نداء لجميع العضوات !! مو من حقج تنصحين وتتفلسفين إذا ماكنتى أهل للنصيحه!!

[عمرى شقا]

موضوعى هذا كتبت موضوع مشابه له أو مثله قبل جم يوم
بقسم الزوجيه ولكن طبعا كالعاده راح موضوعى .......
على وجهه ولكن ولأنى لا أيأس وطالما كان ما أطرحه ليس فيه مايسئ لى آو للبنات وفيه على الأقل
فراح أطرح المزيد ولاراح يحبطنى ولا يوقفنى شئ .....

ومن آهنى آحب آوجه شكري للأخت بلو دايموند :eh_s(17):


وموضوعى حول بعض أقسام عموم المنتدى اللى تطرح فيها بعض العضوات مشاكلهم الزوجيه
والعائليه ويطلبون العضوات إنهم يساعدونهم فتصبح المسأله مسألة فزعه !!!!

والكل يفتى وينصح ويوجه اللى عنده خلفيه واللى ماعنده إذا اهى بنت ومتورطه نلقى البعض
يهون عليها ويسهل الأمر وكآن اللى سوته عادى وغلطه بسيطه !!!!!

وإذا متزوجه نفس الشئ تصير السالفه حرب ضد الزوج اللى تشيش !!! واللى تقويها واللى تنصحها
نصيحه مو بمحلها ممكن المسكينه تطبقها وتنقلب على راسها !!!

انتوا تدرون ان الناس اجناس وطبايعهم تختلف وتقبلهم للأمور مو على نفس المستوى وردات الفعل
مختلفه من شخص للثانى وكل واحد التفاهم معاه يختلف عن الثانى وممكن اللى يقبله ويتحمله
الزوج هذا الثانى لايمكن يقبل فيه !!

والمشاكل الزوجيه وخاصة الخطيره والحساسه المفروض الوحده تكون طرف محايد أو عامل مهدى
أو على الأقل تدعى للعضوه الأخري يهون الله عليها ويفرج عنها كربتها ....

بدل ماكل وحده تفتى من عندها واهى اصلا مو مطبقه الشئ هذا على نفسها أو ماعندها خبره
خاصه بعض البنات اللى أصلا مو متزوجات ولاهم عارفين كوعهم من بوعهم والمسأله مسألة طماشه
غير البنات المخطوبات اللى يدشون ويقرون الحلول والافكار العجيبه الغلط وممكن ياخذونها ويطبقونه
بعدين على حياتهم !!!

وأيضا بعض المشاكل الأسريه بين العضوات وأهاليهم والخلافات اللى تصير !!!!
يابنات احنا مجتمع فيه عدة بيئات وطوائف واللى يسمح فيه عند فئه الفئه الاخري ماتطوفه واللى تقبله
عائله فيه عوائل لايمكن تسمح فيه والعادات تختلف
فبالتالى لما تنصح البنت يكون حسب ماهو مقبول ولايسبب له مشاكل المسأله ماهى فرض عضلات
وغير هذا الشغلات هذى تبي مختصين يوجهون النصح للبنت أو المتزوجه هذي آمور تخص بيوت
وأى خطأ أو نصيحه مو بمحلها تخربها وتدمر أسر كامله !!!!!
ونتجه من الزوجيه والأسريه للبنات بقسم التجميل والتخسيس واللى يحطون خلطات سواء طبيه
شعبيه هم هذا شئ خطير وغلط خاصه انى كذا مره لاحظت بعض المواضيع لبنات يحطون شغلات
أو خلطات ويقولون نقلناها من منتدى ثانى بس ماجربناها !!!!

