نبي تجمع حق الي ودهم يأسسون عيالهم الي تبي تفيد وتستفيد ادش

[غلاي عزوزي]

السلام عليكم


الكل وده يأسس عياله بالاول ويرتاح بعدين

لانه الاساس بالدراسه والنجاح التأسيس من الصغر


انا عندي ولد واحد
من يبته
احاتي مستقبله ودراسته


دخلته يوم كمل ال 3 سنين حضانة كيفان النموذجيه

عقب الفراره والسؤال والحث استقريت عليها
لانها قريبه من دوامي


تهبل وماعليها حجي

دخلها 3 شهور حفظ جم اياه ونشيد واستفاد حيل ولانه الفتره قصيره اتوقع لو طول زياده جان استفاد وتعلم اكثر



خلصنا من الحضانه

دورت وحست السبع حوسات


علي مدرسة خاصه

سجلته الباكستانيه
دفعت
اخترعت من العسكريه الي داخل الصفوف ووصاخه المكان والمنبي المهدم

مايسوا ولدي الوحيد اطيح عليه الطوفه


صج عذاب مع انه رفيجتي سجلت بنتها معاي وكملت وحيل شاطره بس البنت تعبانه من الدراسه وماتهنت بطفولتها


المهم رحت الابداع
الرؤية حامض علي بوزي لازم واسطه او عنده اخوان بالمدرسه

شلون واهو وحيد ماعنده اخوان


المهم سجلته بالقطوف اولي روضه

روضتهم حيل عاديه ما استفاد ولا شي غير التبهذل بزحمة حولي
راح ثانيه روضه حكومه مبني يهبل وكشخه بس المنهج ولا شي يعني روحته بهالبرد حسافه
الحين اولي ابتدائي السنه اليايه

قاعده اسسه فالبيت شويه
ودخلته القاعده الحلبيه
تعليم بطئ وفردي يعني الماده ساعه كامله الابله تقعد مع الياهل 5 دقايق وبعدين شيسوي مادري؟


الحين بدخله مدرسه خاصه
قالو كيمبرج شلون نظام بريطاني وصعب مراح يمشي الولد مو متأسس
وانا مدخلته ناديهم بالصيف الصفوف سرداب وموت حر والحاله حاله المبني قديم ومدعوس بحولي تعالي فكي عمرج لادشيتي
الابداع لازم متأسس عندنا والا مانقبله

الرؤيه اخوان بالمدرسه والا واسطه شسوي؟

قلت ادخله حكومه قريبه ويمنا وأسسه
شرايكم؟
نبي تجمع مو كل يوم ادش وحده تسأل تبي اي شي عن التأسيس ويالله ترد عليه وحده ثنتين

الي نفس الحاله
ادش تقول رايها وتصف معاي

والا مجربه تفيدنا الله يوفق عيالها

والا عندها ارقام مدرسات تأسيس او معاهد تقول ربي يجزاها الخير
والشرفات همتهم معانا ربي يخليهم ويخلي عيالهم

​

 

[on line]

الله يعينج احسج ضايعه معاه شوفي اختي انتي موعرفه شتسوين معاه واذا تبين خاص تري في خاص ثنائيه وفي انجليزيه بحته وانا ملاحظه اغلب الامهات يشكون من صعوبه المناهج والواجبات بالخاص وخاصه بالانجليزي لان انجليزيتهم ضعيفه وفوق اقساط المدرسه قاعد يدفعون للمدرسين الخصوصين
بس كبئيه تعلميه طبعا الخاص احسن لان بيئه جاذبه والتعامل حلو مع الطلبه
نجي للحكومه لازم متابعه من البيت علي طول خاصه بالمراحل الاولي ولو تجيبين له مدرسه بالبيت تاسسه انجليزي وعربي عدل بتضمنين ان شاء الله تفوقه
وبالنسبه للمعاهد
انا اكثر وحده افتريت عليهم
واكتشفت العيب
واللي اهو
عيالنا لمن يكونون في قروبات بالفصل يقعدون يلعبون ويسولفون بالحصه ولا يستفيدون عشان جذي افضل تجيبين له مدرسه خاصه وقدام عينج
هذا الي حبيت افيدج فيه من خلال تجربتي
بس لاتغلطين وادخلينه خاصه وتالي اطلعينه حكومه تري اعرف ناس شكثر عانوا من هالشغله خاصه لمن تكون الدراسه كلها بالانجليزي
وبالتوفيق اختي

