنا مسافرين كل شويه موزعه شى مره احد محتاج ومره بعطيه حق اختك بدال ما تشترى غيره وعلى هالحال وقبل لانرجع بشهر واحد وزعت طاولة الاوتى والمنشره وردينا من الصفر اثثنا البيت والله جنا معاريس من اول ويديد شرينا وكلفنا وايد وللحين صارلى سنه ما شريت كل اللى كان عندى قبل حسافه عليهم كانوا عاجبينى غلرفة نومى والقنفات يدد بس الحمد لله على كل حال
صارلنا سنه من ردينا من غير الاجارات اللى ارتفعت

 

[ام الدرر]

احنا اجرنا ملحق صغير نظام شقة غرفتين وصاله منها نحافظ عالاثاث ومنها يكون لنا مكان اذا نزلنا بالاجازات
شوفي لج ملحق او شقة صغيرة بمنطقة عوايل عشان تامنين على اغراضج
لانها ياقلبي موسالفة الاثاث بس فيه ملابس واغراض واجهزة خاصة اذا لج جم سنه متزوجه
والله يوفقكم ويردكم بالسلامه​