نتي مع او ضد تشتري شنطة تقليد ماركة

[حلاوة عود]

بسم الله الرحمن الرحيم
بسرعه دشوووا يا عرايس و عجايز وبنات كويتيات
صارت اسعار الجنط الماركة اسعار مبالغ فيه يا كفي معاشاتنا تروح لقروض و اقساط وسفريات
في سنوات الاخير الكل معه جنط ماركة حتي الهيلق في المجمعات معهم جنط ماركة بصراحه كبد الواحد تلووع لما تشوف الكل معه لويس فيتون وهيرمز وشانيل و بربري وهيرمز المهم ماعلينا من اللي فوق

صار التقليد في كل مكان ولا تفرق عن الماركة غير الماركة السعر فووق
بصراحة انتم مع او ضد تشتري جنطة تقليد لماركة ويكفي ماعندنا من قروض و اقساط سيارة ومعاشات الخدم
اول قبل كنت اشتري الجنط الماركة بعد ماطلع التقليد تركت الماركات ورحت يم التقليد اللي مايفرق عن الاصلي
ودي اعرف تشترون جنط تقليد وليش
وصرتوا تكرهون كلمة ماركة بعد الهيلق مابدواء يشترون الماركة

 

[Miss samora]

شنو يعني هيلق ؟ هم بشر أو من كوكب آخر ! ترى هالهيلقية إلي تضحكين عليها ممكن تكون دكتورة أو مهندسة بس الناس أذواق وذوقها بسيط مو ماشية على الموضه بس حرام نغلط على الناس وانا اقط فلوس بس بعقل لأن الشنطة ماراح تكبرني بعين الناس وفلوسي تستاهل أقطها على إلي تستاهل تنقطله ودمتي

 

[ميااااار]

انا مااهتم بالماركه

اللي تعجبني شريتها بسسس بسعر معقول

 

[زقمبية وايد]

اكيد مع شنط التقليد ؟؟؟

هل توجد شنط اصليه بالكويت ؟؟؟؟؟

عندج مجمع الصالحية كله اللي فيه تقليد

ولويس فويتون = كل ماركات مالها فروع عندكم واذا مو مصدقيني دشوا موقع لويس فويتون
وشوفوا اذا لقيتوا اسم الكويت من بين الدول

تعيشون وتاكلون غيرها

 

[Nicki Minaj]

والله كل وحده وامكانياتها ..
في اللي تشتري مآركه وفي اللي تشتري هالشهر تقليد واللي عقبه تشتري جنطه عآديه
عآدي يعني مو شرط !!
وآيد متكلفين اهني الا لاااااااااااازم مآركه !!
عادي ترا برا العموم يآخذ تقليد ..
كيم اللي يانين عليها تلبس تقليد وتمشي ,, أكبر نجوم هوليوود يلبسون تقليد وماركات عآدي يعني الحيآه حلوه وبعدين اختي عيب تقولين هيلق .. كلنا بنآت أدم وحواء

 

[مـلاآآآمح]

على قووله اختي اللي فووق .. مافي ماركات اصليه بالكويت ..!

كل الكويت الحين تشتري تقليد .. لو تقولج اصلي .. ما راح تصدقينها لان مافي اي فرع لاي ماركة جناط اصليه بالكويت


واذا انتي تشوفين الناس هيلق ولا بعض الناس هيلق .. ترا الاذواق تختلف .. مو معنى اني مو مثل ذوقج انا هيليقه

لا مو جذي .. واحيانا الناس تشوفج هيلقيه مثل نظرتج لهم ..!

على العمووم .. نشتري جناط تقليد .. بس بالمعقول ..

لان صراحه فيه تقليد على 100 و120 .. وهي نفسها نفس التقليد بو 20

يعني مافيها فرق .. والاسم واحد تقلييييييييييييييد ..

لحد يقول درجه اولى ولا عاشرة نفس الشي ..

صراحه الفلوس اللي تنقط على هالكماليات بهالمبالغ .. احس ربي راح يحاسبنا عليها ..!

