نداء للي مسوين عمليه الانف عند دكتور بورصادق بمشهد

[ملكة الأرجوان]

خواتي يعطيكم العافيه انا ان شالله بروح عند دكتور بورصادق بعد ماسمعت وايد بنات بالمنتدى يمدحونه انا اعاني من فشل عمليتين بالكويت حسبي الله عليهم حالتي كانت انحراف بالحاجز الانفي وضيق بالتنفس وكسر من كنت صغيره سووها لي مرتين لكن بدون فايده النتايج مو اوكي وشكل الانف صار مو حلو نصحوني وايد اروح عند دكتور بورصادق بس انا اول مره بروح ايران ان شالله واختي تقولي انتي متاكده مشهد مستشفياتهم فقيره ومو نظيفه وانا حيل وسواسيه خايفه من سوالف التعقيم والمعدات ومليت وانا ابحث عن دكتور الصراحه عمليتي هذي فيها مغامره شوي وخايفه وايد من ناحية النظافه اللي راحوا حق بورصادق اتمنى يفيدوني واللي عندها دكتور شاطر بايران وشايفه شغله تقولي بليز محتاجه دكتور شاطر لاتبخلوني علي الله يخليكم

ويعطيكم الف عافيه حبايبي

 

[كويتيه وبس]

رد : نداء للي مسوين عمليه الانف عند دكتور بورصادق بمشهد

الله يعافيج حبيبتي شوفي انه رحت لبور صادق وللامانه شغلة حلو وطبيعي بس اغلب الخشوم نفس الشكل بس هم حلو شغله ومرتب
وانه ما رحتله الا لما شفت بعيني عملياته على صديقاتي .. وزحمممممممه عنده لي درجه كنا قاعدين بره العياده على السلم .. من ناحية العياده اهي جدا جدا عادية وهم المستشفى لكن انتي استخيري ربج وبعدها قرري لانج سويتي عمليتين بارقى المستشفيات وما ضبط ماتدرين اهم شي استخيري وانصحج اذا رحتي بفندق القصر مو واااو لكن احسن من غيرة .. وللعلم انه ما الله كتبلي اسوي العملية لان طلع فيني فقر دم حاد قالي تعالي بعد شهرين بس ما رحت .. والله يسهل امورج ويوفقج

 

[كويتيه وبس]

رد : نداء للي مسوين عمليه الانف عند دكتور بورصادق بمشهد

بسالج عند منو سويتي العمليتين؟

 

[ملكة الأرجوان]

بعد عمري كويتيه وبس انا قصتي مأساة والله بسنة 2002 سويتها عند دكتور حسين الشمري اهو اختصاصي انف واذن وحنجره كان بالعدان الاخ بيجرب التجميل فيني وانا قلت اكيد ثقه دامه دكتور مختص انف واذن وحنجره بس للاسف كانت النتائج سلبيه وبعدها تعبت من النتيجه والتعليقات اللي مااخلص منها انا ويهي حيل ناعم يعني حيل تعقدت وبسنة 2005 استشرت دكتور نيشو عقب مامدحوه لي بعيادة سالميه انترناشونال كلينيك واهو يوغسلافي اعتقد سواها لي وخذا مني 1500 دينار وكانت غلطتي اني مارحت حق دكتور انف واذن وحنجره رحت حق اختصاصي تجميل والحين قاعده اعاني من نزول الانف لانه لعب بالغضاريف لعب وبعدييين جان يقولولي ليش رحتي حق نيشو اهو شاطر بس حق الترقيعات للجلد والصدر قلت شعقبه بعد والحين انا خايفه ودي اعرف دكتور شاطر بايران مادري منو ماسمعت الا مدح في بورصادق وابي اي معلومات عن دكاترتهم مافي مليت وانا احوووس بالمواقع ابحث بس مافي معلومات كافيه ياليت اللي يعرف اي شي مايبخل علي لانه ضروري اسويها خلال هالشهرين ومشكووووره حبيبتي ماقصرتي عسى ربي يوفقج دنيا واخره ياااااااارب واذا عندج من قرايبج او رفيجاتج يعرفون احد ثقه هناك وشغله حلو قوليلي ياقلبي

