نبي خبراتكم ... الموجه إنسان محبوب أم مكروه؟؟؟

[قمر الكويتية]

نبي خبراتكم ... ما علاقتك مع التوجيه؟؟؟

أغلب المعلمات تنظر للموجهه أو الموجه بأنه أنسان مكروه؟؟ و زيارته ثقيلة؟؟ شنو السبب؟؟


اشرايكم نتناقش كل وحده تكتب

1 - وجهة نظرك بالتوجيه و خصوصا الموجه المباشر عليها؟؟

2- شنو الاشياء إلى يفتقدها الموجة ليصبح شخص محبوبة وزيارته مرغوبة؟؟

3- الطريقة المثلي التي يمكن للموجة أن يوصل التوجيهات و يتقبلها المعلم بصدر رحب وقناعة؟؟

نبي تفاعل معلماتنا للفائدة
وجزاكم الله خير

و إلى تمر على الموضوع وما تشارك يريت ترفعه الفائدة

:eh_s(17)::eh_s(17)::eh_s(17)::eh_s(17)::eh_s(17):


**************************************


اللهم اغفرلى لوالدي و والد والدي ولمن دخل بيتي مؤمنا و للمؤمنين و المؤمنات

يارب أرحم أمي أبوي ونور قبورهم و اجعل قبورهم روضة من رياض الجنة ​

 

[الجوهرة777]

نبي خبراتكم ... ما علاقتك مع التوجيه؟؟؟

أغلب المعلمات تنظر للموجهه أو الموجه بأنه أنسان مكروه؟؟ و زيارته ثقيلة؟؟ شنو السبب؟؟


اشرايكم نتناقش كل وحده تكتب

1 - وجهة نظرك بالتوجيه و خصوصا الموجه المباشر عليها؟؟

على حسب الموجه في المهضوم وفي اللي ما ينبلع - هالسنه الحمد لله موجهتنا زينه

2- شنو الاشياء إلى يفتقدها الموجة ليصبح شخص محبوبة وزيارته مرغوبة؟؟

الابتسامه - سعة الصدر - التبليغ المسبق بالزيارة

3- الطريقة المثلي التي يمكن للموجة أن يوصل التوجيهات و يتقبلها المعلم بصدر رحب وقناعة؟؟

الابتسامه مفتاح القلوب

انها تقولي ان نقدها لتوجيهي الى طريق السليم وليس( للتصيد)

انها تبلغ بزيارتها قبله بيوم - خلي المعلمه تدري بالزياره وخليها تبدع وتطلع أحسن ما عندها

لأن زيارة الموجه مرة وحده في الكورس

انها تقعد معانا وتعطينا أفكا ر وتعطينا بعض الطرق للتعامل مع التلاميذ وتخلينا نستفيد من خبرتها

وكل الصفات اللي ذكرتها في النقطة الثالثة موجوده في وحده من الموجهات اللي حبيت التعامل معها واستفدت كثير منها وهي


الموجهه شيخه الزعبي << موجهة علوم

نبي تفاعل معلماتنا للفائدة
وجزاكم الله خير

و إلى تمر على الموضوع وما تشارك يريت ترفعه الفائدة

:eh_s(17)::eh_s(17)::eh_s(17)::eh_s(17)::eh_s(17):


**************************************


اللهم اغفرلى لوالدي و والد والدي ولمن دخل بيتي مؤمنا و للمؤمنين و المؤمنات

يارب أرحم أمي أبوي ونور قبورهم و اجعل قبورهم روضة من رياض الجنة ​

خوش موضوع

 

[الجوهرة777]

كل الشكر والتقدير

للموجهه شيخه الزعبي


موجهة علوم في منطقة الأحمدي التعليميه

 

[نماين]

انا مع الاخت الجوهرة

وخاااصة انه المفروض انه يكون للتوجيه وليس التصيد

مرت علي موجهة انقلت كل القسم تخيلوااا وما خلت الا معلمتين مع اننا مدرسة كبيرة

مدري هل كان قصدها انه كل معلمة تدرس 40 حصة

 

[توتي فروتـي]

رد : نبي خبراتكم ... الموجه إنسان محبوب أم مكروه؟؟؟

:eh_s(17):

:eh_s(17):


:eh_s(17):

 

[كارلوفي فاري]

مرحبا صراحة موضوع جيد
الموجهه المفروض من مسماهها انها تعمل على التوجيه لكن هي وظيفتها تقييم ويمكن الاثنين مع بعض
للاسف بعض الموجهات تتخذ من عملها طريقه بالتقليل من عمل المدرسه 000فبالحاله هذي اكيد تكون مكروه
لكن لو استغلت عملها بانها تقدم النصح والارشاد للمعلمه وتعطيها من خبرتها وبنفس الوقت تقدر جهودها المبذوله خصوصا اذا المعلمة مو مقصره ومسويه شغلها على اكمل وجه من تحضير ووسائل ومن اعداد الدرس اما الباقي فيعتمد على قدرات هذه المعلمة ومدى تمكنها لعملها وعامل الخبره له دور ايضا فبالحاله هذي اتوقع الموجهه تصير محبوبه وايضا تعطي للمعلمة الجديده او حتى دافع للمزيد من العطاء

 

[فطووومة]