الله يهدينا ويهدي الجميع يارب ..ّ

 

[~ بنت الهدى ~]

شخصياً ماشتري ماركااااااات اصليه .. ميزانيتي ماتسمح لي

اشتري حلوه و سعرها معقول مو الا ماركه


موضوع حلو شكرا عزيزتي

 

[كارلوفي فاري]

بصراحه انا قبل اعطي اهتمام للماركة لكن الحين اقتنعت لو هالشي مميز وفريد من نوعه ماكان تقلد وبدقه فعلشان جذيه ليش اشتري جنطه اشباهها كثير معناته ليش انا دفعت المبلغ هذا عليها فصراحه اذا جنطة تجي منها تقليد مااشتري الاصليه اشتري التقليد اما اذا صادفت جنطه اعجبتني ماركه وما يجي عليها تقليد ليش لا اكيد باخذها واكشخ فيها

 

[Ameeraaaaaa]

اكيد مع شنط التقليد ؟؟؟

هل توجد شنط اصليه بالكويت ؟؟؟؟؟

عندج مجمع الصالحية كله اللي فيه تقليد

ولويس فويتون = كل ماركات مالها فروع عندكم واذا مو مصدقيني دشوا موقع لويس فويتون
وشوفوا اذا لقيتوا اسم الكويت من بين الدول

تعيشون وتاكلون غيرها

السلام عليكم اختي
بقولج عن موضوع لويس فيتون لانه الموضوع انا ساله فيه بنفسي
بالصيف كنت بلندن ورحت سيلفردج محل لويس فيتون عشان اشتري جنطة وسالت مدير المحل بنفسي عن المحل اللي بالكويت اصلي والا تقليد
طلعلي مثل دفتر متين عبارة عن دليل لويس فيتون وقالي
لويس فيتون لهم فرع واحد بمجمع الصالحية وهذا هو الاصلي
بس حبيت افيد
لاني هم كنت سامعه ان لويس فيتون اللي بالكويت تقليد
وشكرا

 

[قفشـه]

هالموضوع بالذات ترا ظاهرة عالميه

حتى باوروبا نفسها في تقليد

بس التقليد يفرق

مثلا جنطة شانيل كانت معورتني بقلبي ابيها

شفتها على وحده شاريتها بـ 5 دنانير @@!!

رحت محل وشفتها بالصدفه عبالي الاصليه من كثر ماتلمع

قالي لا تقليد وب65

بس شنو تسوا ..تحفه عجبتني حيل مع اني مو مع التقليد

الشاهد شنو

انه فعلا التقليد درجات في طبق الاصلي وفي اللي ماتلبسينه حتى خدامتج!

انا عن نفسي مااهتم بالماركه اهتم بالجنطه نفسها لازم تليق بإيديني اللي سوف تحملها

بالمناسبه اسألوا الملياردير السويدي عن سبب تملكه هالثروه قال بعدوا عن شي اسمه ماركه

هذا اللي راح يودركم ويسحب فليساتكم منكم!!

والا بالذمه جنطه قيمتها الف ليش ان شالله مصنوعه من ذهب!! <<هذي الجمله جملتي مو جملته

 

[ĎєνiL.ĞιRL]

انا بصراحه اشوف ان الي ما يقدر يتحمل تكاليف الماركات ..

يشتري جناط عاديه مو اله ذوات تاقات عالميه مشهوره :\ ..

يعني عادي اخذلي جناط من المحلات الي بالافنيو العاديه ..

ولا اني اخذلي جنطه تقليد .. !

لانه ماااا استلطف التقليد كلش واحس فشله .. دام ماني قادره اشتري الاصلي مو اله ..

لانه التقليد لو شنو كان يقولولج طبق الاصل ومادري شنو نفسيا ما ترتاحين ويبين ان مو اصلي ..

وبعدين انتي شلج بالاوادم كيفهم خل يلبسون الي يلبسونه ..

ليش مثلا الكل قام يلبس ماركه معينه انا ما البسها ؟ وانا شعلي منهم البس الي يعجبني ومالي شغل فيهم ..

من راقب الناس مات هما ..

 

[تذكر خافقي رمحك]

اسمحيلي على هالكلام
بس ماعندج سالفة مدبسة روحج بقروض عشان سفريات وماركات
عيشي على قدج بترتاحين
وبالنسبة لي ما أيد التقليد كلش في جناط ماركاتها عادية وبسعر رمزي وشحلوها ​

 

[أميره الدوسري]

عآآتي آهم شي تكون الشنطه خآمتهآ حلوه بغض النظر عن ماركتهآآ:eh_s(22):

وتقليد عن تقليد يفرق وخصوصآآ آن الأصلي غآلي بزيآده وما تستاهل قيمتهآ و مَ يفرق كثير عن التقليد .. لأن بعض التقليد مَ يفرق عن الاصلي :eh_s(15):



طبعآ في نآآس يحسسون بنقص لازم تشتري اصلي وألآ ترى هي مو شي :eh_s(2):



:eh_s(7):

 

[FeShinGoOo]

