نزل علي ماي !!

[t0o0fa]

بنات نزل علي ماي بثاني يوم من الشهر التاسع

بس دفقة بسيطه جذي ووقف

لما فحصتني الدكتورة قالت هذا الماي من البيبي

ولازم نتأكد اذا الرحم مفتوح او فيج بدايه طلق ..

المشكلة اني يننتها عشان تفحصني ما خليتها : (

و حولتني عند دكتور ثانية هم ما قدرت علي : (

ثالث وحده كانت باكستانيه و حنونة شوي قدرت بالحسررره

و شافت إنه الرحم مسكر للحين بس راس البيبي نازل

المشكلة يا بنات انا خايفه وقت الطلق لما بتفحصني اسويلهم نفس القصة : (

ابي شلون اهدي اعصابي وقت اللي بتفحص داخل : (

و اذا وحده صار معاها نفسي شنو سوت ؟؟
​

 

[((غلاي))]

وقت الطلق لاتخافين
بتكونين ماخذه كمام و يخف العوار و يمكن ماتحسين فيه بعد

الله يسهل عليج يااااااااااارب

 

[سنفوره 2]

حبيبتي وقت الفحص أخذي نفس عميق وغمضي عينج لاتشوفينهم بس يفتح الرحم سهالات انشالله لاتحاتين

 

[بنت جنيف]

بولدي نزل علي ماي البيبي وقالتلي الدكتوره روحي المستشفى يفحصون يشوفون ماي البيبي او ماي الرحم جنه ماذكر المهم طلع ماي البيبي ولازم دخول وولاده وطلق صناعيً لان رايحه ماكو عوار ولاطلوق بس ماي ينزل

 

[حب1985]

الفحص ضروري لا تعاندينهم علشان مصلحة البيبي
اخذي نفس عميق وخلي المنطقة راخية ولا تشدين وراح تخلص بسرعة

 

[خوووخه w]

خلج هااااديه وريلاكسسس وسمي ورخي جسمج ومكان الفحص وفكري باي شي علشان ماترتبكين عسسسسسسى ربي يهون ويسسهل عليج ولادتج وولادات كل البنات

 

[أبكاني ذنبي]

انا مثل البنات قالوا لي لما تدخلين التاسع وقت الفحص


نفس عميق وغمضي عينج واسترخي والله يسهل يااارب

 

[ام الحلوااات]

اللــــــــــه يــــهــــــووون عــــلـــيـــــج ويــــقـــــــومـــــج بـــاالـــســــلامـــــــــه