نداااااااء عاجل لمدرسات العربي الصف الاول.. من ام ضايعة بالطوشة

[عيالي...حياتي...]

اهئ
اهئ
اهئ



اولا السلام عليكم ورحمة الله وبركاته..

والله يعينكم على عيالنا ...

انا ادري انكم تتعبون وتعانون مع عيالنا خصوصا انهم كلش مييييييح (( صفحة بيضة ))

بس الله يعافيكم انقذونا ارشدونا ريحونا...


شنو تبون من عيالنا يفهمون ويعرفون وشنو مطلوب منا نعلمهم ونفهمهم؟؟

يعني اذا كل يوم تسدحون بهالموضوع شنو ندرسهم كل يوم بيومه واذا بعد ممكن اوراق العمل اللي توزعونهم على طلبتكم تحطونهم لنا همن يكون احسن ولكم الاجر...؟

انا اليوم رحت كلمت ابلة ولدي وسالتها عن شنو مطلوب من الولد يعرفة الحين
جان تقول لازم يعرف بقرا ويكتب ومادري شنو بعد يركب حروف وصور ووووووووو...........

الله يعافيكم ساعدونا
احس جني طرارة عند باب مسيد​

...​

 

[غرشة عطر]

ياحلو ايامنا قبل ندرس الالف والباء والتاء الحروف الابجديه قبل كل شي وبجذيه تأسيسنا صح
موالحين المنهج يعلمهم جمل شطولها وصعب يكتبها الجاهل وايعرف يقراها
كل شي تغير بهالوزراه عن نفسي ولدي يوم كان باولي مايفهم ن المدرسه ولاشي خاصه العربي والانجليزي ليما جبت له مدرس يفهمه من الالف الي الياء تأأسيس بالاول مدارسنا مايأأسسون وماينلامون الابلات من المنهج وغصب عنهم سكينات والله يكون بعونهم والله لواني وزيره لازيد معاشاتهم 2000 دينار يستاهلون وربي يتعبون من اللي اشوفه جدامي كراف وهد حيل وصراخ ياااااااو شي خيالي وانا اشهد ان معاشهم حلال
والله يعينج علي اولي ابتدائي علي قولتج صفحه بيضاء ونصيحه نسخي له الحروف الابجديه بالاول

 

[عيالي...حياتي...]

يعني ما امشي على منهجهم ؟؟؟؟
امل
فراشة
بيضاء؟؟

والله انا مالي خبرة بالتعليم لان هذا بجرري واول ياهل عندي يدش المدرسة يعني انا وياه ضااايعين بالطوشة من قلب..


ابلات العربي الله يهداكم وينكم؟؟؟؟

 

[نسناس]

سهالات إن شاء الله لاتحاتين ولا شي ؟؟

شوفي حبيبتي تونا ما بلشنا بالحروف الحين ركزي على مسكة الطفل للقلم والنظافه بالكتابة طبعا ,,,

أمس عطيت بناتي كلمة أمل وطبعا بينت لهم انها تتكون من ثلاث حروف بدون تفصيل أكثر

والحمدلله اليوم مليتهم بالكلمه كل شي تمام ( :

واليوم عطيتهم فراشة ,,,

بدعوا طبعا بالكتابة يمكن ثلاث اللي كتبوها صح والباجي الحمدلله ماقصرت وياهم ,,,

حياتي لا تغثين الولد حيل ولا تركزين على المادة والله راح يكرهها وانتي راح تتعبين

درسيه كل حرف بيومه عقب ماتعطيهم الأبله مثلا صوت الحرف انتي عاد بالبيت خليه يعطيج أمثله أو يكتبه ,,,

إن شاء الله أفدتج ,,, وحاضرين لأي سؤال ياقلبي

 

[عيالي...حياتي...]

فديتج نسناس




ريحتيني شوي ياليت كل ماتاخذون شئ باليوم تكتبين بهالموضوع شنو خذيتوا


اهم اليوم بس بلشوا بكلمة امل ونسخها وعلمته حروفها...

انتي باي منطقة تعليمية لان سمعت ان في اختلاف بالمناطق التعليمية بينهم وبين بعض..