إذا مو مجربتها وشايفه فوايدها ليش تحطينها ؟؟؟


وأخيرااا


أخواتى بناتى رجاء اللى ماعندها خلفيه فى موضوع مطروح لأي عضوه تبي حل لمشكله خطيره
وحساسه ياريت تكتفى بالقراءه وترحم الناس من الفلسفه الزايده والحلول اللى مامنها الا المشاكل وعوار
الراس ترى الكلمه أمانه برقبتج ولاتعطين رايج مادام مالج معرفه بالموضوع

وأتمني إن موضوع مايفهم غلط أو يحسب إنه موجه لعضوه بحدذاتها الموضوع موجه للكل

 

[نهى الأحمد]

أختي العزيزه هنوو

جزاك الله الف خير مثل هذا الطرح الهااام جداً
واحنا مالنا غنا عنج وعن ما تنسجه يداك من أروع الحروف والكلمات التي تصل الى القلوب والعقول


كل ما ذكرتيه في الموضوع انا صج لاحظته باغلب الاقسام في المنتدى

وبالذات قسم المشاكل الاجتماعية والمناقشات والزوجية


لما كنت ادش حتى اقرا موضوع العضوة اتفاجأ وانصدم من بعض الردود

يكون فيه ردود مالها علاقة بمشكلة العضوة او اي شي يتعلق بمضمون موضوعها

الانسان اذا يبي يتكلم بشي او يقدم نصيحة
اول شي يتقي الله في كل كلمة يكتبها او نصيحة يقدمها

لانها اذا ماكانت في محلها رح تضر الغير وتسبب لهم مشاكل


تسلم يمناج حبيبتي

 

[عمرى شقا]

لاوغيرهذا نهووي اللى لاحظته ان فى بعض الاخوات وعلى مشكله تافهه وسخيفه تلقاها داشه
عرض وتنصح الاخت انها تخلى زوجها يولى مثلا أو تشجعها توقف ضده بقوه ولا تتنازل عن
حقها وين قاعدين .. أو فتشي أغراضه شوفى تلفونه راقبيه سوى كذا سوى كذا .....
واهم على البر ومريحين والمسكينه شابه فيها النار ويزيدونها ..
غير سوالف البنات مع أهاليهم وأخوانهم ووشلون يقوون شوكة بعض ويوجهونهم توجيهات
غلط على بو نصيحه وأشياء كثيره لاحظتها لايحثضرنى تذكرها الآن ولكن أتمنى أكون أحطت
بجوانب هذا الموضوع الكبير المتفرع اللى برائ ييحتاج لتكاتف الكل

شكراا حبوبه على المرور العطر الجميل

 

[نهى الأحمد]

لاوغيرهذا نهووي اللى لاحظته ان فى بعض الاخوات وعلى مشكله تافهه وسخيفه تلقاها داشه
عرض وتنصح الاخت انها تخلى زوجها يولى مثلا أو تشجعها توقف ضده بقوه ولا تتنازل عن
حقها وين قاعدين .. أو فتشي أغراضه شوفى تلفونه راقبيه سوى كذا سوى كذا .....
واهم على البر ومريحين والمسكينه شابه فيها النار ويزيدونها ..
غير سوالف البنات مع أهاليهم وأخوانهم ووشلون يقوون شوكة بعض ويوجهونهم توجيهات
غلط على بو نصيحه وأشياء كثيره لاحظتها لايحثضرنى تذكرها الآن ولكن أتمنى أكون أحطت
بجوانب هذا الموضوع الكبير المتفرع اللى برائ ييحتاج لتكاتف الكل

شكراا حبوبه على المرور العطر الجميل

يا هلا وغلا ياقلبي

العفو

صاجه بكل كلمة قلتيها

يؤسفنا الشي اللي قاعد يصير

العضوة اذا ماكان عندها خبرة في حل المشاكل بكافة اشكالها
بامكانها تقول كلمة طيبه او دعاء يسرّ البال والخاطر

عساج عالقوة حبيبتي :eh_s(17):

ياصاحبة القلم النابض في المنتدى

 

[المـــــها]

صح صح صحححححح الساااااانج حبيبتي

و الله انقهر من الردود السطحية خصوصا بقسم الزوجية
تقولين خراب بيووووت مو نصايح






أب

 

