وطن Q8 النهار
New member
- إنضم
- 11 فبراير 2009
- المشاركات
- 252
- مستوى التفاعل
- 0
- النقاط
- 0
السلام عليكم
صارلي فتره طويله وانا ابتكلم عن اللي قاعد يصير بالكويت هالايام ابي اتكلم عن اوضاعنا عن حياتنا ابي اعبر عن كل مافقلبي والله اني قعدت اكثر من شهر وانا اعدل بالموضوع اللي بطرحه قعدت اكتب جمله واشيل جمله امسح كلمه واعدل بالثانيه وبعد ما انتهيت من الموضوع كله و قررت انزله بالمنتدى ترددت بآخر لحظه و قررت اني مسحت كل اللي كنت مزهبته ,,
و حبيت اتكلم بشكل عفوي وبدون ترتيب مسبق مثل مايقولون اللي يطلع من القلب يدش القلب
ابي ابين لكم وجهه نظري يمكن ما يكون رايي مهم بالنسبه لكم ويمكن اكون توني صغيره وما افهم فبعض الامور ويمكن اكون غلطانه بس حبيت اوصل لكم صوتنا احنا جيل المستقبل اللي بنشيل الرايه عقبكم
بتكلم بلسان شباب وبنات الكويت من مواليد الغزو واللي بعدهم اللي ابيه منكم انكم تعذروني ع ركاكه الاسلوب وتداخل المواضيع فبعض , يمكن يخونني التعبير او ازل بكلمه فالسموحه منكم مقدما
وللامانه انا ما اجيد تنسيق الجمل المنمقه ولا تصفف الحجي فاسمحولي ادخل دغري بلا مقدمات وحجي فاضي ,,,,
ليش صار حبكم للوطن بمقابل؟ ليش صار همكم بس زياده المعاشات , واسقاط القروض, تطالبون بمنحه, تطالبون بتخفيض اسعار سلع الجمعيات , و حل المجلس ؟؟
ليش تسمحون تفرقون بيننا وبين بعض ؟ هذا شيعي ايراني و هذا بدوي سعودي "اقسم بالله اني ما اقصد انتقص من قدر احد ولكن هذا اللي قاعد يصير واللي يقولونه و الحمدلله فالاسلام مافي فرق بين كويتي وهندي "
انا ولد بطنها وانت ولد ظهرها و هالسوالف الماصخه ولا داخل السور وخارج السور
هذا واحنا ماوصلنا المليون ومقسمينا بدوي وحضري , سني وشيعي , مناطق داخليه و مناطق خارجيه , داخل السور و خارج السور , بعد واللي يعافيكم كملوها بيض وسود !!! مو هذا اللي باجي بس
لا عاد اتخيل اخر اخر شي يقسمونا طويل وقصير هع والله كل شي جاير
والله ع ايام قبل << اللي يسمع عاد كلش حبابه تتكلم مو جنج مواليد الغزو هع والله ماكنا نسمع بهالخرابيط , من طلعت ع الدنيا واحنا ما نفرق بين بدوي و حضري والله اني اتذكر بالمدرسه كانوا يسألوني شصلج ؟ اقول كويتيه قسما بالله ماكنت اعرف عايله وقبيله و مذهب و طائفه << يبا مصدقينج بس خلاص جم مره تحلفين هههه
تعرفون الحين شنو مشكلتنا احنا ابناء المستقبل؟انه محبطين من افعالكم و كلامكم لما نقعد مع اهلنا ونسمع كلامهم عن الوضع السياسي بالديره >> مو جني بديت ابيعها واتكلم بالسياسه !! هع
ما نسمع الا _الكويت عين عذاري تسقي البعيد وخلي القريب_ اللي يقول الحين انتوا كلش عايشين بقرى مثل اللي يمنا ولا ماكو بتموتون يوع ليش ما نقتنع باللي عندنا والله ان الله بيرزقنا ع نياتنا بلا حساب وبلا منه و بيبارك لنا بحلالنا الحمدلله عايشين بنعمه من الله يكفي ان نحط راسنا ونام ونقوم الصبح ومحد يكلمنا <لا صج حلفي بس >يعني يكون صاكتكم باسلوب يبجي انا وراسي هع
