نزفت وانا حامل خايفه ساعدوني

[nano555]

السلام عليكم انا حامل بالشهر الثاني بدت معاي اللوعه وعوار الصدر ولاني تعبت من اللوعه رحت حق الدكتوره ووصفتلي دوا للوعه انا استخدمته يوم واحد وعقبها بيوم وبدون مقدمات نزفت دم احمر وركض على الطبيب وعطتني ابر مثبته وقف الدم بس تم ينزل علي بني كل ماامسح المنطقه الحين اللوعه والم الصدر وقف والافرازات الحمد الله تقريبا وقفت بس عندي الام بالمبايض ويضرب الالم لي فخوذي انا لازمه الراحه بس وايد خايفه خصوصا انا الوحام وقف لا لوعه ولا الم صدر منو مرت بنفس هالحاله ؟ تكفووون ادعوولي انا وايد تعبانه واحاتي خاطري اكون ام

 

[ghadeerq8]

شوفي كل الاعراض الي قعد تحسين فيها طبيعيه

والنزيف الحمدلله انه وقف و البني بيخف ان شاء الله


بس التزمي ١- بالراحه التامه لاتصعدين درج خير شر ولا تمشين وايد


٢- خلج على طوول منسدحه ( يعني تكرمين حمام لاتطولين في لاتتسبحين بماي حار اكلي و انتي بفراشج و غير جذي لاتقومين ولاتشيلين شي ثقيل


٣- استمري عل مثبتات التزمي فيهم عدل له الشهر الرابع


٤- ممنوع الجماااااع خييير شر لمده اربعين يووم اقل شي و كل مازادت المده افضل لج




و سلامتج و عسى ربي يفرح قلبج بشوفته سالم بين ايدينج


و طمنينا عليييج

 

[ms_5ajoola]

اب اب اب

 

[ghadeerq8]

الدكتوره ماوصفت لج حبوب و تحاميل مثبته ؟؟؟؟؟

 

[nano555]

حبيبتي ماقصرتي والله طمنتيني الله يطمن قلبج بس الم اسفل البطن والمبايض ممكن تكون طبيعيه ؟

 

[nano555]

انا من قبل لا انزف كنت استخدم حبوب و تحاميل وعقب النزف زدت عليهم الابر ف انا حاليا استخدم جميع انواع المثبتات ويالله انه يثبته يا كريييم ياربي لاتحرمني شعور الامومه وكل محرومه يا رب

 

[nano555]

بنات اللوعه والم الصدر كلش مااحس فيهم عندي الام اسفل البطن فقط ��

 

[ghadeerq8]

اي حبيبتي طبييييعي الي صار معاج صار فيني بالضبط و اكثر بعد و صارت عندي خبره من كثر ما اروح الطوارئ

والم اسفل البطن و الظهر و المبايض بيروح عقب اسبوعين




و النساه تحملي بعد شنسوي كله اجر و ثواب ان شاء الله




و اي استفسار حاضره ياقلبي

 

[ghadeerq8]

انا الام الي كان فيني اسفل البطن و النزيف بعدين عرفت من شنو

الله يسلمج الدكتوره زينات بدار الشفا عرفت قالت النزيف سببه كان انه البويضه تلقحت اخر ااخر الرحم تحت علشان جذي كنت انزف بس الحمدلله كل مايكبر البيبي يكبر و يرتفع الرحم نفس البلونه لمه تتفخينها

 

[ghadeerq8]

سويتي سونار داخلي ؟؟؟

 

[nano555]

انا الله يسلمج حامل عن طريق طفل الانبوب الدكتوره رجعتلي ثلاث اجنه وثبت واحد الله يبارك فيه يارب وحاليا الافرازت وقفت ولله الحمد بس الام شديده تشبه الام الدوره ومن نزفت وانا مااحس بالنساة ابدا ابدا وهذا اللي مخوفني الله يستر

 

[nano555]

سويت قبل النزيف سونار داخلي ثلاث مرات وعقب النزيف ماسويت خفت يكون النزيف منه ف مارضيت اخليها تسويلي

 

[ghadeerq8]

انا كل مره كنت انزف كنت اسوي السونار الداخلي سويته اربع مرات مايضر الفحص اهو الي يضر

 

[مذهلة2013]

ربي يحميه ويحفظه جنينج

وان شاءالله خير

حاولي لاتاخذين اي دوا حتى لو اوصفته الدكتوره

انا دكتوري حيان الاحمد اظن الكل يعرفه اوصفلي دوا للوعه

ماخذيته للحين قاعده اقول بنطر لين مااحس خلاص مااقدر

شسم دواج !؟

ودام خفت اللوعه اكييد من مفعول الدوا

روحي سوي سونار عادي مو داخلي لانه ماانصح بالداخلي

حيل خطر للجنين

ربي يحفظكم

 

[nano555]

انا دوا اللوعه مااستخدمته الا يوم واحد طبعا اهيا معطيتني ٣ انواع ادويه للوعه استخدمتهم يوم واحد ووقفت خفت حسيتهم وايد خصوصا انا بس لوعه ماكان عندي ترجيع والله مادري شفيني وفيني فضول اعرف سبب نزول الدم الله كريم ياربي تفرح قلبي مشكورين حبايبي خواتي الله يفرح قلوبكم

 

[nano555]

اب اب اب

منو نزل عليها دم وعقب ابر التثبيت صار افرازات بنيه وعندها الم دوره وتم حملها على خير

 

[HoD'HoD]

الله يثبته لج يارب ان شاءالله ماكو الا العافية بس اهم شي تريحين قد ماتقدرين

خالاتي كان ينزل عليهم دم قريب وقت الدورة او بموعدها ويروح يسمونه حمل غزالي

وانا بحمالي الحين بالشهر الثاني نزل علي بني اكثر من مرة معني اخذ مثبتات قالت لي الدكتورة ان مع تغير الهرمونات ممكن ينزل وكان معاي تجمع دم بالرحم ونزل

وبالنسبة لألم الصدر قريب الثالث يخف واحتمال وحامج خفيف وخفت اللوعة معاج

 

[أأأميرة الورد]

الله يثبت جنينج وتشوفينه بصحة وعااافيه

سمعتي النبض ؟؟؟؟
اذا سمعتيه التزمي بالمثبتات والرااااااااااحه التامة وباذن الله يثبت

 

[حمرة الورد]

اهو لازم في سبب انا بكل عيالي جذي اول الحمل يكون السبب انقراس الجنين بالرحم واهو مايطول الدم وبعدها ينزل علي مثلج عندي. مضادات بالدم

 

[زينب 12]

مابي اخوفج وربي يتمم عليج حملج يارب
انا ابتديتها بالأفرازت وبعدها نزيف ونزل البيبي بالاسبوع 7

ارتاحي ولاتسوين ولاشي وربي يتمم عليج ان شالله