نداء للكويتيات والسعوديات المشاركة للاهمية القصوى والتثبيت

[نـهـاد]

بالبدأية صباح / مساء كل وحدة على حسب :eh_s(7):

أنا عضوة جديدة هني ويأأكم حسب مو مبين لكم :eh_s(22):

من زمان وانا بخاطري اسجل في هالمنتدى الاكثر من رائع :eh_s(22):

كون الوحدة تحس انها تعيش في ظل عائلة واحدة مع اخوات ماكو مثلهم بالكون :hjy5jewf:

ما بطول عليكم وكاني ببدأ موضوعي على طول :eh_s(21):

أنـا قريت موضوع اسمه نداء للسعوديات والكويتيات:eh_s(21):

وحبيت ابدي رأيي واوضح امور كثيرة :eh_s(17):

أنا كويتية :q8:

ومتزوجة سعودي ( ولد خالتي ) امه كويتية وأبوهـ سعودي

أبوه وأمه أساساً عيال عم بس الام استقر ابوها في الكويت من قبل ستين سنة

يعني في الاخير كلنا أهل مافيه فرق :eh_s(21):

والله لايغير علينا :eh_s(22):

لايهمونكم المندسين بيننا واللي يدورون المشاكل :eh_s(14):

الغلا بالقلب واللي بالقلب معروف :eh_s(22)::eh_s(21):

كل سنة وفي كل اجازة نروح للسعودية تحديدا للخبر لانها على طريقنا

ونروح للرياض لان لنا اهل وللقصيم نفس الشيء

كنت اسال الوالد الله يحفظه وانا صغيرة شمعنى بس نروح للسعودية ونركز عليها

ونادر مانغير ونروح مكان ثاني

يرد علي ويقولي اهلنا وجماعتنا نعايدهم منا وفينا وكثير كويتيين مثلنا

يقولي انا كويتي وافتخر لكن ما انسى بيوم ارض ابائي واجدادي هذي ارضهم غلاتهم من غلاة ديرتنا

نحبهم ونزورهم

يا خواتي اتمنى نرتقي في حديثنا وحوارنا

في كل مكان وكل زمان بتحصلون الصالح والطالح

وحدة من الاخوات في ردودها قالت السعوديين يتمنون علينا على شي قبل 20 سنة

انا ما في يوم سمعت تصريح او اي سعودي انه يتمنن او حسسوني في هالشي واتحدى الاخت تثبت هالشي بشي رسمي غير المنتديات

وقفوا وقفت الاخوان لاخوانهم ولو في اختج احتاجتج اكيد بتوقفين معها

على العكس انا اللي منحرجة منهم اقولكم ليه لان في تصرفات من كويتيين رسمية عكس كل من يقول يتمنون علينا ، لأسباب التالية :

1/ كثير بنات سعوديات يسألوني بحكم اني كويتية ليه ممنوع الشيخ العريفي من دخول الكويت ، صراحة ماعندي رد

2/ كثير بنات يقولوت لي متى رجل الاعمال الكويتي المعروف يسيء للسعوديين واخرتها ضد الشيخ ابن باز " رحمة الله "

3/ هذا غير اعلامي كويتي معروف في قناة الوطن اساء للمراءة السعودية وللمنتخب السعودي في موقع الكتروني ورد عليه اللاعب الكويتي السابق عبدالله وبران

4/تفجيرات بجوار الحرم المكي من قبل 17 شاب كويتي ومقتل عدد من الحجيج

يا خواتي كلنا مسلمين وكل من اساء لايمثلنا ولايمثلهم ولايمثل اخلاق المسلم وكل من فكر يسيء بيننا نقوله علينا ماتقدر وكلنا واحد واعذرونا يالسعوديين كل من اساءكم او لغيركم من اي شعوب العالم مايمثلنا ولايشرفنا لان قلوبنا وبيوتنا وبلدنا مفتوحة لكل محب للكويت ولاهلها

يا خواتي اتمنى منكم :

1/ عدم التجريح في الرد والاساءة وهذا هو العشم

2/ انا كويتية أبا عن جد وما اتمنى احد يشكك بوطنيتي فقط نقلت الواقع كما هو وماقلت الا كلمة حق اعرفها بحكم معايشتي في هالبلدين

3/ عدم حذف موضوعي وتثبيته للاهمية فهو مايخص الكويتين مع السعوديين انما يخص الجميع ويخص كل عضوة محبة لمنتدى كويتيات حياها الله قلوبنا ومنتدانا لكم وحياكم

4/ الردود اتمنى انها تتعلق بالموضوع لانخرج عن اطار هالموضوع وندخل في معارك ومهاترات مالها لزمة كلش

5/ كلنا عيال ادم وحواء حطوا هالنقطة في بالكم وفي تعاملاتكم مع الكل ولاتقولي وحدة انتي سعودية لا انا كويتية ولا يعني كون لي اقارب سعوديين اني سعودية ، وبعدين حالي حال كويتيين اصولهم من دول مجاورة ايران وغيرها ويقولون اصولهم انا هم من حقي اقول اصولي وجذوري وافتخر فيها

سامحوني ان كنت قاسية او اخطيت في كلامي وتاكدوا طالع من كل قلبي

الاساءة للاخرين مرفوضة وخاصة الاشقاء

والله يحفظ لنا خليجنا ولايفرقنا وربي احداث البحرين الاخيرة بكتني خصوصا اتصال الاخت البحرينية بقناة البحرين اللي تشكر خادم الحرمين الملك عبدالله

كل الشكر لرب العالمين ثم لحكامنا وجنودنا وشعوبنا وامهاتنا وابائنا الله لايفرقنا

امانة قولوا امين

دمتم بـود

نهـاد​