لا اتغشمر والله قصدي يعني يكفي ان عايشين بخير و عافيه والله لو انكم بديره ثانيه جان مصبحين ب طراق و ومسيين ب طراق ثاني وتعرفون شقصد ودول خليجيه بعد بس شوفوهم ساكتين وبالعين لسانهم ولا نطقوا بكلمه
واحنا الحمدلله القانون يمشي ع كبيرنا قبل صغيرنا
ليش ما ترضون باللي بايدكم و تحمدون الله ع نعمته علينا والله يا ان عيشتنا ع هالارض تسوى الدنيا و مافيها اقسم بالله لو يبدلونا بكنوز الدنيا حشى ما نختار غيرها حتى لو ننام بالشارع ونموت يوع >> شرايكم بالاسلوب هههه
تذكرون ايام الغزو العراااااقي اعيدها مره الثانيه الغزو العراقي لا يلعبون بعقلكم ويقولون الغزو الصدامي ,, اللي طلعوا برا الديره امانه ما كانت توصلكم فلوسكم و المعونات الغذائيه لباب البيت عندكم (( رحمه الله عليك يا امير القلوب والله يعز ديرتنا حتى واحنا بالغزو ما تخلونا عنا ولا رضوا علينا منة احد قعدنا بكرامتنا و خير حكومتنا ومحد تكرم علينا )) نرجع لمحور حديثنا كنت اقول انكم ساكنين ببيوت و كل شي يوصل لعندكم ومو قاصركم شي الا انكم حسيتوا انكم مشردين ؟؟ وحتى اللقمه عافتها نفسكم ؟؟ تدرون ليش؟؟
لان تراب الكويت عندكم اغلى كنوز الدنيا ؟؟
شاللي تغير الحين؟ شفيكم ؟ شصار لكم ؟ اصحوا يا ناااس اصحوا والله حرام عليكم اللي قاعد تسونه ذبحتونا ... شتتونا بعد شبتسون؟ شباجي ما سويتوا؟ حتى الاهل ما يدرون عن بعضهم الله يرحم ايام قبل شلون كنتوا عايله وحده ع قلب واحد كان الجار ينام و عينه تحرس بيت جاره قبل بيته<<شلون ينام ويحرس البيت هههه عادي طاف طاف
كانوا الجيران عزوه و اهل الكل يحب الخير لغيره و لاطاح صاحبهم قاموا و سندوه بلا منه ولا مقابل
والله اذا سولفتلي جدتي عن ايام قبل و شلون كنتوا ع قلب واحد اني ابجي غصبٍ علي تنزل دموعي
انتوا عشتوا هالايام الحلوه ليش حرمتونا منها ؟
ليش تخلون خلافاتكم الشخصيه تنقلب لاحقاد وكراهيه وعداوه
احنا شذنبنا ؟ نبي نعيش بمحبه نبي نكون ع ايد وحده بني نرجع مثل قبل
كل شي تغير كل شي حتى النفوس تغيرت
واللي يقول ان احنا جيل فاشل و ماعنده هدف للاسف انتوا السبب انتوا اللي مقصرين معانا و اهملتونا
عليكم الله ما فكرتوا بعد عينكم احنا شلون بنعيش؟ شبنسوي؟
تتوقعون إنّا بنمشي على دربكم ؟ بنكمل اللي هدمتوه و بيدنا بندفن اخر ذكريات ايام الستينيات ايام اجدادكم و ابائكم ؟؟
مو هذا اللي تبونه ؟ مو هذا اللي ربيتونا عليه؟؟
لا والف لا ماراح نكون مثلكم
ولا راح نضيع ديرتنا من ايدنا
ولا راح نساوم ع حب الكويت مانبيع ديرتنا ولا نتخلى عنها لو ع قص ارقابنا
والله والله لو نموت جوع
و لو نرد ع ايام الفقر و الشقا ماراح نتخلى عنها
يكفينا ان نكون ع قلب واحد و ايد وحده ومانسمح لاي كان يفرق بينا و البدوي والحضري والسني والشيعي كلنا ايد وحده بنرجع و نبني ديرتنا من جديد
بـ نبني كويت المستقبل
كويت الحب
كويت الامن والسلام
كويت الخير
