نزله معويه شنو علاجها ؟؟

[كويتيه كيوووت*]

كويتيات بنووووتي الحلوه تعباااانه وعمرها 6شهورو26 يوووم...
الظاهر فيها نزله معويه .. فديتها 6 مرااااات رجعت اليوم
وكل ماشربت حليبه علي طول ترجعها وديت الطبيب عطاااااااني ريسترو بينال حق المغص
وماعطاني شئ يوقف الترجيع بليز شسوي تواها وهي ناااااايمه رجعت شسوي بلييييييز
اللي عندها الحل تساعدني ..​

 

[@ دهن العود @]

المفروض يعطيها مضاد علشان النزله

بس انا انصحونى اثقل حليب ولدى بقفشة سيريلاك علشان مايرجع

 

[noor al3yoon]

رد : نزله معويه شنو علاجها ؟؟

رفع ربي يشافيها
مدري بس خففي حليبها شوي اوشوفي حليب للترجيع عطيها تفاح مسلوووووووق

وماتشوف شر يارب

 

["GloRia"]

الله يشافي بنيتج انشاءالله ... والله ماعندي فكره

 

[ماعلى الدنياعتب]

علاج الترجييييع

ماي مع شوي شكر وشوي هيل

انا ماجربتة

بس اختي الكبيرة تقووول يوقف الترجيع بنفس اللحظة

 

[miss mama]

النزله المعوووية ما يعطووونج ادوويه لها !! ممنوع المضاد !!


ركزي حبيبتي الي بقولج اياه انا تو عيالي قايمين منهاا من فترة وصج تبهذلت وياهم

اول شي
الطبيب ما يقدر يسوي شي غير انه يعطي بنتج (( ابره )) عشان يوووقف الترجيع

ثاني شي
بنتج عمرها ست شهور يعني تقدرين تخلينها تاكل

الاكل عطيها عيش ابيض مسلووووق + او بطاط مسلووق او هرسي لها موووز هم زين -
لا تعطينها اكل دسم عشان ما يمشي بطنها اكثر من جذي !


حاولي توقفينه الحليب شوي وعوضيها بماي العيش المصري

وطبعا اهم شي اهم شي لازم تعووضين النقص الي قاعد يصير في بنتج كثرة الترجيع تسبب جفاااف للطفل وهذا مو زين عليهم !

روحي الصيدليه اخذي محلووول الجفاف
خليها تشرب منه كثر ما تقدرين عشان تعووض السوائل الي فقدتها
والسفن اب اخذي لج علبه وخضيه ليما يطلع كل الغازات منه عقبها تقدرين تعطينه بنتج - حتى لو تبين حطيه فوق الموز المهروووس

وطبعا الماااي بعد ما نستغني عنه


اتمنى انج فدتج


وان شاء الله اجر وعافيه - ولا تهاونوون في النزلة المعووية يا بنات والله ممكن تسبب حالات وفااة من الجفاااااف اذا الواحد ما تلاحق ع الطفل
الدكاتره ما يسوون شي كله مجهوود الام ثلاث ايام وبتشوفينها متعاافيه

 

[miss mama]

سووري توني الاحظ انج كاتبه يمكن نولة معويه !؟ شكلج مو متاكده شنو في بنت

ترا النزلة المعوية ترجيع + اسهال وتشوفين البيبي منهد حيله ومو متقبل يرضع ولا ياكل وكل شوي موووصخ

اذا بنتج جذي اخذيها لدكتور زين عشان الابره

مو تروحين الهادي وغيره ترا الحمدلله والشكر مو شي هالمستشفيات

اذا تبين اعرف دكتور اطفال استشاري ممكن ادزلج عنوان عيادته ترووحون له


اما اذا بس ترجع معناته الحليب مو مناسبها هني يعطوونج دوا مال المعده وابره ويغير لج حليبها - بس

 

[unapproachable]

لازم مغذي اذا نزله معويه ويعطيج المغذي المستشفى مو المستوصف واذكر كله اروح مبارك يحولني المستوصف عليه اذا شكو بالطفل نزله معويه عشان يشوفون مدى خطورتها لانها ممكن تسبب جفاف يتلف الكله بعيد عنج الشر... وانا كنت اعطيه مغذي اذكر 3 ارقام مغذي و3 ارقام سفن اب عشان يغير طعمه ويقدر يشربه وفي يهال يشربون المغذي بروحه بس ولدي ماعجبه طعمه

وديها المستشفى اذا استمر ترجيع واسهال لان خطر عليها
وماتشوف شر ان شاءالله

 

[LuLiTa]

انا خبـري انه بالنزلة المعوية لازم ينومون اليهال بالملاحظة على الاقل ليلة وحدة و يحطون له مغذي يوقف الترجيع بدون ما يعطونه اي دوا ثاني و عقبها يوصونكم توكلونه عدل عشان تستقر حالته و يعوض الجفاف اللي فيه

جذي سوو حق اخوي الصغير و كان وقتها عمره اقل من سنه ,,

 

[روعة الكلام]

رد : نزله معويه شنو علاجها ؟؟

الله يشافيها ويبعد عن عيالي وعيالكم كل مكرووه

 

[هـتـون]

الحل الوحيد الي تقدرين تضمين من بعده صحة بنيتج تودينها الطبيب ولدي اسبوعين على هذي الحاله لين وديت الهادي ربي لك الحمد ويعطونج بدال المضاد دواء مثل البرتقال عشان يكون طعمه لذيذ وتشربه وماتشوف شر ان شاءالله

 

[كويتيه كيوووت*]

ياعمري والله ماقصرتو فديتكم وفديت فزعتكم ... اليوم زاد عليها الاسهال والترجيع وديتها الطبيب طبعن خاااااااص
غيرلي حليباها وعطااااااني حليب للترجيع والاسهال وصرفلي محلول ودوا حق المغص ..
ياعمري حيل ذبلانه بس الحمدالله خف الترجيع صارت ترجع اخف بس ماترضع الا رقم ولا رقمين لي كثرت ..
اسال الله العلي العظيم ان يشفيها ويشفي كل مريض ويخليلكم عيالكم يااااارب.. فديتكم والله احب كويتيات وكل من فيه:tek:​

 

[عبير الكويت%%]

تعرفين المره خففيها بماء وعطيها نفس طريقة المضاد وبخري البيت فيها ومنعي اي جاهل يقرب لها وطبعا مع حليب التركيبا وانتي غسلي رضعتها بايدج احسن

 

[الله يخليني]

رد : نزله معويه شنو علاجها ؟؟

شربيها مرة زعفران شويه مو تكثرين ..
وإذا ما وقف الاسهال شربيها قفشتين أو ثلاث شاي مر من غير شكر...
الله يشافيها