الله يهداهم الموجهين اغلبهم يدورون عن الاخطاء ولا يتابعون اصلاحها ومنهم يغلطونج هالمرة ويوجهونج والزيارة الثانية يغير كلامه


احس رئيسة القسم اكثر وحده ممكن انها تفيد المعلمة لقربها من المعلمات

 

[اريج الرياض]

رد : نبي خبراتكم ... الموجه إنسان محبوب أم مكروه؟؟؟

اب اب لعيونك

 

[قمر الكويتية]

مرحبا صراحة موضوع جيد
الموجهه المفروض من مسماهها انها تعمل على التوجيه لكن هي وظيفتها تقييم ويمكن الاثنين مع بعض
للاسف بعض الموجهات تتخذ من عملها طريقه بالتقليل من عمل المدرسه 000فبالحاله هذي اكيد تكون مكروه
لكن لو استغلت عملها بانها تقدم النصح والارشاد للمعلمه وتعطيها من خبرتها وبنفس الوقت تقدر جهودها المبذوله خصوصا اذا المعلمة مو مقصره ومسويه شغلها على اكمل وجه من تحضير ووسائل ومن اعداد الدرس اما الباقي فيعتمد على قدرات هذه المعلمة ومدى تمكنها لعملها وعامل الخبره له دور ايضا فبالحاله هذي اتوقع الموجهه تصير محبوبه وايضا تعطي للمعلمة الجديده او حتى دافع للمزيد من العطاء

بارك الله فيك

الصراحة مشاركتك حلوه و تستاهلين هذا الورد :eh_s(17)::eh_s(17)::eh_s(17)::eh_s(17)::eh_s(17):

و أن شاء الله يشاركونا باقي معلماتنا

 

[Miss Cherry]

والله فيه موجهات ينحطون على الجرح يبرا

موجهتنا هالسنة جديدة عسل عسل مهما كان قالت سلبيات تقبلينها اسلوبها يهبل ومتواضعه .. وموجهتنا اللي قبل حسبي الله عليها حتى سلام ماترد على ابونه برستيج على شنو عاد على بالها جذي هيبه مسكينه الكبر لله على شنو شوفة النفس وكانت الادارة تمشيها قالوا س من المدرسات غيابه وفيها وفيها لو انها ماشافت عليها شي خلاص تاخذ منها موقف وتكرهها والعكس صحيح ..

انا بس اقول التوجيه المفروض مايكون القصد منه يدورون السلبيات على المدرس يعني تدخل عشان تطلع غلطه ولو تشوف هالغلطه بالدرس خلت الزين كله وركزت على هالغلطه .. ودنا يكون دورهم اكثر من تصحيح الغلط

 

[قمر الكويتية]

جزاكم الله خير على المرور

 

[جـمـان]

يعتمد على الموجهه نفسها , فيه موجهات اسلوبهم وايد حلو و يشجعون المدرسه
تحسين انها تبي تفيدج واهي تعطيج السلبيه , و تواضعها اهم ميـزه الي تخليها محبـوبه
بس لما تي موجهه غلجه وتدور الزله لا هذه الي تصير مكروه و ثقيله , وايد موجهات يشوفون روحهم
ويحسبون روحهم انهم التوب و يذلون الابله على الغلطه جنها مو انسانه .

 

[قمر الكويتية]

صح كلامك لأن في موجهات لازالو يعملون بالمسمي القديم وهو مسمي ( المفتش ـ و التفتيش ) علشان جذيه يتعبون المعلمات إلي يوجهون عليهم

جزاك الله خير ( جمان ) مشاركتك حلو

 

[قمر الكويتية]

رفع

 

[نسمه بارده]

الله لايبلانا ويرفع عنها شرعقدهم وجهلهم
للاسف اتخذو من التوجيه فرصه لممارسه وتنفيس عن مايجول في انفسهم وكل اناء بما فيه ينضح ولو صادف ان المعلمه قويه وتعرف حقوقها تعاقب علي طول بنقل او ندب او حتي تخفيض تقرير بالاتفاق مع الاداره للاسف الضمير قليل الا مارحم ربي اتكلم من واقع خبره شفت وايد في التربيه

 

[قمر الكويتية]

نسمه بارد
جزاك الله خير على المرور

المشكله في بعض الموجهات ما حطو في بالهم ،، لو دامت لغيرك ما و صلت إليك

و البعض صج ينحط على الجرح يبرى ،، و البعض الآخر بسبب منصبهم يعتقدون إن الدنيا دايمه لهم

 

[كل شيء عادي]

المشكله في بعض الموجهات وليس الكل
أنهم مثل الذباب لا تقع عينه إلى على كل ما هو سيئ
يعني مثلا الحصه فيها 99 إيجابه و 1 سلبيه
ما تركز وتتكلم تتناقش إلى على السلبيه الوحده
وتتناسى لـ99 إيجابيه

 

[قمر الكويتية]

ياما بالتربية ناس مظلومين

 

[gorasm]

مكروووووووه والبنات ماقصروا كفوا ووفوا(مالي خلق أشرح كفايه علي المدرسه)

إذا ببلش ماراح أخلص

 

[دمعة بتول]

الموجهات المفروض يتقربون من المعلمات اكثر

بدال التجريح والتحبيط لأن هالشي ممكن يكون سبب في ترك المهنه او كراهيتها