نداء الي والده بمستشفى المواساه تتفضل ضروري :(

[*الحووور*]

السلاااام عليكم

اشلونكم ان شالله بخير...........

عفيه بناااات انا بشهر السابع ومحتاره وين اولد اليوم رحت شفت غرف مستشفى السلام الصراحه ما عجبوني وأسعارهم غاليه حيييل

وودي بمستشفى المواساه اشلون غرفهم وجم اسعارهم وشنو أحسن غرفه عندهم وتكون سعرها مناسب يعني مو غاليه وتكون ذربه جدام الناس:eh_s(10):؟؟

وشنو أحسن دكتوره عندهم...واذا طلبتها بوقت الولاده تولدني ؟؟؟

عفيه بنااات لا تخلوني

:balo:​

 

[*الحووور*]

اشدعواااااااااا ولاردددد

شنو معقوله محد ولد بمستشفى المواساه ؟؟؟؟؟

 

[*الحووور*]

اب اب اب اب

 

[sweet fashion]

والله ماحبيت ادش بدون رد
عموما سمعت عن غرفهم ممتازه بس مااعرف اسعارهم ياليت احد عنده خلفيه بأسعارهم

 

[هجاين]

رد : نداء الي والده بمستشفى المواساه تتفضل ضروري

غرفهم حلوه
واسعارهم من 350
وعندج دكتوره فرجينيا ولينا و حسام

 

[بزززه]

رد : نداء الي والده بمستشفى المواساه تتفضل ضروري

مستشفى المواساة ممتاز وعنايتة رائعه
دكتورة فرجينيا شاطره ونفسها حلوه وبالنسبه للغرف اسعارها مناسبه وعندج
غرف ال vip حلووه

الله يهوون عليج ان شاءالله وتولدين بالسلامه

 

[لولو أبيض]

عنايهم زينة و غرفهم حلوة
عندهم دكتور حيان شاطر وايد وعندهم دكتورة فرجينيا
و ان شاء الله تولدين بالسلامة

 

[مدرسة العربي]

مستشفى المواساة روعة و عنايته توب
أحسن دكاترة حق ولادة فرجينيا و ناهظ و حيان

 

[حرم يوسف بيك]

رد : نداء الي والده بمستشفى المواساه تتفضل ضروري

انا كل ولاداتي بالمواساة وفي غرف اسعارها مناسبه انا كنت اخذ الvib وهالمره يمكن اخذ vvip وانا اراجع عند الدكتور حيان الاحمد وفوق في تجمع الي يراجعون بالمواساة

 

[meen_ana]

حبووبه اذا تبين شي مناسب ومعقول اخذي دكتور من نفس المستشفى انا طلعت علي الولادة تقريبا 850 وانا خذيت ليل اضايفه يعني هذا مع لليله الاضافيه

 

[faarfooraa]

صباح الخير حبوبه .. انا توني والده بمستشفى المواساه و حلوه و كنت اراجع عند دكتوره لينا وايد زينه .. و انا خذيت يوم غرفه عاديه و يومين قعدت في غرفه الايترو حق الاستقبال طلع على 1800 علشان انا ولدت قيصريه .. و تري عندهم خصم على وزارات معينه .. انا خصمو مني 180 و الله يسها عليج حبيبتي ...

 

[ضوء ناصع]

أنا كل ولاداتي بالمواساة
أهم شي أخذي دكتورة من نفس المستشفى . عندج فرجينيا زينة وايد
و الريايل عندهم دكتور ناهض و دكتور حيان يمدحونهم وايد وايد

 

[ايمان80]

والله انا نفسج ماني عارفة اي مستشفى وعند اي دكتور اروح
لان حالتي صعبة واحتمال اولد قيصري
فأبي اعرف احسن دكتور او دكتورة شاطرة بالقيصري والخياط واللمستشفا تكون خدمته ممتازه

 

[cat walk]

انا ولاداتي كلها بالمواساة اخذ غرقه عاديه مع ولادة طبيعيه وشفط 500 تقريبا بس وايد العنايه عندهم توب ومستواهم راقي

 

[a7la wa7da]

إنشالله البنات كفو ووفو :icon30:

 

[NauGhty nuRse]

والله حبیبتی انا امس کنت عندهم
الغرفه العاديه 450
وعندج غرفه جونيور 540
وغرفه vip الي عجبني بصراحه 660
وغرفه v-vip الي اكبر منه 870
وعندج رويال ارمااااااااني 1920
وفي رويال ايترو سويت 1320
طبعاااا اسعار حق الولادة طبيعيه-ليلتين- بدون ابرة الظهر الي ب 93 دينار
وقالولي حطي ببالج يمكن يطلع فوق المبلغ 100 دينااااار
وادعولي الله يسهل علي ولادتي

 

[جوهرة الليل]

والله انا نفسج ماني عارفة اي مستشفى وعند اي دكتور اروح
لان حالتي صعبة واحتمال اولد قيصري
فأبي اعرف احسن دكتور او دكتورة شاطرة بالقيصري والخياط واللمستشفا تكون خدمته ممتازه

الله يتمم عليج بخير يا عمري
المواساة مستشفى معروفة و عنايتهم حق الام و حق الياهل ممتازة
اذا في احتمال تكون ولادتج قيصرية انصحج تروحين للدكتور حيان الاحمد
هو احسن واحد يسوي قيصرية و يشد البطن بعد:eh_s(15):

 

[أمـ مـحـمـد ــ]

رد : نداء الي والده بمستشفى المواساه تتفضل ضروري

انا ولدت عندهم وحبيت المستشفى اهوا من اول مره اذا تعلقتي بشي وارتحتيله توكلي على الله
ماشكيت منه كلش ويسوون خصم حق وزارة الداخليه ومادري اي وزاره بعد وعندهم عروض حلوه
اللي ولدني دكتور حيان خوش دكتور الله يوفقه وانشالله هالمره عنده بعد انا طلعت علي الولاده طبيعيه يومين بدون ابرة ظهر تقريبا 500

 

[In Geneva]

بنات منو ولدها دكتور حيان الاحمد وسوا لها شد بطن مع القيصرية ؟




المستشفى ما شاء الله مريح نفسيا ورعاية النيرسات زينة لكن خبري فيه من كم سنة

وأتمنى غنهم ما تغيروا

 

[In Geneva]

عندك جناح ال vvip ممتازة وحجمها وسعرها زين وتصلح للاستقبال

وجناح الإيترو حلو لكنه أغلى شوي

لكن يظل سعر هالجناحين زين بالنسبة لمستواهم وسعر الاجنحة اللي بحجمهم بالمستشفيات الثانية