 

[كويتيه وبس]

رد : نداء للي مسوين عمليه الانف عند دكتور بورصادق بمشهد

شوفي انه لما حجزت لايران اول شي اصريت اني اروح لان اهو الوحيد اللي اقتنعت بعملياته لان شفت رفيجتي واختها مسوين واحترت فرحت سفريات النـــور بحجز ولا صدفه اطلعت السفريات تخصصها التجميل بايران وخبره بالعلاج بايران كل شي تجميل زراعه شعر اسنان حتى لما تروحين عندهم اشكثر بروشرات وكل الدكاتره اللي يتعاملون معاهم بطهران وعلى كلام صاحب السفرايات بمناطق راقيه اوو يوفرولج مترجم وكل شي حتى انه قلتلهم ابي مترجم قال احنا ما عندنا بمشهد بس والله ماقصر وفرلنا مترجم استقبلنا المترجم من المطار وطول الرحله معانا بــــــــس ارد واقولج انه ما جربت الدكاتره اللي عندهم بطهران ولا حتى جربت بور صادق لكن اعجبتني عملياته كنت اشوف اخشوم الموجودين ماجنه تجميل حيل طبيعي هذا من رايي انه ما امدحه ولا احاول اقنعج فيه ولا احب اعطي رايي بشي ما جربته لكن اقولج تجبرتي واللي شفته لاني كنت مثلج محتاره ولما شفت صديقتي واختها قلت خليني اتوكل على الله واروح فانتي اخذي وقتج بالسؤال اكثر انه كنت طول ما انا افكر بالروحه له كنت كل يوم استخير ولما رحت سبحان الله الله ما كتبلي والحين ما افكر ارد قلت يمكن خيره فنصيحه استخيري اكثر من مره سواء اهو او غيره اسال الله ان يدليج على الدكتور الشاطر اللي يضبط خشمج ويصير احلى مما انتي متوقعه وتكون الثالثه ثابته اللهم امين ​

 

[ملكة الأرجوان]

تسلمين ياقلبي فديتج وفديت ذوقج واسلوبج الراقي اليوم سويت بحث مكثف وطلعت جم دكتور اللي توب بطهران وهم راح اروح سفريات النور واسئلهم بس ماعليج امر وين مكانهم ومشكوووووره حبيبتي ماقصرتي عالدعوه الطيبه وسعة صدرج

 

[كويتيه وبس]

رد : نداء للي مسوين عمليه الانف عند دكتور بورصادق بمشهد

لا اشدعوه ما سويت شي انا حبيت اساعدج لاني كنت بموقفج وكنت صجججج محتاجه احد يساعدني لين ربي سخرلي بنت الحلال العضوة ام حمودي ماقصرت معاي بخصوص عنوان السفريات والله نسيت لان من زمان بس هذا رقمهم وخذيت رقمهم من البداله فتاكدي زياده ولي دقيتي ساليهم اذا اهم ملوت العلاج بايران لان من زمان والله ناسيه تفضلي الرقم النور للسياحه والسفر 22666054
بس اختي للامانه انه ما سمعت احد سوه بطهران اكثر اثنين انشهروا بالمنتدى بور صادق ولطفي زاده والثاني ما شفت له ولا عمليه لا على بنات ولا غيره وبور صادق قلتلج تجربتي معاه اما طهران فما اعرف واهم شي لا تستعيلين سالي بنات معانا بالمنتدى مسوين عند لطفي وبور وان شاء الله تفيدج تجاربهم​

 

[ملكة الأرجوان]

