ندآآآآء الى كويتية عسل .. كويتية عسل ..كويتية عسل !!

[oyoon al maha]

السلام عليكم ..


كويتية عسل بغيت ارسلك رسالة خاصة مع الاسف ! انتي مختارة خاصية عدم تلقي رسايل خاصة !

ياقلبي .. عجبني ردج في المواضيع الثانية واحسج وحدة ماتبخل بالمعلومة وتقولها بأدق التفاصيل صج تحبين الخير للكل .. تبارك الله ..

علشان جذي تشجعت أسألك ؟1

انا معدلي منخفض( جيد ) وماقدر اكمل ماستر بجامعة الكويت في تخصص تربوي ,, اقدر اخذ ماستر من جامعة الكويت لكن في تخصص غير تربوي .. بس انا مابي الصراحة :bbbiu:

اشلون اكمل ماستر برا ؟ ووشنو الاجراءات ؟ هل انطر نشرة مثلا ؟ وهل يصير اخذ اجازة دراسية ؟ او يصير اكمل بدون اجازة دراسية ؟ اذا اخذت الشهادة من برا تعترف فيها وزارتي ؟ في جامعات برا تقبل معدل جيد لاكمال الدراسات العليا ؟


والله يعطيج العافية وان شاء الله تشوفين موضوعي .. :eh_s(2)::eh_s(2)::eh_s(2)::eh_s(2):

 

[(كويتيه عسل)]

هلا حبيبي سامحيني عالتأخير

ماادري عن موضوعج توني أشوفه

وخاصية الرسايل :eh_s(2): ماادري عنها ليش جذي ماسويت شي :eh_s(2):

الرد الياي راح يكون بالتفصيل عن أسألتج

 

[(كويتيه عسل)]

كتبلج رد شطوووووله وانمسح :eh_s(2):

انا رديت كتبته مره ثانيه :eh_s(2):

انا معدلي منخفض( جيد ) وماقدر اكمل ماستر بجامعة الكويت في تخصص

تربوي ,, اقدر اخذ ماستر من جامعة الكويت لكن في تخصص غير تربوي .. بس انا مابي
الصراحة :bbbiu:

أعرف أبلات عندهم ماستر ادارة أعمال ووزارة التربية ماعطتهم كادر الماجستير لان تخصصهم الماستر موتربوي

اشلون اكمل ماستر برا ؟ ووشنو الاجراءات ؟ هل انطر نشرة مثلا ؟
وهل يصير اخذ اجازة دراسية ؟ او يصير اكمل بدون اجازة دراسية ؟ اذا اخذت الشهادة من
برا تعترف فيها وزارتي ؟ في جامعات برا تقبل معدل جيد لاكمال الدراسات العليا ؟

اذا تبين تدرسين برا على حساب وزارة التربية سألي السكرتيرة اللي في مدرستج عن النشره كل سنه يرسلولها للمدارس عن شروط البعثات وتاريخ التقديم والاوراق المطلوبه
أو سألي مركز التنمية في الجابريه قسم البعثات عن الشروط والآوراق المطلوبه
واذا يازلج من الحين زهبي أوراقج ونطري تاريخ التقديم

واذا تبين تدرسين بعثه على حساب الوزراة
اهما راح يعطونج اوردي اجازه دراسيه ومدتها 3سنوات يعطونج الراتب الاساسي والعلاوات والكادر والسوالف يخصمونها منج وراح يعطونج فلوس بدل كتب

واذا تبين تدرسين برا على حسابج نفس طريقتي

1- أول شي تروحين التعليم العالي تسألينهم عن الجامعات والتخصصات المعترف فيها لآن في جامعات معترف فيها لكن بعض التخصصات في الجامعه مومعترف فيها وتاخذين اساميهم

2- تدخلين سايت كل جامعه او تسألين طلبه يدرسون في الجامعات اللي انتي تبين تدرسين فيهم واذا في اتحاد طلبه كوييتين في الجامعه هم بيفيدونج وتشوفين وتسألين عن

*شروط القبول
* الاوراق المطلوبه
*نظام الجامعه يعني نظام كورسات او سنوات ..وطبيعة الدراسة ونظام الدرجات..وعدد المواد المطلوبه للتخرج..والكورس الصيفي واللغة المستخدمه في الدراسه عربي او انجليزي والمعدل نظام نقاط ولا نسب... وهالسوالف
*رسوم الدراسه : يعني رسوم التسجيل ورسوم الجامعه في كل كورس ونظام الدفع لان في جامعات عندهم نظام اقساط وفي جامعات اذا كان الطالب متفوق يكافؤونه يدرس سنه كامله ببلاش ولا ياخذون منه ولا فلس وفي جامعات عندهم نظام البكج
* تسألين عن موعد فتح باب التسجيل والقبول

3- تصلين استخاره وتختارين الجامعه

4- تصدقين على شهادتج الثانويه والبكالريوس في وزارة الخارجيه يم الهلال الاحمر في شويخ دوامهم لي 12 وطابع على كل شهادة جنه 10 ماادري 5 دنانير مومتذكره نسيت وتودين شهادتج للسفارة اللي تبين تدرسين فيها يحطون طابع على شهاداتج

5- تتوكلين على الله ووتسافرين تروحين الجامعه تسجلين وتاخذين منهم شهادة القبول من الجامعه

6- تروحين المحلق الثقافي الكويتي في الديره اللي انتي تدرين فيها علشان يختمون عليها على شهادة القبول يعني يسوون لها تصدقين

7- وتسجلين مواد في الجامعه قبل لا تبدا الدراسه

8- تردين الكويت تروحين التعليم العالي تعطينهم شهادة القبول المصدقه من المكتب الثقافي الكويتي انتي عطيهم صورة والاصليه خشيها عندج هالورقه وااااااايد مهمه لان هالورقه تعني ان دراستج معترف فيها في الكويت اذا هالورقه ماسويتيها عقب ماتدرسين وتتخرجين وتاخذين الماستر وتنقعينها وتشرين مايها لان هالورقه واااااااااااااايد مهمه


9- اذا تبين اجازه دراسيه مدتها 3 سنوات
راح يخصمون من راتبج ويعطونج الراتب الااساسي وشي ثاني نسيت شنو

واذا تبين تسوين مثلي تاخذين اجازه 45يوم كل سنه سويي مثل ماكتبت في موضوع اللي سألت عن الاجازه




وأتمنى أكون فدتج انا كتبت كل اللي أعرفه وأي سؤال
ماابي الا الأجر وادعي لي الله يفرج همي