الكويت امانه وانتوا للاسف ما صنتوها ولا حافظتوا عليها بس احنا راح نثبت لكم انا قد المسؤليه وراح نبني كل اللي هدمتوه و نقول لاجدادنا لا تخافون الكويت ردت عروس الخليج وبنوصلها لعيالنا اللي بنزرع فيهم حب الارض قبل كل شي بنعلمهم ان تراب هالديره يسوى الدنيا ومافيها
بنربيهم ع التسامح و التعاون
بنصنع منهم رجال و بنات يعتمد عليهم وطنا
صدقوني ماراح نكون مثلكم كل واحد همه نفسه وبس
هالكلام اللي قلته موجهه لامهاتنا وابائنا
انا اسفه اذا كنت قاسيه بكلامي او تجاوزت حدود الادب وانا اتكلم معاكم انتوا حسبه امي اعتذر مليون مره واقسم بالله ما اقصد اني اغلط او اقسى عليكم بس ابيكم تسمعونا , تهتمون فينا , تحافظون على كويتنا , لا تتهمونا بان مهملين و ما نتحمل المسؤليه , لا تتهمونا بانا تافهين ما نفكر الا باللعب والطلعات
والله احنا مو جذي , انتوا اللي خليتونا نصير جذي نبيكم تغيرون نظرتكم لنا , ساعدونا , عاونونا علمونا ع حب الارض ,
امانه لاتخلون أي شخص تافهه يغير مبادئكم اللي تعلموتها من اجدادكم وابائكم لا تحبطونا بالازمات السياسيه اللي انتوا تفتعلونها من لا شيء
اثبتوا لنا ان الدنيا بعدها بخير
حطوا ايدكم بايدنا و خلونا نرجع كويت الماضي ونردها عروس الخليج
<< مو جني قرقت وايد ؟؟
اكتفي لحد اهني سامحوني ع الاطاله و اعذروني اذا دخلت الحابل بالنابل مثل ما قلتلكم اني تكلمت بشكل عفوي بلا تعقيد
وابناء جيلي استسمحكم عذرا اني تكلمت بلسانكم و اذا اخطيت فاعذروني
:
:
:
للحين ما انتهيت
فــ للالم بقيه ...
صارلي فتره طويله وانا ابتكلم عن اللي قاعد يصير بالكويت هالايام ابي اتكلم عن اوضاعنا عن حياتنا ابي اعبر عن كل مافقلبي والله اني قعدت اكثر من شهر وانا اعدل بالموضوع اللي بطرحه قعدت اكتب جمله واشيل جمله امسح كلمه واعدل بالثانيه وبعد ما انتهيت من الموضوع كله و قررت انزله بالمنتدى ترددت بآخر لحظه و قررت اني مسحت كل اللي كنت مزهبته ,,
و حبيت اتكلم بشكل عفوي وبدون ترتيب مسبق مثل مايقولون اللي يطلع من القلب يدش القلب
ابي ابين لكم وجهه نظري يمكن ما يكون رايي مهم بالنسبه لكم ويمكن اكون توني صغيره وما افهم فبعض الامور ويمكن اكون غلطانه بس حبيت اوصل لكم صوتنا احنا جيل المستقبل اللي بنشيل الرايه عقبكم
بتكلم بلسان شباب وبنات الكويت من مواليد الغزو واللي بعدهم اللي ابيه منكم انكم تعذروني ع ركاكه الاسلوب وتداخل المواضيع فبعض , يمكن يخونني التعبير او ازل بكلمه فالسموحه منكم مقدما
وللامانه انا ما اجيد تنسيق الجمل المنمقه ولا تصفف الحجي فاسمحولي ادخل دغري بلا مقدمات وحجي فاضي ,,,,
ليش صار حبكم للوطن بمقابل؟ ليش صار همكم بس زياده المعاشات , واسقاط القروض, تطالبون بمنحه, تطالبون بتخفيض اسعار سلع الجمعيات , و حل المجلس ؟؟
ليش تسمحون تفرقون بيننا وبين بعض ؟ هذا شيعي ايراني و هذا بدوي سعودي "اقسم بالله اني ما اقصد انتقص من قدر احد ولكن هذا اللي قاعد يصير واللي يقولونه و الحمدلله فالاسلام مافي فرق بين كويتي وهندي "
