ندااء للي سوو عملية تجميل انف

[wahaj]

مســـآء الخيـــر .,

شلونكم بنآت شخبآركم

محتااجه مسااعدتكم  انا سويت عملية تجميل حق خشمي قبل ايام

واهي صارت بسرعه يعني الاحد استشاره وفتح ملف والثلاثا العمليه .. ومامدااني اسأل الدكتور عن شي

بس بعرف الحين مت اقدر آكل تكفوون سااعدووني والله نفسيتي مووشي ويهي متفخ من كل صوب حت جبهتي مادري شلون وعيووني قصه ثانيه ماقدر اجوف عدل صارو مسحوبين ومنتفخين من فوق 

واحس خشمي مرفووع حيييل مادري ينزل ولا لا ؟؟


ايي وبعد ماقدر اتكلم عدل انتوو نفسي ولا بس انا والله استحي ارد كلمه وحده صوتي موواضح واحس بختنق لي تكلمت الوضع طبيعي ولا ؟؟

بنااات تكفووون جاوبوني مت اقدر اتكلم وآكل والله بمووووت من الجوووع مااقدر بس شوربه وبارده بعد وعصاير
ابييي اكل امببي ماادري شفسني فجأه حبيت الاكل

يالله بنآات انطركم .. بتجمعكم دخت وماشفت جواب حق سؤالي بس خووش تجمع يعطيييكم العاااافيه *

 

[sweet queen]

هلا حبيبتي ..

والله انا عادي من سويت العمليه كنت اكل بس اشياء لينه كنت اكل سلطه وخبز عادي بس ماكنت اكل شي قاسي كنت اخاف ..

والكلام امبيه شفييج خوافه لا عادي الوضع طبيعي بس انتي شكلج خخايفه والعمليه بعد كل شي صار بسرعه ..

الله يقومج بالسلامه ويطلع خشمج مثل ماتبين ..

 

[sweet queen]

السلطه تبوله ههههههههههههههههههههههه للمعلوميه بس

 

[sweet queen]

واذا على الورم عادي انا طول مورم وخصوصا عيوني وحولها مماحس فش صج وردت عيوني الاوليه الا عقب شهرين

والورم اكيد عطاج له كريم \؟ تحطينه على خشمج وعلى خدودج انا والله عطاني بس مااستخدمته وايد

 

[$نرجس$]

عادي اختي كانت جذيه بعدين بعدي عن البخور والعطورات واكلي اكل مهروس يعني هريس او جريش او تشريبه وشوربه اي نوع اتحبين بس لااااازم تاكلين عشاااان ما تمرضين و عشان يرجع وجهج طبيعي وبقايا البنج تطلع من جسمج واشربي اشويه انتيفه مره وشميهااا وبعدي عن الاشياء المالحه وحاولي ثالث يوم اتمشين عشان ما يحوشج صداع من كثر السدحه تمشي بالبيت بس وخري عن ريحه الطبخ ضروري والزقاير وانشالله ما اتشوفين شر ياقلبي ويصير خشمج يهبل لا اتحاتين

 

[$نرجس$]

وصوتج عشان الانبوب التنفس الي كانو حاطينه لج لما يطلعونه يجرح المكان فتره ويرجع صوتج لاا اتحااااااتين

 

[$نرجس$]

اسفه توني اشبك واشوف موضوعج الي بالتجمع الثاني اتمنى اني قدرت افيدج

 

[wahaj]

سويت كوين ويي حساااافه بيني وبين التبوله عداااوه .. وويهي اليوم رد الحمدلله حت عيووني مثل اول بس خشمي قام يحرقني من برا مادري ليش 

ومشكووووره قلبوووو ريحتييني خفت ان الاكل يطلع ممنوع >> حددي عبيطه اهئ اهئ :krkrkr:

 

[wahaj]

نرجس واخيييراااا صدتج .. الاحقج من موضوع لي الثااني لووول

بعد عمررري والله استااانست انج رديتي علي

ايي الاكل المهروس مقزره روحي ع بطاط مهروس من كنتاكي حفظو عنوانا كل يوم خخخخخخخ:d

نووورتي يالغلااا

 

[AF (&-&)]

الله يقومج بالسلااااامه

 

[مــســك]

حمدلله ع سلامتج ..


وين سويتي خشمج عند اي دكتور ؟

 

[caramil]

خمس ايام بس سوائل (جلي ..عصاير ...و لازم تكون سوائل مو دسمه..حتى الروب خالي الدسم)
لازم ماتحركين فكج وايد..


بعد هالخمس ايام انتي من نفسج راح تقومين من فراشج وتدبينها دب
والحمدلله ع السلامه

وبالنسبه حق الاورام سألي الدكتور عن كريم الاورام تحطينه يومين بس ماكو شي
وعيونج راح تخف تدريجيا من اليوم الاول الى نهاية الاسبوع الاول

 

[wahaj]

Af
تسلمييين حيآاتي

مسگ
الله يسلمج .. عمليتي سويتها عند خالد الصبيح

كاراميل
امبببي كليييت وخلصت كل يوم ماتريق الا توست اقطعه بيدي واكله والمقالي بعد جذي اهئ اهـئ بلا يكووون اخترررب 

 

[سنفوره كويتيه]

حبيبتي عند اي دكتور سويتيها ؟

 

[سنفوره كويتيه]

ونسيت اقولج الحمدالله على سلامتج وانشالله تكون النتيجه مثل ماتبين

 

[om_7amad]

انزين قوليلي اول ما دشيتي العمليه ما خفتي؟ يماااا انا خففففففت حسيت ودي اهون وارد البيت لاني كنت خايفا لا يصير مضاعفات...اهيا عمليت الخشم ما تخرع صح؟؟ لانه مفكرا اسوي عمليه ثانيا بس خاااايفه مو من النتيجه بس خايفه من وقت العمليه لا يصير شي! قولولي شرايكم... وبنسه للورم يروح انا حتا عيوني من داخل صارت حمرهههه، انشالله يارب يطلع خشمج مثل ما تبين و يستاهل كل هالتعب

 

[wahaj]

سنفوووره الله يسلمج ومشكوووره حياااتي

ام حمد ايي بالاول كنت اسولف مع رفيجتي لين اطردوها من غرفة التخدير وبعدها خفت شوي وقعدت اقرا قرآن بس لما دخلووني ثواني ونمت ماتذكر عدل
ولما قمت كنت داايخه حييل بس مستاانسه عكس النااس لووول
والحين الحمدلله ماافي انتفاخ بويهي ولاشي بس خشمي يحكك شوي وناطره بعد باجر يشيلون الجبيره مادري ليش انا اسبوعين ورفيجتي اسبوع

والله يسمع منج ويطلع احلا خشم بالعالم >> طماااعه d:

ويااارب يحفظ لج حبيبج ويخليه لج ويخليلج امج وابووج ياااإآاآرب*

 

[om_7amad]

بعد قلبي تسلمين :**

انا اول ما لبست البس اووووف حاشني شعور اني متحسفا واقول ياليتني ما قررت اسوي، معني رايحه مستانسه ولما طلعت كنت مستانه انه ما صار فيني شي! والحين يبيلي اسوي بس خاااايفه..اهيا مو خطره العمليه :s اخاف اجازف اخاف يصير شي اثناء البنج

 

[nawaraa]

الحمدالله على السلامه
شخبار عمليتج إن شاءالله احسن
حبيبتي ممكن سؤال بكم سويتي العمليه وبأي مستشفى
والجبيره شخبارها

 

[كويتية222]

آآآآآآآآآآآآآآآآآآآح خشمي عورني ما تشوفين شر اختي