شوفي انا اقولج هل بتسوين اكثر من طبق يعني سوي طبق خفيف و طبق رئيسي اقترحلج المعكرونه الصينيه اذا تحبين و موجود رابط الوصفه بتوقيعي
و ااذا تبين وصفه فيها توست انا جربت وصفه من قبل من المنتدى حلوه بس كنت معدله عليها
اول شي تفوحين الدجاجه مع طبعا البصل و الجزر و الزنجبيل و نص طماطه و ورق غار و هيل عدل و فلفل اسود عدل و دارسين عدل و شوية حبة حلوه مع مسمار عدل تفوحين الدجاجه تقريبا ساعه الا ربع و بعدها تنتفينها
و تقصين بصل مفروم و فلفل اخضر بعد مكعبات صغار و كوسا تبشرينها و جزر هم تبشرينه و بطاط هم تبشرينه و مشروم مقصص و ذره اذا حبيتي تحمسين كل هل الخضار مع بعض مع اضافه البهارات عندج (بهارات مخلوطه + شوووووووووية صويا صوص + كزبره بودر + كمون بودر + فلفل أسود و نص مكعب ماجي ) و حطي عليها تقريبا ربع كوب ماي و خليهم ينضجون تقريبا 10 الى 15 دقايق و بعدها ضيفي الدجاج اللي سبق و فحتيه و نتفتيه حلو و هذي الحمسه جاهزه الحييين
بعدين يبي بصل مقصص بشكل دائري و طماط مقصص بشكل دائري ايضا و بطاط ايضا مقصص بشكل دائري و مقلي و حطيه في بايركسج و صبي عليه (ربع كوب ماي مع نص ماجي )
و بعدها
ييبي التوست و قصصي اطرافه و فردي التوسته شوي بالنشابه أو ضغطيها بايدج و حطي شوي من الحشوه اللي اهي حمسة الدجاج على طرفها و لفيها نفس الرول و صفيها بالبايركس فوق البصل و الطماط و البطاط لمن تخلصين كل الكمية اللي عندج
و بعدين حق الصلصه تيبين علبة قشطه و علبة روب و قفشتين جبن قلاص ابيض مع قفشة مايونيز و نص علبة كريمه و قفشه صغيره كتشب مع شوية جبنه موزريلا مبشوره
و صبي الصلصه فوق التوست المصفوف بالبايركس و رشه بسيييطه من الاوريغانو و رشه بسيييطه من السماق وغطيها بالقصدير و دخليها الفرن لمدة ربع ساعه و بعدها شيلي القصدير و خليها تتحمر شويييييه من فوووق و عواااافي تراها حدها حدها لذيييذه
انا جربتها مره بعجينة السمبوسه لذييييييييييذه
و هذي صورة للطبق
وهذي اللي بالتوست بس هني ماكنت حاطة البطاط و البصل و الطماط تحته سيده صفيت التوست و حطيت فوقها الصلصه و ماكنت حاطة ذره
_____________________
طبق اخر
فوحي بطاط و هرسيه مع شوية حليب و شوية زبده و شوية فلفل أسود و ملح و حطيه بقاع البايركس رصيه عدل و بعدين
حمسي اللحم المفروم ( بصل مقصص صغار+ ثوم مدقوق + لحم مفروم + طماط مقصص صغار + بهارات مخلوطه + كمون + كزبره بودره + معجون طمااط شوييييييه + ملح + فلفل أسود ) و حطيه فوق البطاط و بعدها صفي التوست فوقه بعد ما قصصتي اطرافه و حطي فوقه الصوص
عندج اختيارين
الاول ( و هذي اللي انا دايما اسويها )
قشطه + جبن قفلاص + مايونيز + شوية حليب + شوية كريمه + روب
الثاني صلصة الباشميل الصراحه انا اخذ صلصلة الباشميل الجاهزه من كنور و اسويها على حسب المكتوب خلف الظرف
و تصبين الصلصه فوقها اي وحده من الثنتين و تحطين فوقه جبن موزريلا مبشور و تدخلينها الفرن 10 دقايق و بعدها تشغلين الفرن من فوق و تخلينه يتحمر و عواااافي
و هذا هم صوره حق الطبق
وفيي وايد اطباق لذيييذه بالمقبلات و الاطباق الرئيسيه اخذيلج فره شوفي يمكن يعجبج شي
و ان شاء الله اكون افدتج
