نزل وزني ولكن.... !

[~Swan~]

السلام عليكم

بصراحة انا اعاني... وجدا محبطة

نزل وزني وايد الحمدلله لكن طلعت لي ترهلات وسيلوليت في الفخوذ بشكل يزعجني .. مااتحمل اشوف روحي بالمنظره تلوع جبدي من روحي

غير الترهل اللي تحت البطن
والخطوط البيضاااا اللي تارسه جسمي خرااااااايط

الناس تشوف جسمي بالملابس يقولون حلو بس ما يدرون من تحت شنو !!

وانا للعلم داشه نادي وطول فترة رجيمي كنت اسوي رياضه بس اللي بقى الحين هذي ضريبة الرجيم والوزن الكبير اللي خسرته

واتوقع وايد مثلي جذي ..


ابي مساعدتكم ومشورتكم انا ودي اسوي شد وتفتتيت السيلوليت بس مو بجراحة ... اللي مسويه ووقدرت تتخلص من هالمشكلة ياريت تفيدني

انا قررت اروح اسوي جلسات مساج تخسيس بعد ما يخلص هالكورس لان ماعندي وقت الحين جامعه ونادي ...
بس هم بعد ادري ما راح يكون كافي المساج ابي حل جذري حق فخووووذي خاصتن
:eh_s(2):
شكثر اشوف واقرا عن عيادات ومستشفيات بس اخاف صراحة يعني انا طالبة وعلى قد حالي لو بسوي شي يعني بيكون على حساب امي ووماابيها تقط فلووس على الفاضي ابي مكان مضمون .............

تكفون فيدوني ووقفوا معاي .. ابي شي مجرب ومضمون وووسعر زين ومعقول ..

ترا والله كرهت روحي:eh_s(2): تدرون لاي درجة وصلت؟؟

اني قاعده انخطب وكله اارفض .. ليش؟ عشان ترهل جسمي ... ما فيني ثقة بنفسي واالله نفسيتي تعبت !​

 

[أحلى عيون]

الله يعينج حبوبه


بس سمعت يقولون عن شغلتين

الاولي زبذه الكاكاو تدهنين فيها جسمج ويخف السيلوليت

او تستخدمين كريم فازلين الكاكاو بعد حلو للسيلوليت


بالنسبه للترهل والله نفس مشكلتي قريت مره افضل شي السباحه في ماي بارد بس ماحد يقدر يستحمل البارد او خل التفاح مع ماي الورد


والله يعينج

 

[اسواريه]

انا سمعت ان مساج التخسيس يطلعلج خطوط حمرا زيادة بس انا اقول روحي للعيادات الخاصة
الناس تمدح زبدة الكاكاو وفي خلطات بعد التاجرات معانا بالمنتدى جربيهم البنات حاطيييين تجاربهم
وبالتوفيق حبيبتي

 

[MiSS B.K]

حبيبتي كملي رياضتج وفي حبوب تنباع تنفع لشد الجسم

 

[رتو الكيوت]

سوي شد بجراحه طيب اذا ترهالاتج حيييل كبيره ماتفيد وياها رياضه

سوالف مسجاتات حل مؤقت لاخليتهم تردين ترهلين زي الرياضه بالظبط

وحتى جلسات تفتيت الدهون تفيد للترهلات البسيطه لكن كبيييره جرااحه شدي

 

[~Swan~]

مشكورين حبايبي ...

لا ترا الترهلات مو وايد ولا كبيرة.. بسيطه بس انا مااتحملها /:

بس منطقة تحت البطن والفخوذ !
زنودي ووبطني و اجنابي زينين الحمدلله ..


احلى عيون .. ان شاءالله راح اسويها وما قصرتي يالغالية .

اسواريه .. زين ما ينفع مساجات مع كريمات عشان تخف الخطوط ؟ لان السيلوليت ما يروح بالكريمات

miss bk .. هذا اللي صاير الحين مستمره بالرياضه ما يئست منها بس تدرين سمعت في برنامج دكتورز اللي على ام بي سي فور يقولون ان السيلوليت دهون متيمعه حوالينها ماي حتى بالرياضه ما تروح ..! لازم تدليك ومساجات بس انشاالله يشد اكثر مع الرياضه باقيلي شهرين بالنادي وصابره على النتيجة بس خايفه ما اشوف نتيجة ويحوشني احباط اكبر

شنو اسم الحبوب ؟ ومنو قالج عنها او جربها؟؟ في دكتور نصح فيها؟؟؟ انا اخاف اخذ شي بدون وصفات وبدون تجربه


رتو الكيوت... لا مو ترهلات كبيره ^_^ اهي بسيطة بس منظرها مو حلو مع السيلوليت.. ومسببتلي ازمة نفسية

 

[Miss McDonald]

• الحل مع الترهلات 2
• يا انج تسوين جراحة < وهذا الافضل بس احسه مغآمرة
• او رياضة وكريمآت ومساجات وبالاخير تسوين ليزر عشان الخطوط تروح والليزر يوخرها بنسبة 70-80% تقريباً ,

 

[Miss McDonald]

• اللي يغث ترهل الصدر والزنود !
• بس انا جربت شي ونفعني بس ما استمريت عليه
• > تاخذين ماي ورد وتخلينه ثلج وتمررينه على جسمج يشده شوي
• واقري عن الشمر ,
• دعوآتج لي

 

[رحيل المرافيء]

اذا توج ضاعفة الجسم يحتاج فترة عشان يشد استمري بالرياضة
ورفعي اثقال تشد
خل التفاح ممتاز للشد
ويمدحون الشمر بعد

 

[Q8stylle]

• الحل مع الترهلات 2
• يا انج تسوين جراحة < وهذا الافضل بس احسه مغآمرة
• او رياضة وكريمآت ومساجات وبالاخير تسوين ليزر عشان الخطوط تروح والليزر يوخرها بنسبة 70-80% تقريباً ,

• اللي يغث ترهل الصدر والزنود !
• بس انا جربت شي ونفعني بس ما استمريت عليه
• > تاخذين ماي ورد وتخلينه ثلج وتمررينه على جسمج يشده شوي
• واقري عن الشمر ,
• دعوآتج لي

اتفق مع اختي Miss McDonald