نزول الدم وقت التبويض

[تراني مجنونته]

السلام عليكم


بنات انا الشهر اللي طاف نزل معاي دم وقت التبويض


و استمر 3 ايام انقطع من نفسه

و يوم سألت امي قالت عادي تصلين و تصومين فيه

حتى يصير بعد تجامعين زوجج


و الشهر هذا توه امس نزل مني دم و ليلحين مستمر


مادري شسوي عشان اوقفه


و هل يمنع الحمل هالدم ؟



ناطره ردكم حدددي مخترعه

 

[orchidia]

طيب انتي ماقلتي بالضبط شنو كمية الدم او حتى وضحتي

نزل وقت التبويض يعني متى بعد الدورة بـ 5 ايام ..؟؟

هل أنتي حامل ؟؟ أو لا مافهمت من كلامج شي ..

عموماً اذا هو دم بعد الدورة فيمكن انذار اجهاض وروحي سوي تحليل دم

اما اذا كان وقت الدورة أو قبلها بيومين أو ثلاثة أتوقع دم متحجر ماادري

شوفي البنات يمكن يووضحون لج اكثر

 

[تراني مجنونته]

حبيبتي كل شي واضح من العنوان


و ينزل معاي دم شويه وقت التبويض الحين

و اسفل بطني يعورني

 

[اخت خالتهم]

انا قريت وايد ان من علامات التبويض القوي ألم بأحد المبيضين + نزول دم وقت التبويض + الصداع + الافرازات

 

[orchidia]

الدم بني ؟ اذا هو بني ويكون خفيف كأنه شرايط بنية خفيفة فهو بإذن الله تبويض جيد

انطري لحد مايعدي يوم الدورة بأسبوع وحللي

وانتبهي حبيبتي لا تشيلين الثقيل ولا ترهقين روحج

والله يرزقج بالحمل السليم الثابت يارب ويرزق كل محرومة ..

وان شاء الله تبشرينا بحملج وماتشوفين الدورة تسع أشهر

** نصيحة بعد .. خلي الجماع يكون أيام فردية

يعني 9 11 13 15 17 عشان تكون قابلية الاخصاب أكثر والحيوانات المنوية أقوى وبالتوفيق

 

[تراني مجنونته]

لا مو بني


احمر مع قطع

و ماله ريحه




و بطني ذابحني بس تحت الرحم اخر شي

 

[احلى الاسامي]

مابي اخوفج أنا مثلج كنت اعتقده تبويض وطلع قرحه بالرحم روحي أكشفي احسن لج

 

[orchidia]

لآ حبيبتي دامه احمر وقطع رووحي لدكتورة احســن ماقدر افيدج أكثر من جذي

انا مرة طلع معاي دم بني ودقيت ع الدكتورة سألتها قالت التبويض ممتاز بس ماصار حمل من الله

بس أحمر ما مر علي والله الدكتورة أحسن

وموفقة وبشرينا خيــر ان شاء الله

 

[Cute_88]

احلى الاسامي
انا صار فيني قرحه بس قالتلي خفيفه وعطتني بس مضاد حيوي .. انتي حملتي عقبها ؟ وشنو عطتج العلاج ؟

 

[احلى الاسامي]

أنا ماصارلي اسبوع مكتشفتها لأني ألاحظ نزول دم مع افرازات وأنتي بكرامه ورحت وكشفت طلع قرحه عطاني مضاد وتحاميل اليوم رابع يوم أخذ التحاميل ومدتهم اسبوع وبعد الدوره عندي مراجعه وترى خواتي صارت وياهم وحملوا ثاني شهر

 

[تراني مجنونته]

الله كريم


اليوم موعدي مع الدكتور

و بطمنكم

 

[سعودية بامريكا]

حبيبتي ماعليك الا العافيه ان شاء الله

نفس الشي كان يصير معايا حتى افتكر اخر مره صار معايا بعد الجماع بساعتين تقريبا كان ينزل

دم احمر وكان سائل وخفيف مو زي الدوره بس كميته كبيره كنت اضطر اخذ اولويز وجلس معاي ٥ ايام

وسبحان الله بنفس هذاك الشهر حملت وعلى فكره ترى دايما تحصل معايا يعني اتعب وانا اعدلك

كم مره حصلتلي وكنت زيك اقلق واروح اكشف يقولوا مافيكي شي والحمدلله مافيني شي

لاتقلقي ولاتلعبي بنفسك عند الدكاتره