 

[ورود وأزاهار]

رد : نداااااااء عاجل لمدرسات العربي الصف الاول.. من ام ضايعة بالطوشة

لأ التدريس واحد لكن الطرق قد تختلف لكن بسيط ،، إنتي كل اللي عليك ،، الأفضل إنه يدرب على الكلمات أول بأول ،، يعني
أمل فراشة بيضاء
أول شي أمل في مدرسات يعطونها بيوم وفي ناس بثلاث وفي بأربع على حسب ،، وبعدين فراشة ،، ووراها بيضاء
واللي وراه

إسراء فراشة ملونة ،، إسراء - ملونة ،، لأنهم خلصوا من فراشة ،،
وكل ما حسيتي ولدك له خلق دربيه على كلمة
طبعا مع كل درس في صوت حرف

إلى الدرس الرابع أو السادس يصير عنده أربع حروف أو ثلاث ،، يكون كلمة من ثلاث حروف

أنس \ نسأ
وهكذا ،، وبالتوقيق ،، ولا تنسين دعاء الأم :yaaaaaarb:
وحاولي تحفزين أكثر من الطق ،، واحرصي على الكتابة على السطر وانتبهي لحجم الكلمة في الكتابة من الأساس علشان يتعود صح وما يتعبك بعدين تعدلين ،، التأسيس صح يهالطريقة ،، وبالتوفيق مرة أخرى​

 

[))M N((]

رد : نداااااااء عاجل لمدرسات العربي الصف الاول.. من ام ضايعة بالطوشة

البنات ما قصروا بالرد
والله يكون بعونا

 

[عيالي...حياتي...]

فديتكم...
بس همن انا طماعة...

لاتنسونا بالمعلومات وعلمونا طريقة حلوة للتعليم

 

[boboo]

Thank you nesnaas& worood w azhar

 

[عيالي...حياتي...]

اب اب
بنات شنو عطيتو طلبتكم اليوم بالضبط؟؟؟

 

[q8tyah]

انا مثلج بعد كنت ضايعه بالطوشه خاصة ان الياهل باولى ابتدائي مايقدر يوضح لاهله شنو المدرس طالب من عنده بس لما دشيت على تحضير مدرسين عربي عللى اوراق عمل عرفت اشلون طريقة تدريسهم

شوفى بالنسبه للدرس الاول
الاحد ياخذون اول كلمه مثلا كلمة امل ويكتبونها بالصف 3 مرات وليه رد الياهل البيت يكتبها بدفتر الواجب 5 مرات
الاثنين كلمه فراشه نفس طريقه الكلمه الاولى
الثلاثاء كلمه بيضاء نفس الشي
الاربعاء ياخذون الجمله كلها امل فراشه بيضاء ويكتبونها نفس قبل 3 مرات بالصف وبالبيت 5 مرات
الخميس يكتبونهم نفس الاربعاء وعقب يعطونهم املاء منظور
طبعا اكو تدريبات بالكتاب غن الدرس كل يوم يحلون جم ورقه منه

وبس الهدف ان الطالب يكون حافظ شكل الكلمه نظرى موكتابة لا لانه توه باولى ابتدائي وبعرف شلون يفكك الكلمه الى احرف او الععكس يعطونه احرف ويكون منها كلمه بس
وانه يكون يشارك بالصف وخطه مرتب

واذا تبين التحضير انزله لج اهنى

 

[عيالي...حياتي...]

كويتية


ياليت تنزلين التحضير
والكل يستفيد....

ومشكورة ع المساعدة

 

[عيالي...حياتي...]

وينكم..,,؟

 

[q8tyah]

تفضلي

http://www.up-00.com/dld1ir97060.doc.html

 

[q8tyah]

شوفى هالموقع نفعنى حيل بتدريس ولدى

http://www.q8classroom.net/

 

[عيالي...حياتي...]

بعد قلبي ماقصرتي
كويتية جزاج الله خير

وجاري الاطلاع على الموقع....,

 

[ضايعه بالطوشه]

رد : نداااااااء عاجل لمدرسات العربي الصف الاول.. من ام ضايعة بالطوشة

انا ضايعة بالطوشه :d

كان ودي افيدج بس انا علوم

 

[دانة))))]

مشورة ياقلبي

فادوج الاخوات ماقصروا

وانا صراحة استفدت منكم


الله يجزاكم خير

 

[الملاكـَ]

مدرسة اجتماعيات مو متوظفه لوول

بس

اب لعنونج

 

[عيالي...حياتي...]

ضايعة بالطوشة اول مرة انتبة ان اكو احد معانا بالمنتدى اتسمها ضايعة بالطوشة



مشكورة ع الرفع ياقلبوووووووووووو