نزل معاي دم أحمر وانا بالشهر الأول

[أم عزوز21]

مرحبا كويتيات ..

بنات أنا بدش بالموضوع على طول

أنا حامل بالشهر الأول وهذا أول حمل لي ،

بنات قبل موعد دورتي بأسبوع نزل معاي دم وإفرازات وكنت أتوقع إنها الدورة ، واستمرت يوم واحد ووقفت ، وبعده حللت وطلعت حامل ، والحين بين كل يومين ينزل معاي نقط دم لونها أحمر ..

يعني شنو بنات ساعدوني ؟؟؟
آنا خايفه !!


أختكم أم عزوز
كويتيه يديده :]

 

[beauty rose]

حبيبتي يمكن انتي قاعده تجهدين نفسج
الحمل بالشهور الاولى ما يبيله حركة و فراره
انسدحي و ارتاحي
روحي للدكتوره يمكن تكتب لج مثبتات
بس ديري بالج تسوين سونار داخلي

الله يثبت حملج ان شاء الله

 

[أم عزوز21]

آمييييييين ..

تسلمين اختي ع الرد ، بس ممكن سوال :؟
يعني شنو سونار داخلي ؟؟؟

 

[رتبه دبلوماسيه]

السونار الداخلي يعني اذا جيكون عالبيبي في نبض ولا لا عايش ولالا لان بالسونار العادي يكون مو مبين

 

[أم عزوز21]

.
.
.

 

[ScarletteO'Hara]

لازم تراجعين الطبيب لا تسكتين على عمرج
الله يثبته لج يا رب

 

[noo7a]

سونار داخلي يعني سونار مهبلي مو الي يحطونه عالبطن
لازم تريحين نفسج و تراجعين عشان يعطونج مثبتات
والله يتمم عليج و علينا

 

[Kawaii GiяL]

بنات شفيكم عالسونار الداخلي سويته و انا بالاسبوع السابع و الحمدلله ماصار شي
و الدكتور ما يتعمق بالالة ترى بس الطرف !!
قلت حق الدكتور يقولون السونار الداخلي مو زين
يقول و بعدين مع وكالة يقولون ماعليج منهم انا دكتور و عندي شهادات من بره و دارس هالشي
انا ادرى منهم لو يضر ما اسويلج !!
مادري البنات احسهم يبالغون و انا اراجع بدار الشفا و دكتوري وايد زين استشاري

حبيبتي روحي الطبيب يمكن تحتاجين مثبتات و ريحي لا تحركين وايد موزين

​

 

[beauty rose]

Kawaii girl
اهوه مايضر حق اللي مافيها شي و ما يسوونه الا مرة وحده للنبض اذا ما بين بالبطن
بس اللي ينزل عليها دم ما ينحط لها
لان ممكن يزيد الدم او تحرك عنق الرحم
الجنين توه نقطة اي شي ياثر عليه*

 

[الذوق]

اختي انا في بجري كان معاي دم اول الشهور الى الرابع بس لازم تروحين الطبيب يعطونج مثبتات .. وحتى ولدي الثاني نزيف مو نقط دم وانا بالخامس بس الحمدالله ربج ستر صج ولدت مبجر بس. كل شي بفضل الله بخير .

 

[كويتيه مذهله 87]

لازم مثبتات حبيبتي

وبيووتي روز حبيبتي انا كان ينزل علي دم ود فوزيه سوتلي سونار داخلي عادي ماصاار شي

 

[أم عزوز21]

شكرا خواتي ع الرد ..

والله يثبته أدعولي

وبالنسبة للمثبتات تنصحوني حبوب ولا تحاميل ولا أبر ؟

 

[صدى الخفوق]

ربي يثبت حملج

ولا تحاتين بس لازم تراجعين الدكتور الي تتابعين حملج عنده

الحمدالله انا من اسبوع وقف نزول الدم عندي

وكنت احاتي .. خصوصا اني مسوية حمل طفل انابيب

واخذ مثبتات تحاميل وحبوب

ومن نهاية الاول صار ينزل مني دم

وصرف لي الدكتور ابر لمدة شهر

وقالي لازم الراحة ..

وربي يثبت حملج ويرزق كل محرومة
​

 

[كويتيه مذهله 87]

حبيبتي انتي روحي حق الدكتوره وهي تقرر شنو تعطيج

 

[يا عيون سمي]

حبيبتي عادي الدم بس دربالج انسدحي واكلي مثبت مرتين او لاتحاتين

 

[أم عزوز21]

مشكورين خواتي ع الرد ..

الله يثبت حملي ويرزقكم باللي تتمنون ، آمييييييين ..

 

[BeNt PaRiS]

الله يثبته لج و يكبر و تشوفينه باجر يا رب

 

[ابتسمامه]

انا نفسج قبل موعد الدوره باسبوع نزل دم يوم واحد وحللت وطلعت حامل وعلى طول رحت للدكتوره وماعطتني مثيت لانها تقول اخاف صار على الحمل 9 ايام ويكون بالانبوب مانزل للرحم واذا عظيتج مثبت راح يصير حمل خارج الرحم نطرت اربع ايام وسويت تحليل هرموني وبين نسبته مرتفعه حيل وبعدها اكتبتلي مثبتات انتي لا تاخذين شي من نفسج لازم تسالين الدكتوره
والله يقسم اللي فيه خيره

 

[أم عزوز21]

شكرا خواتي ع الردود ..

والله ريحتوني ..

الله يرزقكم ماتتمنون ..

 

[@ام يوسف@]

الله يتمم عليج ويثبته