حبيبتي كل واحد يلبس على قده مو شرط اشتري ماركه اب 1000


في ماركات اسعارها مناسبه على 200 و250 وساعات يسون سيل الجنطه توصل لي 100


انا عن نفسي ماحب التقليد واستحرم اقط فلوسي على تقليد لان الاصلي سعره فيه .. ويبين اصلي ..
واذا زهقتي من الجنطه بعتيها ماتطيح بجبدج .. بس التقليد لا .. الاسعار صايره مبالغ فيها حيل مع انه بالنهايه تقليد ..
ويبين عليها انها مو اصليه

ومو شرط كل شهر تشترين جنطه ..
متى ماصار عندج اشتري واذا ماعندج اشتري جنطه عاديه ترى مو عيب ..
وبعدين ليش هالنظره الدونيه للناس ماتعرفينهم اشدراج انهم هيلق ؟؟؟ وانتي مو معاشرتهم ..؟؟ بس اشكالهم ماعجبتج قلتي هيلق ..؟؟
ترضين احد يقط عليج هالكلمه وانتي ماشيه ..؟؟ ترى الكبر لله وهاذا نوع من الكبر والعياذ بالله لاتطالعين الناس انهم اقل منج .. واعتبريها نصيحه من اخت

 

[MiṦs ♥ fĩẍ]

كل واحد و امكانياته يعني تقدرين تشترين اشتري

بس مو والله اشتري و احط على نفسي ديون و اقساط و حاله

ترى ما فيها شي جناط التقليد عادي مو فشلة و لا عار و لا اللي يلبسونها هيلق على قولتج

واللي تطالع الناس شنو عندهم و تقلد هاذي جدااا سطحية و مو واثقة من روحها

و حتى اللي تقيس الانسان من باب كشخته و الماركات اللي يلبسها تفكير تااافه

 

[ام حنااين]

اشترى اللي يعجبنى ومقتنعه فيه مرات ماركة ومرات لا موماركة

وكل انسان وذوقه.. بفلوسه وكيفه يشترى غالي او رخيص اهو حر محد دافع بداله..

 

[honey lust]

ضد

بالنسبه لي يا اشتري ماركه ولا اشتري جنطه عاديه

 

[(كويتيه عسل)]

الذوق بالاناقه والترتيب وتنسيق الالوان
ولبس اللي يناسب جسمج ويناسب المكان اللي رايحتله

ماله علاقه بالماركات وانا ما البس جناط ماركه

ملابسي الداخليه ماركات وساعتي ماركه

اما الجناط لا ماالبس ماركات

بدال لا اقط فلوسي على جنطه سعرها 3000

بعدين وروح موديلها ومااقدر البسها

اشتريلي جناط موديلات مختلفه والوان مختلفه

واستانس فيهم لكل مكان ومناسبه وحده اتكشخ فيها واستانس فيها

 

[(كويتيه عسل)]

في بنات يشترون جنطه ماركه يكدونها طول السنه

يلبسونها في العزا وفي الاستقبال والسوق والمستشفى والجمعيه والزوارا والبحر ..الخ

انا مااعرف جذي لكل مكان لبسه وجنطته وامل طول السنه البس نفس الجنطه

احب البق وانسق لبسي مع الجنطه اللي تناسب لبسي

 

[MayOumii~]

..

،،

مو شرظ البس ماركة../-:
في محلات عاديه فيها جناط حلوة انا اشتري منهم ... يعني ما احب افسفس فلوس على جنطة ولا جوتي تدرين ليش؟

لان كل ماشوف هالجنطة اتذكر الفقارى الي بالصومال ولا بافريقيا ولا اي مكان واتذكر اشكالهم واذكر شون عايشين واتذكر كلام وحدة يزاها الله خير سولفتلنا عنهم لان راحتلهم وشلون معيشتهم...يعني بدال ماقط فلوس على شي ماراح استفيد منه اررح اتبرع واخذ اجر...لان الجنطة ماراح اتيي وياي بالقبر ((=

اما اذا شي يسوى مثلا جهاز ولا لاب توب ولا شي وسعره غالي وي او معقول هاذا عادي اشتريه لان بستفيد منه مو بس حق التشيحط..((=
مو كل من لبس ماركات صار كلاس و فووق..((=...المهم شي مرتب ولبس راقي وخامه جيده تستر ((=

واصلا الحلو حبو و قام من نومه والشين شين لو لبس احلى هدومه..$؛
وصراحه اعتبرها سطحية الي تحكم على الناس من مظهرهم..((=

..

،،