[PuPa^^SWeeT]

صاجة

بدال لا يهونون عليها

يخلونها اتخربها


ماله داعي يعني اللي تستقوي واتطلع نفسها ام الردوود

واذا هديتي صاحبة الموضوع و قلتيلها ممكن مو قصدهم ممكن انهم مايدرون ولا اتقوليلها طنشي

اتييج وحدة ( انا استغرب من اللي اتقول طنشي لو انتو مكانها جان سويتو و سويتو انا اقولج طلعيي عيونهم و مادري شنو )

 

[G!RLooNa]

مادري يعني بالنهايه كل واحد له رايه سواء كان صح ولا غلط و اللي منزله الموضوع مو ياهل عشان تطبق اي شي ينقالها يعني لو وحده راده عليها روحي نطي من سطح بيتكم بتروح و تنط؟

و التفلسف و اللي موعارفين كوعهم من بوعهم صح انا اشوف ردود تفلسف وايد بس هم كيفها خل تتفلسف ماراح تزيدني ولا تنقصني شي بتفلسفها .. و المثال اللي انتي حطيتيه انا مو معاج مو كل بنت مو متزوجه نصحت و حطت رايها بالزوجيه يعني بس جذي قاعده تقول كلام فاظي ترا في بنات مو متزوجين ردودهم اعقل من اللي متزوجين بمواضيع و مشاكل الزوجيه

 

[عــاشــقــه]

معاج حق

بس المنتدى يضم فئات مختلفه من بيئات مختلفه يعني المفروض نتقبل جميع الآراء إلي راح تطرح بالموضوع وبالنهايه أنا عندي عقل بشوف إلي ينفعني ويناسبني

أما إذا حاولت تخرب الموضوع أو تستهزأ يا اني أكلم الاداره أو أو اطلب من المشرفات حذف مشاركاتها وإذا كلش تقرير بمشاركه سيئه وأهم يتصرفون معاها

 

[نور مغليها]

إهيآ لمن حطت مشكلتهآ تبي حَل !
وعليهآ إن تتحمل وتتخيل وتتوقع كل الردود الي بتصير ‘ يعني أي وحده بتحط مشكلتهآ تتوقع أنواع من الردود وإهيا تشوف الحل الانسب لها
يعني كل وحده وجهة نظرهآ .. في مشآكل ومواضيع ما يصلج إنج تهدينها لو كآن الموضوع خطير ( مثل لما تجي وحده متزوجه وتقولج حبيت وآحد متزوج وابي اتزوجه وانا بحآلها صعبه وحيل خايفه ) اهني تهدينهآ ؟! لا طبعآ ماراح اهديهآ بنقول الي يملي عليه ضميرنآ​

 

[الحلوة ريا]

مادري يعني بالنهايه كل واحد له رايه سواء كان صح ولا غلط و اللي منزله الموضوع مو ياهل عشان تطبق اي شي ينقالها يعني لو وحده راده عليها روحي نطي من سطح بيتكم بتروح و تنط؟

و التفلسف و اللي موعارفين كوعهم من بوعهم صح انا اشوف ردود تفلسف وايد بس هم كيفها خل تتفلسف ماراح تزيدني ولا تنقصني شي بتفلسفها .. و المثال اللي انتي حطيتيه انا مو معاج مو كل بنت مو متزوجه نصحت و حطت رايها بالزوجيه يعني بس جذي قاعده تقول كلام فاظي ترا في بنات مو متزوجين ردودهم اعقل من اللي متزوجين بمواضيع و مشاكل الزوجيه

معاها :rerrerek:

 

[noni_q8]

صح لسانج ياصاحبة الموضوع

والله يعطيج العافيه يالغلا

 

[منو انت]

تصير معاي ساعات اكتب رد بعدين اقول حق عمري لا اخاف اخرب عليها او اضرها و ارد امسح الكتابه واكتفي بالمشاهده او اني ادعي لها بس

