نزول مخاط اخضر مايل للاسود في بداية الحمل

[kaka.1976]

شفت محد عبرني قلت اغير عنوان الموضوع يمكن يجذبكم

السلام عليكم

انا كانت اخر دورة لي بـ 15/5 و حللت و انتوا مكرمين بول بالبيت في تاريخ 18/6 و طلعت حامل ( على فكرة انا ولاداتي كلها مبكرة بالثامن بالـ 34 اسبوع طبيعي عندي ثلاثه )
بس من جم يوم حسيت عوار في نهاية ظهري ...بعدين رحت الطبيب قال التهاب بالبول وقالت ممكن حمل خارج الرحم او الرحم مفتوح عندج مت من الخوف رحت حق دكتوره دلال السالم.... عشان اسوي سونار جان تقولي العوار عادي خل نسوي سونار داخلي لان بالفترة بعد ما تكون بيبي.... و سوت سونار داخلي قالت الحمدالله الرحم مسكر و خارج الرحم ماكو شي

المهم بعد مارجعت البيت نزل علي مخاط لزج زيتي مايل للاسود و كل ما امسح نزل مت من الخوف رديت رحت الطبيب جان تقول عادي هذا دم فاسد و عطتني حبوب دافتسون قالت هذا مثبت لمدة شهر مرتين باليوم،،،،،

بس يا جماعة كل القريته عن هالحبوب انه لمدة 5 ايام ليش انا شهر و خايفه اخذهم .........

فشنو تقولون وهل ممكن احد منكم مر بنفس الشي هذا المخاط تتوقعون عادي و لا


سامحوني طولت عليكم.........

 

[آهات الليل]

ماعندي فكره الله يتمم عليج ان شالله

 

[جميله وجذابه]

اذا اخضر هذا التهاب ولازم اتعالجينه ابتحاميل ( في تحاميل يصير تستخدمينها وقت الحمل ما تضر )

روحي عند الطبيبه قوليلها ابي تسويلي مسحه لان عندي افرازات وانا حامل و اهي راح تاخذ مسحه من هالافرازات و اتسويلج تحليل و مزرعه و اتشوف اذا في شي تعطيج علاج حقه و روحي بسرعه لا تهملين هالشي لان اذا في التهاب مو زين للحمل و ما تشوفين شر

 

[Mo 9eJ]

دام طمنتج الدكتوره الحمدلله
وبالنسبه للحبوب عادي انا خذيتهم بدايه حملي مثلج عطتني شهر مرتين باليوم كانت تنزل مني افرازات بنيه
والله يثبت حملج ولاتحاتين

 

[جناعية]

حبيبتي هذا التهاب انتي مثل مشكلتي كله اولد 34 اسبوع تدرين يكون من سبب الالتهابات الي ما يقدرون يعرفونها انا رايي تروحين مستشفى الولاده الصباح اهم الي عرفوا الي فيني ديري بالج اذا ما عالجتيه يظل معاج طول الحمل وياثر على الجنين والديفستون انا اخذه لمه الشهر الرابع عادي ما يضر هذا الدوا عباره عن هرمون يزيد نسبة هرمون الحمل بالتالي الجسم يتمسك بالحمل طبعا اهي بصورة طبيه اكثر بس انا بسطها لج ما تشوفين شر يالغاليه وان شاء الله تنظمين حق تجمعنا بشهر فبراير

 

[q8nina]

انا حملي عزيز

من حملت اول يوم حللت عطتني اياهم فوزيه القطان ثلاث مرات باليوم لمدة ثلاث اشهر ..

اول يوم بالشهر الرابع وقفتهم .. واخذت ابره مثبته كل بداية شهر ابره ..بدل الحبوب ..

والله يسهل علينا ..

على فكره انا من حملت الى اليوم لازم ينزل علي دم كل شهر شويه والدكتوره قالت عادي خارج الرحم ..

بس ماسويت ولامره سونار داخلي لاني رفضته ..

 

[kaka.1976]

مشكورين حبيباتي و ما صرتوا على الرد الله يطمن قلبكم نفس ما طمنتوني و يرحم واديكم ووالدين امة محمد امين رب العالمين

 

[kaka.1976]

مشكورين حبيباتي و ما قصرتوا على الرد الله يطمن قلبكم نفس ما طمنتوني و يرحم واديكم ووالدين امة محمد امين رب العالمين

 

[AVE.NJ]

انه كل مايفحصني الدكتور ينزل على البني عادي لاتحاتين
الله يحفظ مافي بطنج من كل شر وبلاء
اللهم امين

 

[kaka.1976]

امين يارب العالمين

بس اللحين قاعد ينزل علي دم دم رحت الطبيب تقول خليه اذا زاد صار مثل الماي تعالي بسرعة