مشكوووره حبيبتي ان شالله ماراح استعيل اما بالنسبة لدكاترة طهران دشيت سايتات اكثر اطبا مشهورين عندهم والله شغلهم مووو صج فنانين والكل يقولي احسن اطبا بطهران حتى من ناحية النظافه والرعايه احسن انا حيل خوافه واللي قاعد يخوفني كلام اللي رايحين مشهد يقولون مستوى مستشفياتهم حيييل ضعيف وادواتهم تخرع انا ماشفت شي بس للحين انا ماشوف احد مسوي عند بورصادق الا العضوات ام حور وام حمودي وفناتج ابي اكثر اشوف تفاعل بالموضوع ابي كل وحده راحت ايران تقول تجربتها وسلامتكم

 

[Esraa.a]

رد : نداء للي مسوين عمليه الانف عند دكتور بورصادق بمشهد

ررررررررفع




استغفر الله الذي لا إله إلا هو الحي القيوم وأتوب إليه
عدد ما كان وعدد ما يكون وعدد الحركات والسكون

 

[ملكة الأرجوان]

up up

 

[candle-tears]

انا اعرف وحده راحت مشهد وسوت تجميل وما شاء الله خشمها اينن واشحلاتها صارت وهي سوت العملية قبل جم سنة وما سوتها بس عشان تجميل كان عندها مشكلة بخشمها مادري شنو بس العملية كانت ناجحة وانحلت مشكلتها مع خشمها اسألها وارد لج خبر ان شاء الله

 

[ريونه المزيونه]

حبيبتي ايران شطر فالخشوم لان كل يوم يسون هالعمليه ,, يعني يدهم خذت على العمليه ,,

الله يوفقج

 

[ملكة الأرجوان]

انا اعرف وحده راحت مشهد وسوت تجميل وما شاء الله خشمها اينن واشحلاتها صارت وهي سوت العملية قبل جم سنة وما سوتها بس عشان تجميل كان عندها مشكلة بخشمها مادري شنو بس العملية كانت ناجحة وانحلت مشكلتها مع خشمها اسألها وارد لج خبر ان شاء الله

حبيبتي منتظرتج على نار

 

[ملكة الأرجوان]

ريونه المزيونه مشكوره قلبي وربي يوفقه الجميع ان شالله

 

[فديته]

الله يعينج بس ليش مارحتي لدكتور خالد الصبيح؟؟
انا فيني انحراف واضح وبسوي عندة ان الله راد

 

[ملكة الأرجوان]

الله يعينج بس ليش مارحتي لدكتور خالد الصبيح؟؟
انا فيني انحراف واضح وبسوي عندة ان الله راد

حبيبتي رحتله وماقنعني بخلال كشف مبدئي قالي يبيلج عمليتين علاجيه وتجميليه ومو ضامن النتيجه وبياخذ 3600 وقالي انه مايقدر يصلح الارنبه الجلد فيها سميك من اثر العمليتين وانا حاشني احباط شايفه وايد بنات خشومهم كانت اسوء مني وسووها بايران وشحلاتهم بس مااتجرأ اسئل احد منهم مو ميانه معاهم عشان جذي قاعده اسئل عدل وكذا دكتور دخلت موقعه بطهران بس محتاره راح احطهم الحين المواقع واشوف رايكم

 

[@أحلاهم وأتحداهم@]

انا عندي جم وحده من بنات عمي مسوين عنده اخشومهم عجيبه شغله وايد حلو وطبيعي ومايبين انه تجميل عكس الي بالكويت كل الخشوم اتقولين كره مدوره من جدام ....توكلي على الله الدكتور هذا وايد شاطر وانا ان شاء الله بسوي عنده بس ماني عارفه اسعاره بضبط اذا عندج فكره ياليت اتفيديني الانه قبل سنتين كان سعر العمليه مع تكاليف المستشفى 750 د.ك بس الحين غير

 

[ملكة الأرجوان]