انا ولد بطنها وانت ولد ظهرها و هالسوالف الماصخه ولا داخل السور وخارج السور
هذا واحنا ماوصلنا المليون ومقسمينا بدوي وحضري , سني وشيعي , مناطق داخليه و مناطق خارجيه , داخل السور و خارج السور , بعد واللي يعافيكم كملوها بيض وسود !!! مو هذا اللي باجي بس
لا عاد اتخيل اخر اخر شي يقسمونا طويل وقصير هع والله كل شي جاير
والله ع ايام قبل << اللي يسمع عاد كلش حبابه تتكلم مو جنج مواليد الغزو هع والله ماكنا نسمع بهالخرابيط , من طلعت ع الدنيا واحنا ما نفرق بين بدوي و حضري والله اني اتذكر بالمدرسه كانوا يسألوني شصلج ؟ اقول كويتيه قسما بالله ماكنت اعرف عايله وقبيله و مذهب و طائفه << يبا مصدقينج بس خلاص جم مره تحلفين هههه
تعرفون الحين شنو مشكلتنا احنا ابناء المستقبل؟انه محبطين من افعالكم و كلامكم لما نقعد مع اهلنا ونسمع كلامهم عن الوضع السياسي بالديره >> مو جني بديت ابيعها واتكلم بالسياسه !! هع
ما نسمع الا _الكويت عين عذاري تسقي البعيد وخلي القريب_ اللي يقول الحين انتوا كلش عايشين بقرى مثل اللي يمنا ولا ماكو بتموتون يوع ليش ما نقتنع باللي عندنا والله ان الله بيرزقنا ع نياتنا بلا حساب وبلا منه و بيبارك لنا بحلالنا الحمدلله عايشين بنعمه من الله يكفي ان نحط راسنا ونام ونقوم الصبح ومحد يكلمنا <لا صج حلفي بس >يعني يكون صاكتكم باسلوب يبجي انا وراسي هع
لا اتغشمر والله قصدي يعني يكفي ان عايشين بخير و عافيه والله لو انكم بديره ثانيه جان مصبحين ب طراق و ومسيين ب طراق ثاني وتعرفون شقصد ودول خليجيه بعد بس شوفوهم ساكتين وبالعين لسانهم ولا نطقوا بكلمه
واحنا الحمدلله القانون يمشي ع كبيرنا قبل صغيرنا
ليش ما ترضون باللي بايدكم و تحمدون الله ع نعمته علينا والله يا ان عيشتنا ع هالارض تسوى الدنيا و مافيها اقسم بالله لو يبدلونا بكنوز الدنيا حشى ما نختار غيرها حتى لو ننام بالشارع ونموت يوع >> شرايكم بالاسلوب هههه
تذكرون ايام الغزو العراااااقي اعيدها مره الثانيه الغزو العراقي لا يلعبون بعقلكم ويقولون الغزو الصدامي ,, اللي طلعوا برا الديره امانه ما كانت توصلكم فلوسكم و المعونات الغذائيه لباب البيت عندكم (( رحمه الله عليك يا امير القلوب والله يعز ديرتنا حتى واحنا بالغزو ما تخلونا عنا ولا رضوا علينا منة احد قعدنا بكرامتنا و خير حكومتنا ومحد تكرم علينا )) نرجع لمحور حديثنا كنت اقول انكم ساكنين ببيوت و كل شي يوصل لعندكم ومو قاصركم شي الا انكم حسيتوا انكم مشردين ؟؟ وحتى اللقمه عافتها نفسكم ؟؟ تدرون ليش؟؟
لان تراب الكويت عندكم اغلى كنوز الدنيا ؟؟
شاللي تغير الحين؟ شفيكم ؟ شصار لكم ؟ اصحوا يا ناااس اصحوا والله حرام عليكم اللي قاعد تسونه ذبحتونا ... شتتونا بعد شبتسون؟ شباجي ما سويتوا؟ حتى الاهل ما يدرون عن بعضهم الله يرحم ايام قبل شلون كنتوا عايله وحده ع قلب واحد كان الجار ينام و عينه تحرس بيت جاره قبل بيته<<شلون ينام ويحرس البيت هههه عادي طاف طاف
