هلا ي الغلا مو تاجره بس لقيت لج رد حلو
عندي افكار تجاريه ابي انتي والحبيبات اللي يبون يستفيدون
اولا
1- الالعاب المميزه للاطفال ؟؟ مو كل لعبه شئ مجرب وناجح للاطفال والكبار سيارات تعمل على البانزين مرغوبه
2- زيوت طبيعيه للعطورات بالكيلو مميزه جدا بالصين ورخيصه وجوده عاليه انصحج فيها
الكيلو الواحد بسعر 14 دك ويعبي تقريبا اكثر من 100 زجاجة عطر خلط مع الماء للمفارش حجم الزجاجه 250مل
3- شنط ماركات عالميه درجه اولى بس لاتغامرين فيها ممكن يصادرونها عليج بالمطار او الشحن واللي يصادرها الجمارك الكويتيه
4- اجهزه كهربائيه والله حيل تمشي خاصتا الدفايات اللي على كهرباء الكويت فيها عماله وافده يطلبونها اكثر من الكويتيين وسعرها مو اكثر من دينارين بالصين وخلج تبيعينها بسعر 4.5 دك
5- تلفونات اشكات بنوتات سعر التلفون 6 دك اشكال فضيعه بس طبعا مالها مميزات
6- مجمعات خاصه في الجاكيتات والبنطلونات والبلايز والبدلات للبنات والاولاد والملابس الداخليه بسعر حيل مناسب
7- مكيفات شباك صينيه بالكرتون 30 دك حجم طنين لو تبيعينهم بسوق الحراج المستعمل راح يجيبون لج 60 دك خاصه بداية الصيف
الاجانب بالكويت ياخذونهم 6 اشخاص بغرفه كل واحد فيهم يدفع عشره
8- الاحذيه النسائيه على حسب المقاس اللي تبينه يسوونه لج واشكالهم عجيبه خاصه تاخذينه مع الشنطه والبوك والحذاء يطلعون عليج بحدود 4.5 دك وتبيعينهم 12 دك
9- الساعات والاكسسوارات والاحجار الكريمه والكرستال فكرتهم حلوه بدايتها تطلبين من صاحب المحل يوفر لج شنط خاصه حق الساعات اشكالهم جوده وتعبينهم من الساعات اللي تعجب البنات من اي موديل جديد وملفت للنظر شغله مربحه وبسيطه
تعطين وحده ولا واحد يفتر على موظفات الدوامات والساعه اللي بسعر 7 دك تعطينه عليها دينار واحد والساعه الواحده طالعه عليج من الصين 2.5 دك والمندوب ان شاء الله لا يقل بيعه باليوم عن 10 ساعات يطلعله بالشهر 300دك
10 - الزهور المجففه تتوزع على محلات الزهور اللي بالمستشفيات وماتخرب مثل الطبيعي حده خمس ايام بالكثير اسبوع عندهم اللي ينباع بسعر 25 دك بالكويت سعره 6 دك يعني اي وحده تشوفه معروض بسعر 12 دك تاخذه من غير تردد
11- المفارش الكشخه والديباجات اسعارهم حلوه والوانهم تريح القلب
12- اجهزة الام بي 4 الى ام بي 9 عجيبه واسعارهم مميزه وماتاخذ حجم والله انصحكم فيها اسعار الام بي 5 بالكويت 25 دك وعندهم6 دك
مع الكاميره ومميزاته حلوه وذرب
13- اواني منزليه من كل اللي تبينه من صواني كشخه ومطاطير الشاي والقهوه والاطقم الكامله من القفاش والستيكانات والصحون الخ ...
14- واذا عنج واسطه واسطه واسطه بالكويت وخااااصه في الجمارك جيبي كميه من الالعاب الناريه ( الجراخيات ) حق عطلة المخيمات
اشكالهم مميزه وفضيعه ورخيصه بالمره ولها مجمعات خاصه فقط للالعاب الناريه والربح فيها 500 % واكثر
15- اذا انتي شاطره في الحلويات تجيبين بنت صينيه تشتغل في محل حلويات شوفي الابداع والفن في الاشكال من كيك من حلو تمنظري بس للامانه اشكال وفن وسعر رخيص بس طعم يلوع الجبد ما احس فيه لذه بس اغراء اللي يدخل المحل لازم يشتري اتوقع لو بالكويت بالشكل والسعر يصير زحمه والتوفيق من الله
تمنياتي لكم بالتوفيق اختكم
صاحبة معرض
وانشالله التاجرات يفيدونج
