نداء الى اخوااتي ...ارجوووكم تساعدوني

[AL_Jo0o0RY]

السلام عليكم .... في البدايه احب ارحب با خواتي جميعا واتمنى انكم تقبلوني عضوه جديده في منتداكم الاكثر من رائع ...واتمنى انكم تساعدوني باللي تقدرون عليه اذا ممكن ....انا متزوجه صارلي سنه ونص تقريبا وماصار حمل لحد الحين ورحت المستشفى وقالولي عندج ضعف تبويض وعطتني الدكتوره حبوب تنزل الدوره وجيتها ثاني يوم من الدوره وعطتني كلوميد وبعد ثلاث ايام جيتها وسوتلي سونار وحصلت بويضه وحده بس حجمها12مل وعطتني ابر منشطه وجيتها بعد يومين وحجم البويضه مثل ماهو ماتغير ابدا وعطتني ابر منشطه وجيتها بعد ثاني مره وحجم البويضه بعده ماتغيير وانا محتااره ماادري ليش مايزيد حجم البويضه وهديت العلاج وقلت انتظر الدوره الجايه وانا اليوم الدوره جاتني وماني عارفه شنو اسوي ....:0bee2e8d89:اروح للدكتوره ولا استخدم اشياء طبيعيه ولا شسوي ....تكفوون ساعدووني زوجي يبي اطفال وماني عارفه شسوي ...شوروا علي ياجماعة الخير ....انا في حيييييره من امري ....... وشكررررراااااا للجميييع

 

[أسيل]

مرحبا اختي وحياج الله بين خواتج ..............

عندي كم سؤال

هل دورتج منتظمه ؟؟

وهل زوجج سليم ؟؟

وعلى فكره ترا طبيعي ما يصير فيه تبويض بنفس المستوى كل شهر يعني مره يرتفع ومره ينزل

 

[AL_Jo0o0RY]

تسلمين يالغاليه ....بصراحه دورتي مب منتضمه واايد بس ماتاخذ بالشهور يعني اذا طولت حدها 15 يوم وزوجي تحاليله سليمه ولله الحمد

 

[AL_Jo0o0RY]

وين اختي اسيل ....ارجوج ردي ترا انا مااعرف في هالسوااالف وااايد ,,,,,,,,,,,اقصد الدوره والتبويييض ,,,,,ياريت تفيديني اذا عندج خبره وشاكرتلج تعاونج.......

 

[أسيل]

اما انج تاكلين القسط الهندي ومواضيعه موجوده بالقسم نفسه او انج تروحين مستشفى رويال حياة اتابعين عند الدكتوره (( حفصه بوعركي )) جدا ممتازه وشاطره في امور العقم وتنظيم الدوره..............وموفقه حبيبتي

 

[أسيل]

دورتج طبعا واضح جدا انها مو منتظمه يعني ان شاءالله مشكلتج جدا بسيييطه روحي لدكتوره اللي ذكرت لج اسمها وتوكلي على الله موفقه يا الغاليه

 

[AL_Jo0o0RY]

مشكوره وماقصرتي ....بس حبيت اسألج القسط الهندي شنو فوايده ....ووين احصله .....معليش تعبتج وياي واايد ...

 

[أسيل]

فوائد القسط الهندي تنظيم الدوره وتنشيط المبايض ومعالجة التكيسات

 

[Snow angel]

اسيل حياتي مو كلهم يناسبهم القسط

حبيبتي جوري الحين ارد عليك بالتفصيل

 

[AL_Jo0o0RY]

تسلميين اختي ....ضيفه سعوديه وماتقصرين .....((((واسئل الله العظيم ربي العرش الكريم ان يفتح ابواب الرزق في وجهك وتنالين مرادك في حياتك))))امييييييييين ياااااااارب.......وعلى فكره انا بعد سعوديه.....ز

 

[Snow angel]

حبيبتي رغم تجربتي الكثيره بأطفال الأنابيب وفشلها والحمدلله صار عندي خبره لهالمبايض

بالبدايات اخذت كلوميد ولا طلبت تحليل من زوجي وصار عندي تكيس مبايض وبعد 3 مرات محاوله بالكلوميد طلع السبب من زوجي عنده الحيوانات المنويه صفر سبحان الله ونحتاج لاطفال انابيب لان زوجي يحتاج لعملية سحب الحيوانات وتخزينهم بالمختبر والحمدلله على كل حال فشلت جميع المحاولات والسبب سبحان الله التكيس صار عندي بسبب الكلوميد المتكرر اخذت الابر المنشطه وصار عندي افراط تبويض يعني بدل لا تصير بالكثير 14 بويضه صار عند فوق 100 بويضه وهذا كله من عمري يعني نقصت 10 سنوات على هالكميه من البويضات تعرفين الانثى تولد ببويضات محدوده العدد ولو اننا بالغرب كان رفعت قضيه على الدكتور ان مو دكتوره حتى اعرف ان هذا غلط وصار عندي استسقاء وتضخم بالمبايض وخليها على رب العالمين كلما تتأخر علي الدوره احسبه خلاص وصلت لسن اليأس من البويضات اللي راحت مني والحمدلله على كل حال قال نعيدها بعد شهرين وعدتها وسبحان الله صار عندي 12 بويضه لكن بوقت العمليه اكتشف انها بويضات فارغه من التبويض وبعد السبب من الدكتور المفروض ما يعيد العمليه الا بعد 6 شهور راحه لكن هم اعيد واقول انا مو دكتوره حتى اعرف الغلط والحمدلله على كل حال

