نزوووول المشيمه والنزيف~~~~~~~~

[وسومه الحلوة]

مرحبا بنات



أنا حامل ومن بداية حملي ينزل علي تكرمون دم بني وقال الطبيب عادي هذا المشيمه ضعيفه ومع العلاج ان شالله ترتفع وعطاني حبوب دوفاستون والحين يوم دخلت الرابع قبل يوم عرفه نزل معاي دم احمر جنه نزيف ورحت الطبيب وسولي سونار قال الطفل سليم الحمدالله والي نزل عليج هذا من المشيمه لانها نازله وضعها صاير تحت والبيبي فوق بس يبيلج راحه وهذا الدم راح يجيج بين كل فتره وفتره وقالي اذا مارتفعت المشيمه احتمال قيصريه
بنات حبايبي الحين أنا قاعده بفراشي ماتحرك والله حتى العيد ماعيدت مع الناس خائفه مادري ليش في احد صارلها نفسي تكفون طمنوني ولاتهملون موضوعي والي ماتعرف شي عن هالموضوع ترفعه للآجر وعسى الله لايحرمكم الضنى

 

[حرة الحرائر]

ما تشوفين شر

ان شا الله يفيدونج

للرفـــــــــع

 

[حرة الحرائر]

ما تشوفين شر

ان شا الله يفيدونج

للرفـــــــــع

 

[وسومه الحلوة]

جزاج الله خير ياحياتي

بنات شدعوه الموضوووووع موطماشه ٢٦ بس وحده ردة ليش حطو نفسكم مكاني أنا قلت الي ماعندها علم بالموضوع ترفعه شنو بتخسر يعني ياما رفعت مواضيع ماعندي علم فيها ماقول الا لاحول ولاقوة الا بالله

 

[miss-winter]

رد : نزوووول المشيمه والنزيف~~~~~~~~

ربي يتمم حملج يارب ويسهل عليج

 

[noorq8]

أول شي عيدج مبارك.
حبيبتي الحين الحل بعد الله بيدج ,الراحه التااااااااامه بالفراش وفقط الحركه للحمام عزج الله ,الحمد لله ان الطفل سليم بس لازم ترتاحين ولو كنتي طالبه وقفي قيدج حرام البيبي ينولد بعيد الشر قبل وقته بعيد الشر مو زين على صحته فارتاحي وعليج بالدعاء وان شاء الله تشيلينه متعافي .

 

[وسومه الحلوة]

الله يجزاكم خير للردو على موضوعي وعسى ربي يرزقكم بالذريه الصالحه



يلا بنات محد عنده خلفيه بالموضوع

 

[noynoy]

عااااااااااااادي انا نزل علي دم بالخامس تقريبا اسبوعين ينزل علي دم احمر
لان مشيمتي نازله
انتي ارتاحي و انسدحي و الله يتمم عليج
و كله رفعي ريلج لا تجهدين نفسج
و الله يهوون عليج يا رب و يرزقج لا تخافين و لا تحاتين اهم شي النفسيه ترى تأثر خلج متفائله

 

[H.A.K.W]

حبيبتي لا تحاتين انشالله ماكو الا كل خير
انتي بس ارتاحي وانسدحي وحطي المخده تحت رجلج
وانشالله ماكو الا كل خير

 

[دو^ري^مي^]

الله يهون عليج

 

[LiL MaMa]

رد : نزوووول المشيمه والنزيف~~~~~~~~

لله يسهل عليج و يرزقج الذريه الصالحه
لا تحاتين

 

[جذابه بنت ذيابه]

رد : نزوووول المشيمه والنزيف~~~~~~~~

حبيبتي لا تحاااتين


اهم شي ارتااااااااااااااااحي .. وحطي تحت رجولج مخدتيييييييين


ولا تقومين من مكانج الا للضروره



وان شاء الله تبشرينا بولادتج يارب

 

[وسومه الحلوة]

الله يجزاكم خير بنات

بس في احد سمع أوصار معها مثلي ؟؟؟

 

[التوت الأبيض]

الله يعينك ياقلبي..أنا مثلك وبكرة أدخل السادس بس نزل علي شوي ماي بالثالث وألحين الحمدلله مانزل شي..
بس لللحين مشيمتي نازلة..وللأسف كنت أنسدح غلط والطريقة الصحيحة عرفتها بالخامس وماقدر أسويها لأن بطني كبر حيل لأن توأم وصرت أختنق..
الطريقة الصحيحة إنك تنسدحين على ظهرك وراسك مستوى ظهرك مو مرتفع حيل بمخاد لأ مخدة واطية ورجلك مو مرتفعة حيل شوي خفيف..أنا كنت أكثر مخاد وأرفعهم وهذا غلط شي بسيط يعني تكفي مخدة..
والله يتمم عليك إن شاء الله ولا تخافين أعرف وحدة ارتفعت مشيمتها بالسابع وولدت طبيعي ووحدة بس ارتاحت اسبوعين راحة تامة وارتفعت..وولدت طبيعي ووحدة نازلة مشيمتها والدم مثلك يقطع وقالوا لها عملية وتفاجأت لما صحت من البنج إنها ولدت طبيعي عند آخر لحظة..وأنا اللي أهديك وأحاتي لأن كلهم طفل وانا طفلين وخايفة شراح يصير ومالنا إلا الدعاء​

 

[om batool]

اهم شي الراحه

واتوقع بس يكبر البيبي يرتفع وترتفع المشيمه

الله يتمم حملج على خير

 

[مربى و قيمر]

رد : نزوووول المشيمه والنزيف~~~~~~~~

اهم شى الراحه التامه والله يثبت حملج يارب

 

[نوناتي حياتي]

الله يتمم عليج
بس اهم شي الدعاااء وترفعين رجولج شويه مووو حيل

 

[om__jana]

حبيبتي لا تحاتين ان شاء الله ماكو الا العافيه انا يوم الاحد حاشني نزيف وانا بالشهر الثالث رحت الطوارئ قالولي البيبي الحمدلله سليم بس المشيمه نازله وفي دم متجمع ورى المشيمه قاعد ينزل عطوني ابره وحبوب تثبيت وهذا انا ماخذه مرضيه هالاسبوع وكله منسدحه. وحده من رفيجاتي صار. معاها نفس الشي وظلت شهر نزيف وكله مسدوحه والبيبي ماكان فيه نبض والحمدلله ولدت طبيعي وبنتها الحين عمرها ست سنوات الله يحفظها

 

[اسرااار]

انا صار معاي مرتين نزول بالمشيمة ..بس مع الراحه ترتفع لي الشهر الرابع

والحمد لله ولدت طبيعي ..لاتحاتين اهم شي نامي على ظهرج وارفعي رجولج

 

[غربة الروووح]

الله يتمم عليج وانا حصل معاي هالشي مرتين في بجري قالوا لي ان المشيمه من حملت واهي تحت وقررو علي العمليه من البدايه ولدت بالثامن وعلشان هالشي عطوني الابر علشان البيبي مايتم بالشيشه وصارت معاي في حملي الثالث وكان كل شي طبيعي ليما وصلت للسابع وقالي الدكتور المشيمه نازله وقالي كذا دكتور ان استحالة المشيمه تنزل فجاه ولدت باول الثامن وماكنت حاطه في بالي اني راح اولد مبجر وهم الدكتور ماقال اخذي ابر وتعبت بنتي وحطوها بالشيشه انا موقاعده اخرعج بسالفتي وان شاءالله ترتفع المشيمه وتولدين طبيعي بس اهم شي تراجعين وتستمرين مع الدكتور والاهم الراحه ع الظهر ورفعي رجولج