نداء لكل المعلمات ابي مساعده

[حلوه بس فصله]

السلام عليكم
انا تخصصب رياض اطفال وزهقت من ككثر مايذمون هالتخصص
ففكرت بما اني مستجده اول كورس توني ودي حول اصير مدرسة اجتماعيات او اي شي غير
الرياض شرايكم صح اللي قاعده اسويه ولا لا

 

[doweha]

صح الى اتفكرين فية وش لش في دوخة الراس

 

[حلوه بس فصله]

بعد يابلات وينكم
اروح واصير مدرسه اجتماعيات متوسط او ثانوي والدرجات ولوعة الجبد
ولا الرياض احسن

 

[خضيرة]

نصيحه هجى روحى اى تخصص الا الرياض قبى انحاشى ترى مدرسة الرياض تحاتى وتفكر على طول بالمنبه والوسائل ودخول المشرفه يوميا ودخول الناظرة وهم الوكيلة تدش عليج ما بقى الا الحارس بعد وكل يوم مكتبه وصرف بالفلوس ولازم غرفه لوسائل الروضة ترجعين البيت تفكرين بالمنبه ومسابقات الفلين اللى شكبرها يبيلج خدامه تشيلهم معاج الزبده انحححححححححححاشششششى

 

[عهود الحب]

الداخل مفقود والخارج مولوود


انحاشي بلا ترددددددددد ولا تلتفتين وراج وان لقيتي مكان زوين قولي يا الله من فضلك اللي انجاج من شقا الرياض وغثاها

 

[تووووووووووته]

والله انا بأنصحج لوجه الله .. لاني ترى توني متخرجه و الكلام اللي انتي سمعتيه ماصارلي وقت سامعته و طلبت مساعده العضوات نفس قصتج

صليت استخاره .. و استخرت ماغيرت التخصص .. و دشيت الميداني اللي اهو اصعب مليون مره من التدريس و الدوام على طول لانه كل يوم يبيلج فناتق و هذا شي مايختلفون عليه المدرسات .. والله يا حلوه اني انصدمت من الواقع .. لا صرف و لا بطيخ الله يسلم ابو ميه .. اهم شي الفكره بسيطه و توصلين المعنى للطفل ببساطه .. شفتي وسائل دسمان و هالخرابيط اللي يبيلج حمال معاج .. محد قام يشتريها ! كله انتي تسوينه بادوات بسيطه و تستمعين بانجازج و تستانس عليه الموجهه اكثر من اللي بدسمان ..
دوخة راس للي ماتحب الاطفال .. فعلا شفت ابلات يعانون لانها ماتواطن الاطفال ماتحبهم يتكلمون ماتحب تسولف معاهم .. ترى اطفال الروضه مو نفس اخونج بالبيت .. تلقينهم اهدى حيييل بالروضه و يطيعونج اذا وريتهم الهدايا .. بس لابد انج تحسسينهم انهم مو بسجن يعني اشغليهم بأي شي اذا صرتي مشغوله والا راسج يعورج .. خلهم يلونون والا يلعبون بالالعاب التربويه اللي بالصف موجوده .. و الوقت يمر بسرعه ..
اما عن الوسائل و كل يوم دوخة راس و تروحون تشترين .. انا اقولج شتسوين و انا شسويت .. يوم الخميس انتي مزهبه تحضرين الاسبوع الجاي من الاهداف هذا اكيد و موافقه عليه المشرفه .. الخميس بالليل او الجمعه رتبي افكارج و كل درس شنو تحتاجين له .. و روحي اشتريه بالويك آند اغراض حلقات الاسبوع الجاي و خليه بكرتونه ترى مو مليون شغله اشياء بسيطه صور واذا العاب و ملابس .. يوم الاحد وديه الروضه و استعمليه طول الاسبوع .. مرتاحه طول الاسبوع مرتبه افكارج و اغراضج

الله يجزاها خير اللي قالت لي هالفكره والا كنت حوسه كل يوم اعصر مخي .. والله يسلم الانترنت مشكووورين البنات يعطونج افكار و صور و كل شي ..

المبدأ الاساسي .. تحبين الاطفال توكلي على الله ترا اهون من تدريس اجتماعات كل يوم شايله دفاترج وياج و تليفونج مايسكت من الواسطات .. اما ماتحبين الاطفال .. عليج بالعربي او الاسلاميه أهون شي

وبس ياكثر ما اقرقر :d

اتمنى اكون فدتج و دايما اذا محتاجه شي دزيلي رساله .. تفاعلت معاج ههههه

 

[[..كـــــرك..]]

حبيبتي انتي تدورين الراحه ؟؟ وين تحصلينها بالتربيه

التربيه مايدشها الا الللي يحبها

بس نصيحه لج دخلي موضوع فوق مثبت لـ عندك خبر اقريه وامعني النظر فيه هههههه