 

[حروف من ذهب*]

حبيبتي انا من الناس الي دخلت عيالي خاصه بس الصراحه دراستهم صعبه وبكل المواد هذا غير الواجبات وانا توهقت معاهم الصراحه انا ماني شاطره بلتأسيس وتوهقت وياما جبت لهم مدرسين وقط فلوس على الفاظي ونقلتهم السنه هذي حكومه صرت انا ادرسهم وافهمهم ومستواهم زين واجباتهم اقل بوايد من الخاصه الصراحه ارتحت من الحكومه
واهم شي اعيالي ارتاحو ومستانسين لان يشوفون عيال جيرانا في المدرسه

 

[moltencake]

انا بعد موعارفه شلون اسس ولدي حق الابتدائي, ولدي الحين ثانيه روضه.
انا من مخططاتي اني ادخله القاعده الحلبيه او الشاميه ماادري شنو الفرق بس ناس تمدح و ناس تذم فصرت متردد ادخله او لا.
بالنسبه اني ايبله مدرس او مدرسه في البيت فكرت فيها بس احس اذا درس بره البيت يتقبل اكثر من داخل البيت و علشان ما يمل و بعد علشان ما يكره الدراسه و يصير ضغط عليه.
و بعد ودي القاله مكان في دراسه و لعب نفس الوقت.

يلا انا ناطره تجربتج مع القاعده الحلبيه ان شاء الله يستفيد منها ولدج

 

[غلاي عزوزي]

الله يعينج احسج ضايعه معاه شوفي اختي انتي موعرفه شتسوين معاه واذا تبين خاص تري في خاص ثنائيه وفي انجليزيه بحته وانا ملاحظه اغلب الامهات يشكون من صعوبه المناهج والواجبات بالخاص وخاصه بالانجليزي لان انجليزيتهم ضعيفه وفوق اقساط المدرسه قاعد يدفعون للمدرسين الخصوصين
بس كبئيه تعلميه طبعا الخاص احسن لان بيئه جاذبه والتعامل حلو مع الطلبه
نجي للحكومه لازم متابعه من البيت علي طول خاصه بالمراحل الاولي ولو تجيبين له مدرسه بالبيت تاسسه انجليزي وعربي عدل بتضمنين ان شاء الله تفوقه
وبالنسبه للمعاهد
انا اكثر وحده افتريت عليهم
واكتشفت العيب
واللي اهو
عيالنا لمن يكونون في قروبات بالفصل يقعدون يلعبون ويسولفون بالحصه ولا يستفيدون عشان جذي افضل تجيبين له مدرسه خاصه وقدام عينج
هذا الي حبيت افيدج فيه من خلال تجربتي
بس لاتغلطين وادخلينه خاصه وتالي اطلعينه حكومه تري اعرف ناس شكثر عانوا من هالشغله خاصه لمن تكون الدراسه كلها بالانجليزي
وبالتوفيق اختي

تسلمين ياحبيبتي عالرد الحلو والمفيد بصراحه عجبني كلامج

وصج كلامج انا متردده بالخاص مادري ليش مو مرتاحه احس اني مراح اكمل معاهم واهلي اذبحوني كله ولد واحد عيزانه تدفعين وانتي وريلج فلوس؟
السالفه مو سالفة فلوس كله اميه بالشهر اتدبر حق ياهل واحد المشكله الضغط والشده بالواجبات

مع انه مدرسين الخاص اشطر واحسن الف مره من الحكومه ويعطون بضمير ويهتمون بالطفل وتعليمه

الله المستعان

 

