السلام عليكم
يعطيكم العافيه
ادري راااااح ازعجكم معاي، بس تحملووووني
بسال عن الفوركس ماهو؟
شنو فايدتي منه؟
وين افتح حساب؟
شلون اقدر استلم ارباحي اذا كان فيه ارباح؟
هل يشترط اقابل الموقع اطول وقت ممكن؟
طيب شرايكم بموقع فوركس يارد؟
*وابي موقع اتداول فيه بالعربي
فيدوووووووني حبيبااااتي
هلا والله اختي اوكي الحين راح اقولج على اسالتج:
1- الفوركس اهيا نفس البورصه بس عالميه وتداولون بالعملات او مواد الخام... تدخلين بمبلغ معين وتقدرين تشترين وتبيعين فيه على حسب السعر الي تشوفينه يعني مثلا eur\usd اليورو بالنسبه للدولار السعر الحين 1.40475 انتي على حسب تحليلج تشوفين هل راح يصعد اذا راح يصعد تشترين وكل ما يرتفع تربحين على حسب الوت الي انتي شاريه فيه واذا يبي ينزل تبيعين وكل ما ينزل السعر تربحين مو نفس البورصه بالكويت بس تشترين وتنطرين متى يصعد على شان تربحين هذا لا بالنزول وبالصعدول ربح او خساره.
2- الفايده منه انج تربحين فلوس كثر ما تقدرين ...
3-تقدرين تفتحين حساب من اي مواقع تداول بالفورسك بالنت تقدرين تسوين سيرج فيه مواقع وايد بس نصيحتي اول شي حولي مبلغ يسيط حق اي موقع تشوفينه زين وبعدين ردي سحبي الفلوس شوفي يوصلون بحسابج اذا وصلو خلاص حطي فلوسج وتداولي.
4- الارباح تستلمينها اي وقت انتي تبين بنفس الوقت تاخذ 3 ايام عمل تحويل من بنك لي بنك يعني كل شركه تتعامل ويه بنك معين لمه تدشين موقع الشركه وتدشين بالاكاونت مالج راح تلقين المبلغ الي انتي حاطته وكله مع الارباح تحطين المبلغ الي تبين تحولينه واهما يحولولج اياه على حسابج بالكويت.
5- ما فهمت انه شنو قصدج انه تشترطين تقابلين الموقع ؟؟؟ بس اذا قصدج لازم تجابلين الموقع اطول وقت لا ماله داعي انتي الموقع بس اذا تبين تغيرين معلومات او تسحبني فلوس او تحطين بس كل شغلج على البرنامج تنزلينه وتشتغلين عليه بس.
6- ما ادري عن فوركس يارد بس انا اي مواقع شركات بالعربي ما ادشها وله اتعامل وياهم وله اثق فيهم..
7- فوركس يارد بالعربي :\ وفيه اكثر من موقع بس انتي تقدرين تشوفينهم بقووقل
8- والربح والخساره سؤ تخطيط يعني ماكو شي اجباري وله راح يطالبونج بشي انتي دشيتي 1000 دولار الربح الي تربحينه حقج والخساره الي تخسرينها هم خسارتج بس .
انشاء الله ما اكون طوفت سؤال