وساعات لا اقول وجهه نظري اذا الموضوع مو خطير

وصح في بنات ممكن تحصلينها تكتب رد طوووووووويل ومسكت على اساس انها صريحه مع ان الموقف لو يمر عليها تحصلين ردت فعلها عكس ردها (( وهالشي واضح من وحده اعرفها معانا بالمنتدى بس اهي ماتعرفني شفت كذا مشاركه لها تتكلم عن نفسها وعن اسلوبها والصح والغلط واهي بالاساس بحياتها عكس غيررررررررر )) يعني جد بنات الوحده لاتصير فيلسوفه زياده لان في بنات يكسرون الخاطر تسوي بالنصيحه كامل وتكون النتيجه عكسيه (( طبعا البعض مو الكل )) علشان مااحد يزعل


مشكوره

 

[المرتاحة]

مثل ما قالت قيرلونا

البنت لما حطت مشكلتها لازم تحط في بالها

1- انها مو قاعده تعرض المشكلة على متخصصين فضلا عن انهم ناس لهم خبرة عامه في الحياة

2-و تحط في بالها انه ممكن في شغلات غفلت عن ذكرها من وجهة نظرها وتعتقد انها مو مهمه بس بالنسبه للمتخصصين تكون اشارات لمشكله معينه الاشخاص العاديين يمكن ما ينتبهون لها

3- ..و لازم تكون فاهمه ان وجهات النظر بالنسبه لمشكلتها راح تختلف كل واحد حسب بيئته وخبرته احتمال تكون هذي الخبره محدوده ..

4- وفوق هذا لازم تعرف ان الناس تتفاوت في خلفيتها الدينية

5- الناس نفسياتها تختلف .. في منهم بالنسبه لهم تشوف المشكلة هذي كبيرة و صدمة و في اللي تشوف انها مشكله هينه و سهل حلها.

و عندي ملاحظه على شي قلتيه .. ترى مو كل بنت مو متزوجة معناتها حلولها فاشله ولا كل بنت متزوجه معناتها حلولها صح 100% .. يمكن البنت المو متزوجه عاصرت مشكلة مقاربة للمشكله المعروضه لصديقتها او قريبتها .. بالاضافه ان كتب المتخصصين متوفرة علشان جذي تلاقين عندها خلفيه ثقافيه في الموضوع هذا

و مشكورة اختي على الموضوع

 

[ليلو جبريت]

مثل ما قالت قيرلونا

البنت لما حطت مشكلتها لازم تحط في بالها

1- انها مو قاعده تعرض المشكلة على متخصصين فضلا عن انهم ناس لهم خبرة عامه في الحياة

2-و تحط في بالها انه ممكن في شغلات غفلت عن ذكرها من وجهة نظرها وتعتقد انها مو مهمه بس بالنسبه للمتخصصين تكون اشارات لمشكله معينه الاشخاص العاديين يمكن ما ينتبهون لها

3- ..و لازم تكون فاهمه ان وجهات النظر بالنسبه لمشكلتها راح تختلف كل واحد حسب بيئته وخبرته احتمال تكون هذي الخبره محدوده ..

4- وفوق هذا لازم تعرف ان الناس تتفاوت في خلفيتها الدينية

5- الناس نفسياتها تختلف .. في منهم بالنسبه لهم تشوف المشكلة هذي كبيرة و صدمة و في اللي تشوف انها مشكله هينه و سهل حلها.

