انا راح اقولج طريقتي بالدراسه وتخليني ايب فل ماركس
كل ماده تدرسينها اول باول يعني مثلا امتحانج بعد شهر ابدي من اليوم
طبعا تحتاجين قلم بو اربع الوان و دفتر مال الجامعه الي كل قسم لون كل لون خليه حق ماده
يوم تيين تدرسين اول شي اقري و خططي بالكتاب الاشياء المهمه لا تحفظين اهم شي تركزين بالمهم وتفهمينه
بعدين نقلي المهم و الي خططتيه بالدفتر
و طريقه ممتعه علشان ماتملين جربي الالوان و خلي خطج حلو يعني يعني راس السؤال بلون و النقاط بلونخاولي خلين كل شيمرتب لان هالدفتر بيكون مرجعج
خلصتي نقلتي كل شي مهم خلاص ريحي تعالي بعد يومين نفس العمليه حاولي تخلين كل ماده يومبروحها علشان المعلومات ماتلخبط
اليوم الثاني اقري الكتاب مره ثانيه شوفي في شي يديد و لا لا
اوكي شقي الاوراق القديمه الي كتبتيها
و عيدي كتبي اكل شي الي كتبتيه امس مع اليديد حتن لو مافي شي يديد انتي هني بتلاقين مخج حفظ كل شي لا ارادي
بعدين يوم بتدرسين درسي من الاوراق لا تدرسين من الكتاب لان بالاوراق كل شي مهم و الكمتاب اقري مرور الكرام
اذا لقيتي نفسج بعدج مو ذاك الزود عيدي العمليه مره ثانيه
انا اسوي جذي و تلقائي القا نفسي صامه الكتاب كله
و اذا امتحان ثاني و الكميه القديمه داشه فيه كرري عمليه النقل شقي القديم و نسخي مره ثانيه لين الفاينل تلاقين ان المنهج ايزي و انج صامته تدرسين للفاينل مال بو10 دقايق بس