كانوا الجيران عزوه و اهل الكل يحب الخير لغيره و لاطاح صاحبهم قاموا و سندوه بلا منه ولا مقابل
والله اذا سولفتلي جدتي عن ايام قبل و شلون كنتوا ع قلب واحد اني ابجي غصبٍ علي تنزل دموعي
انتوا عشتوا هالايام الحلوه ليش حرمتونا منها ؟
ليش تخلون خلافاتكم الشخصيه تنقلب لاحقاد وكراهيه وعداوه
احنا شذنبنا ؟ نبي نعيش بمحبه نبي نكون ع ايد وحده بني نرجع مثل قبل
كل شي تغير كل شي حتى النفوس تغيرت
واللي يقول ان احنا جيل فاشل و ماعنده هدف للاسف انتوا السبب انتوا اللي مقصرين معانا و اهملتونا
عليكم الله ما فكرتوا بعد عينكم احنا شلون بنعيش؟ شبنسوي؟
تتوقعون إنّا بنمشي على دربكم ؟ بنكمل اللي هدمتوه و بيدنا بندفن اخر ذكريات ايام الستينيات ايام اجدادكم و ابائكم ؟؟
مو هذا اللي تبونه ؟ مو هذا اللي ربيتونا عليه؟؟
لا والف لا ماراح نكون مثلكم
ولا راح نضيع ديرتنا من ايدنا
ولا راح نساوم ع حب الكويت مانبيع ديرتنا ولا نتخلى عنها لو ع قص ارقابنا
والله والله لو نموت جوع
و لو نرد ع ايام الفقر و الشقا ماراح نتخلى عنها
يكفينا ان نكون ع قلب واحد و ايد وحده ومانسمح لاي كان يفرق بينا و البدوي والحضري والسني والشيعي كلنا ايد وحده بنرجع و نبني ديرتنا من جديد
بـ نبني كويت المستقبل
كويت الحب
كويت الامن والسلام
كويت الخير
الكويت امانه وانتوا للاسف ما صنتوها ولا حافظتوا عليها بس احنا راح نثبت لكم انا قد المسؤليه وراح نبني كل اللي هدمتوه و نقول لاجدادنا لا تخافون الكويت ردت عروس الخليج وبنوصلها لعيالنا اللي بنزرع فيهم حب الارض قبل كل شي بنعلمهم ان تراب هالديره يسوى الدنيا ومافيها
بنربيهم ع التسامح و التعاون
بنصنع منهم رجال و بنات يعتمد عليهم وطنا
صدقوني ماراح نكون مثلكم كل واحد همه نفسه وبس
هالكلام اللي قلته موجهه لامهاتنا وابائنا
انا اسفه اذا كنت قاسيه بكلامي او تجاوزت حدود الادب وانا اتكلم معاكم انتوا حسبه امي اعتذر مليون مره واقسم بالله ما اقصد اني اغلط او اقسى عليكم بس ابيكم تسمعونا , تهتمون فينا , تحافظون على كويتنا , لا تتهمونا بان مهملين و ما نتحمل المسؤليه , لا تتهمونا بانا تافهين ما نفكر الا باللعب والطلعات
والله احنا مو جذي , انتوا اللي خليتونا نصير جذي نبيكم تغيرون نظرتكم لنا , ساعدونا , عاونونا علمونا ع حب الارض ,
امانه لاتخلون أي شخص تافهه يغير مبادئكم اللي تعلموتها من اجدادكم وابائكم لا تحبطونا بالازمات السياسيه اللي انتوا تفتعلونها من لا شيء
اثبتوا لنا ان الدنيا بعدها بخير
حطوا ايدكم بايدنا و خلونا نرجع كويت الماضي ونردها عروس الخليج
<< مو جني قرقت وايد ؟؟
اكتفي لحد اهني سامحوني ع الاطاله و اعذروني اذا دخلت الحابل بالنابل مثل ما قلتلكم اني تكلمت بشكل عفوي بلا تعقيد
وابناء جيلي استسمحكم عذرا اني تكلمت بلسانكم و اذا اخطيت فاعذروني
:
:
:
للحين ما انتهيت
فــ للالم بقيه ...