و عندي ملاحظه على شي قلتيه .. ترى مو كل بنت مو متزوجة معناتها حلولها فاشله ولا كل بنت متزوجه معناتها حلولها صح 100% .. يمكن البنت المو متزوجه عاصرت مشكلة مقاربة للمشكله المعروضه لصديقتها او قريبتها .. بالاضافه ان كتب المتخصصين متوفرة علشان جذي تلاقين عندها خلفيه ثقافيه في الموضوع هذا

و مشكورة اختي على الموضوع

صح كلامها

 

[ti amo]

مشكوره على الطرح الرائع وفعلا كلامك صح ونتمنى من العضوات الانتباه
قال الرسول صلى الله عليه وسلم ( " من كان يؤمن بالله واليوم الأخر فليقل خيراً أو ليصمت"

 

[Tulips]

انا برايي انه صاحبة المشكله تمشي ورا الراي اللي يناسبها ويناسب ظروفها ..

يعني موضوعها راح ينملي بجميع الارآء بس بالنهايه اختيار حل مناسب لها من الحلول المطروحه هذي مهمتها اهي

لانه مو الكل يطبق النصايح سواء مفيده او مضره

 

[بحر هادي]

انتوا تدرون ان الناس اجناس وطبايعهم تختلف وتقبلهم للأمور مو على نفس المستوى وردات الفعل
مختلفه من شخص للثانى وكل واحد التفاهم معاه يختلف عن الثانى وممكن اللى يقبله ويتحمله
الزوج هذا الثانى لايمكن يقبل فيه !!

انتي قلتيها الناس اجناس وطبايع تختلف
فطبيعي كل وحده بتعطي حل من بيئتها..فـ اختلاف الردود احسه طبيعي نتيجة هالاختلاف

يمكن هي غير عن بيئتي وشخصيتي بس مو يعني ان رايها غلط..رايها ممكن يناسبها هي وماينسابني..واذا ماناسبني مو يعني انه غلط

وبالاخر انا كـ صاحبة الموضوع بقرر واختار الراي اللي يناسبني ويناسب وضعي..




مشكورة ع الطرح :eh_s(7):

 

[نجداويه نجد]

,


أشوف بعض الأخوات ماتحط لكِ حل بــل تزيد من حدة الموضوع اذا كان مشكله يعني تزيد الطين بله .. غير كذا الردود تفتقر للأسلوب النصح والتودد يعني ألاحظ تفشي الأسلوب الجاف والحاد بين كثير من الاعضاء والله المستعان

 

[عمرى شقا]

مادري يعني بالنهايه كل واحد له رايه سواء كان صح ولا غلط و اللي منزله الموضوع مو ياهل عشان تطبق اي شي ينقالها يعني لو وحده راده عليها روحي نطي من سطح بيتكم بتروح و تنط؟

و التفلسف و اللي موعارفين كوعهم من بوعهم صح انا اشوف ردود تفلسف وايد بس هم كيفها خل تتفلسف ماراح تزيدني ولا تنقصني شي بتفلسفها .. و المثال اللي انتي حطيتيه انا مو معاج مو كل بنت مو متزوجه نصحت و حطت رايها بالزوجيه يعني بس جذي قاعده تقول كلام فاظي ترا في بنات مو متزوجين ردودهم اعقل من اللي متزوجين بمواضيع و مشاكل الزوجيه

انتى تقولين جذي بس فيه بنات على نياتهم وممكن تاخذ الحلول على محمل الجد
وممكن تسويها كمحاوله وخاصه اذا ماكان عندها اللى ينصحها ويهون عليها
من فتره اطلعت وحده ما ادري موضوعها صج او لعب ووصلت الردود عشرات الصفحات
واغلبها تشيشها وتحرضها

بعد فتره بغض النظر عن صحة الموضوع وعدمه نزلتموضوع ثانى تبشرهم إنها عملت
بعض البنات اللى قالوا واجهى زوجج وارفضي الشئ هذا وتقولهم سويت جذى وطلقنى

هى اخذت بنصايح التحيض واتكركت النصايح الطيبه وان كنت من ضمن هؤلاء
شكراا حبوبه على المرورر:eh_s(17):

 

[جوك احلى جو]

كلامج صحيح واتفق معاج بس العضوه مانزلت الموضوع الا و اهي تبي كذا حل والنسب لها تطبقه