تعذبت كثير لكن خليها على الله

لا تاخذين الكلوميد بشهور متتاليه

حاولي تنتظرين اقل شيء 3 شهور وان شاء الله ربي بيرزقك ويرزقني ويرزق كل محرومه بالذريه الصالحه الباره فينا واللي تنفعنا بعد مماتنا وتدعي لنا

 

[أسيل]

اسيل حياتي مو كلهم يناسبهم القسط

حبيبتي جوري الحين ارد عليك بالتفصيل

مرحبا ضيفه سعوديه ماقلت لنا ليش القسط ما يناسب الكل يعني بغيت افهم ما يناسب اي من الحالات ياليت توضحين

 

[AL_Jo0o0RY]

اهلا اختي اسيل .... اعتقد ضيفه سعوديه تقصد انه حتى لوكان فيه حالتين متشابهه وعطيناهم نفس العلاج احتمال ينفع حاله والحاله الثانيه مايغير فيها شي.....وهذا مجرد راي لااكثر ولا اقل ......ودمتم بخييير

 

[Snow angel]

مرحبا ضيفه سعوديه ماقلت لنا ليش القسط ما يناسب الكل يعني بغيت افهم ما يناسب اي من الحالات ياليت توضحين

هلا حبيبتي

سوالي قرحه بالمعده وبغيت اموت من الالم
مو بس انا كذا وحده ما ناسبها وصديقاتي اتفقنا كلنا نمشي على القسط سبحان الله انا ووحده صار فينا قرحه وثنتين ناسبهم

فيه ناس تتقبل وفيه ناس لا زي اللي عندهم حساسية من اكل معين نفس الشيء العلاجات

تقبلي كلامي بصدر رحب يابعد الدنيا

 

[أسيل]

الف شكر ياقلبي وما قصرتي عل المعلومه انا عن نفسي ما قدرت استمر احس بضيقه مو طبيعيه قبل آكله

 

[Snow angel]

الف شكر ياقلبي وما قصرتي عل المعلومه انا عن نفسي ما قدرت استمر احس بضيقه مو طبيعيه قبل آكله

لا شكر على واجب ياقليبي

لكن اذا كان ما عندك ألام منه مجرد ضيقه فلازم تستمرين عليه لان معناة هذي الاعراض بعد القرايه والاطلاع عن القسط اكتشفت انها علامات الحسد والله اعلم

الله يشفيك ويشفيني ويشفي كل محرومه من الذريه الصالحه

 

[@ Om Ali @]

اذا هالشهر ما صار فيه استجابة ان شاءالله الشهر اللي وراه يصير

واعتقد الشهر الثاني راح تزيد جرعه الابرة

توكلي على الله وكثري من الدعاء والاستغفار والله يرزقج بالذرية الصالحة عاجلا غير اجل يا رب العالمين

ويرزق اختي ضيفة سعودية صج تجربتج حيل قاسية ):


ويرزقنا ويرزق كل محروم

 

[Snow angel]

اذا هالشهر ما صار فيه استجابة ان شاءالله الشهر اللي وراه يصير

واعتقد الشهر الثاني راح تزيد جرعه الابرة

توكلي على الله وكثري من الدعاء والاستغفار والله يرزقج بالذرية الصالحة عاجلا غير اجل يا رب العالمين

ويرزق اختي ضيفة سعودية صج تجربتج حيل قاسية ):


ويرزقنا ويرزق كل محروم

اللهم امين ياقلبي وانا الحمدلله راضيه بقضاء الله وقدره وبعد هالعلاجات الكثيره وقفت وصلت لمرحلة خلاص يكفي اللي راح مني وانا توني 25سنه

 

[*مرامي*]

الله يرزقج حبيبتي

اول شي اذا دورتج مو منتظمه نظميها وتالي يبين معاج التبويض جذي ماكو فايده ابر وحبوب
وسوي تحاليل شامله حق هرموناتج والغدد
انا سبحن الله سويت تحليل حق هرموناتي اول شهر من زواجي مع انها كانت مضبوووووووطه بس تلخبطت علي بيوم الخطبه وبيوم الملجه
يمكن من الخرعه هههههههه ويوم سويت تحليل طلع هرمون الغده النخاميه مأثر على الغده الجار درقيه والثانيه مأثره على تبويض المبيض اليسار وطلع عندي هرمون الحليب مرتفع شوي
والحمدلله ماطولت علاج بس9 اشهر وعلاجي كان بسييييييييط لا ابر ولا شي بس احبوب الاوفاميت والكولوفاج والفولك اسيد وحلمت بس طاح الحمدلله على كل حال