نزول الجنين

[kuwaitiya_84]

مساء الخير بنات شلونكم انشالله كلكم بخير وصحة وعافيه
اليوم كان عندي سونار وانا ثاني اسبوع بالرابع الاسبوع ال 14
ودكتورتي قالت شربي ماي وايد علشان يكون السونار واضح معاي
وهذا حمالي الثالث بالاول والثاني كله عندها مشالله وااايد شاطره
بس هالمره خوفتني بالسونار تقول الياهل واااايد نازل بالحوض و موقادرة تشوف المشيمه
وتشوف الجنين وقالت تكرمون اروح الحمام رحت ورديت تقول صار اوضح بدت تاخذ قياسات
بس قالت المفروض يكون صاعد مايكون تحت ولازم ما امشي ومشكلتي مدرسه عيالي من المواقف لي داخل المدرسه مشي
اوديهم الصبح والظهر نفس الشي اتوقع هذا الي مخلي الجنين ينزل وعطتني بعد شهر سونار
شنو الحل برايكم شلون ممكن يرتفع الجنين واول مره يصير معاي جذي خايفه يكون بطني تحت وشكله غلط واتعب وايد

 

[kuwaitiya_84]

شدعوه اربع مشاهدات ولا رد عالاقل دعوه الله يحفظ لي هالجنين

 

[أم عزيـز]

حاولي تخلين زوجج ياخذ عيالج هالفتره وانتي اخذي طبيه كله ارتاحي ونامي على ظهرج ورفعي ريولج وان شاء الله يرتفع البيبي اهم شي ما تمشين وايد وتكونين غالبا منسدحه

 

[c a t w o m a n]

الله يثبت حملج و يتمم عليج حبيبتي


اذا وضعج يبيله راحة سمعي كلام دكتورتج و قللي حركة بأي شكل من الأشكال

خلي أحد غيرج يوصل عيالج أو أحد معاج خامة مثلا تنزل توصلهم وإنتي مكانج

بالبيت قللي حركة خلج منسدحة دايما لين يرتفع و يغدي شرج

داري روحج الحين حبيبتي والله يتمم عليج يا قلبي

 

[زمردة مشعة]

مااادري والله بس حبيت ارفع الموضوع ,والله يحفظلج جنينج يا رب .

 

[kuwaitiya_84]

تسلموووون حبيبات قلبي هذا الي بيصير ابوهم بياخذهم و يوديهم وانا بقدم علي اجازه وانشالله خييير فديتكم

 

[خوووخه w]

مثل ماقالو البنات ارتاحي وارفعي رجولج وانسدحي وخلي زوجج يودي عيالج او اي احد لما يردفع الجنين باذن الله ديربالج على نفسج قللي حركه وان شاءالللللللللللللله خير ياقلبي

 

[احلامي غير]

الله يثبته لك يارب لازم ترتاحين لان من تدخلين الخامس سبحان الله ترتفع المشيمة والجنين انا كذا بحملي الاول
اهم شي الان لاتمشين وايد انتبهي

 

[MzOoOn 22]

اشتري راحتج .. اخذي طبيات من دوامج او تكتبلج مجلس طبي دكتورتج ,,


وعيالج خلي الخدامه تنزلهم مايحتاج تنزلين ولا تشتغلين بالبيت وعسى الله يثبت مافي بطنج

 

[kuwaitiya_84]

تسلمون حبايبي باجر بسوي اجازتي علشان من الاحد بس بغيت اسالكم الله لايقول اذا ما ارتفع احتمال اولد بالسادس او الثامن خايفه من جذي

 

[sosowaty]

الله يثبته يارب

 

[أم يوسف وأمونة]

الله يحفظ لج البيبي وتقومين بالسلامه

 

[kuwaitiya_84]

ويقوم كل حامل بالسلامه ويرزق الكل حبايبي ماقصرتوا ريحتوني

 

[Tic_Tac]

انا حبيبتي نفس وضعج وكنت كاتبه موضوع بعد

بس انا بالسادس وقالي الدكتور انه البيبي راسه تحت ورجوله فوق
المفروض يكون عكس
وقالي مافي خطر ان شاء الله بس لازم ترتاحين وما تمشين واجد
علشان ما نبيه ينزل بالحوض

والحمدلله انا مريحه نفسي وناطره بعد اسبوعين ان شاءالله
اسوي سونار واشوف وضعه
وان شاءالله يارب يكون اوكي

انتي بعد ريحي نفسج على الاخر و حاولي اكثر شي
تنسدحين .. والله كريم ان شاءالله

 

[جمالي مو صج]

الله يثبته انشاءالله

 

[kuwaitiya_84]

الله يطمنج علي حمالج وبرتاح باخذ اجازه وانشالله خير

 

[سعودية بالكويت]

الله يثبت حملج وحملي وكل حامل يارب ياقدير

أنا مثلج رحت قبل أمس موعدي كان لي يوم داشة السادس

وقالت البيبي حيييل نازل لازم ترتاحين المفروض ماينزل لهالدرجة

عشان ماتجيج ولادة مبكرة والله يستر باجر بأروح أشيك مرة ثانية

وأشوف تعدل وضعها ولا للحين

زوجي يقول إذا ماتعدلت بأخلي الدكتورة تنومج عشان ترتاحين أربع وعشرين ساعة

بالبيت مهما حاولت أرتاح لابد أشتغل وأتحرك ماعندي خدامة​

 

[kuwaitiya_84]

الله يهون عليج حبيبتي ويقومج بالسلامه ويرزقج الضنى السليم المعافى صاجه والله حتى لو تنسدحين بالبيت لازم تقومين تشوفين اليهال وغير دراستهم وانا ما اعتمد ع الخدامه بعيالي واثنينهم دووم معاي غير دراستهم