انا عندي جم وحده من بنات عمي مسوين عنده اخشومهم عجيبه شغله وايد حلو وطبيعي ومايبين انه تجميل عكس الي بالكويت كل الخشوم اتقولين كره مدوره من جدام ....توكلي على الله الدكتور هذا وايد شاطر وانا ان شاء الله بسوي عنده بس ماني عارفه اسعاره بضبط اذا عندج فكره ياليت اتفيديني الانه قبل سنتين كان سعر العمليه مع تكاليف المستشفى 750 د.ك بس الحين غير

ربي يهني بنات عمج ان شالله بخشومهم والفال لج ان شالله والله انا ودي الصراحه لكن حالتي شوي يبيلها دكتور متمكن يعني انا هذي ثالث عمليه لي ان شالله الاقي دكتور فنان يارب بالنسبه لبورصادق اهو للحين الكل يمدح فيه بس خايفه من مستوى النظافه عندهم الكل يقول مشهد فقيره ومستوى مستشفياتهم ضعيف وخرعتني اختي تقولي ادواتهم تخرع وانا وحده وسواسيه وللامانه شفت بس 3 عضوات وانتي الحين تتكلمون عن شغل بورصادق وناس انصحوني بدكاترة طهران وبالنسبه لسعر عملية الانف عند بورصادق وصل 1200 قبل جم يوم داقه على المندوبه مريم وقالتلي هالسعر ان شالله تبشريني عنج وتطمنيني اذا سويتيها بس سؤال شلون كانت خشوم بنات عمج صعبه والا تحسينها سهله ؟؟ يعني من ناحية الارنبه كانت عندهم كبيره ؟؟ وقدر يصلحها لهم لانه هذي عقدتي دكاترة الكويت مايعرفون يسوونها كله يقولون صعبه نسويها

 

[@أحلاهم وأتحداهم@]

ربي يهني بنات عمج ان شالله بخشومهم والفال لج ان شالله والله انا ودي الصراحه لكن حالتي شوي يبيلها دكتور متمكن يعني انا هذي ثالث عمليه لي ان شالله الاقي دكتور فنان يارب بالنسبه لبورصادق اهو للحين الكل يمدح فيه بس خايفه من مستوى النظافه عندهم الكل يقول مشهد فقيره ومستوى مستشفياتهم ضعيف وخرعتني اختي تقولي ادواتهم تخرع وانا وحده وسواسيه وللامانه شفت بس 3 عضوات وانتي الحين تتكلمون عن شغل بورصادق وناس انصحوني بدكاترة طهران وبالنسبه لسعر عملية الانف عند بورصادق وصل 1200 قبل جم يوم داقه على المندوبه مريم وقالتلي هالسعر ان شالله تبشريني عنج وتطمنيني اذا سويتيها بس سؤال شلون كانت خشوم بنات عمج صعبه والا تحسينها سهله ؟؟ يعني من ناحية الارنبه كانت عندهم كبيره ؟؟ وقدر يصلحها لهم لانه هذي عقدتي دكاترة الكويت مايعرفون يسوونها كله يقولون صعبه نسويها

والله من ناحية الارنبه عندنا كبيره وايد والي سوو بالكويت ماضبط اما الي سوو عند بور صادق طلع شي خيالي ما شاء الله عجيب علشان جذي بروح له للعلم انه سعر العمليه مع تكاليف السفر يطلع نفس سعر العمليه بالكويت بس بنسبه لي بور صادق وايد احلى اصلن فرق السماء عن الارض من ناحية المستشفى بنات عمي يقولون انتي اتروحين غرفت العمليات بريلج خخخخ بس كل هذا مومهم اهم شي النتيجه

 

[BeBoNz]

رد : نداء للي مسوين عمليه الانف عند دكتور بورصادق بمشهد

حبيبتي شرايج بدكتور لطف علي زادة ؟؟؟؟؟؟؟؟؟؟؟؟ نفس مستوى بور صادق ولا شلون شرايج ياليت تنوريني اللة ينور عليج ؟