[غلاي عزوزي]

حبيبتي انا من الناس الي دخلت عيالي خاصه بس الصراحه دراستهم صعبه وبكل المواد هذا غير الواجبات وانا توهقت معاهم الصراحه انا ماني شاطره بلتأسيس وتوهقت وياما جبت لهم مدرسين وقط فلوس على الفاظي ونقلتهم السنه هذي حكومه صرت انا ادرسهم وافهمهم ومستواهم زين واجباتهم اقل بوايد من الخاصه الصراحه ارتحت من الحكومه
واهم شي اعيالي ارتاحو ومستانسين لان يشوفون عيال جيرانا في المدرسه

شفني هذا الي خايفه منه اني ادخله خاص واتوهق واضيع الولد معاي
مشكوره علي طرحج لتجربتج وزالله يوفق عيالج يارب

 

[غلاي عزوزي]

انا بعد موعارفه شلون اسس ولدي حق الابتدائي, ولدي الحين ثانيه روضه.
انا من مخططاتي اني ادخله القاعده الحلبيه او الشاميه ماادري شنو الفرق بس ناس تمدح و ناس تذم فصرت متردد ادخله او لا.
بالنسبه اني ايبله مدرس او مدرسه في البيت فكرت فيها بس احس اذا درس بره البيت يتقبل اكثر من داخل البيت و علشان ما يمل و بعد علشان ما يكره الدراسه و يصير ضغط عليه.
و بعد ودي القاله مكان في دراسه و لعب نفس الوقت.

يلا انا ناطره تجربتج مع القاعده الحلبيه ان شاء الله يستفيد منها ولدج

انا ذكرت بموضوع ثاني تجربتي مع القاعده اهم زينيين الشي الوحيد الي حسيته انهن الولد يلتزم معاهم ومعاج طبعا دلع ماله خلق يدرس

بس تدرين اني ادرسه اكثر منهم

اهم نظامهم كل ماده ساعه الولد ياخذ منهم 5 دقايق بس الابله تقعد معاه وعقب تعطيه تمرين وبس يعني كل طفل بالصف له 5 دقايق

احس تعليمهم بطئ ويمشون بشكل حيل بطئ والطفل ماياخذ حقه كلش انا اشتريتله كتاب انجليزي وعربي مستوي اول وتوهقت لازمك التزم معاهم مادري ماحبيت طريقتهم

 

[سيدة الكويت]

غلاى عزوزى شلونج

تدرين القاعده الحلبيه زينه بس يبى لها استمرار مو اقل من 6 شهور ويعتمد على المكان والمدرسه الى تشرح

امدحوا حمزه الخياط ممكن تدخلين ولدج عندهم يتأسس

 

[الفرسان الثلاثة]

انا مدخلة ولدي القاعدة الحلبية صج ان تعليمهم بطيء بس مفيد لانهم ما ينتقلون للمعلومة الثانية الا لما يتأكدون ان اليلها حافظ و يتقن المعلومه وصج يبيله استمرار و متابعة و اهما عبارة عن ثلاث كتب و الكتاب الواحد ياخذ وقت حسب استيعاب الطالب يعني تقدرين اتقولين شهرين للكناب الواحد و لا حظت ان الصف لما يكون فيه اكثر من طالب يقومون يسمعون بعض يعني اتشوفينه يحفظ من ربعه إللي معاه و ابصراحة انا اشوفه كمنهج مفيد جدا بس يحتاج صبر و متابعة

 

[سيدة الكويت]

اختى الفرسان وين مدخله عيالج اى قاعده حلبيه

 

[غلاي عزوزي]

ادري انه تعليمهم بطئ بس احس الياهل ماياخذ حقه الحين ولدي اشتراكه بيخلص اخر الشهر وليما الحين الكتاب بس صفحتين يعني حرفين واحس تمارينهم مو قويه
يعني الحرف الي خذاه عندهم ياسبوعين انا حفظته اياه بيومين وهذي حالتنا ادفع فلوس علي حرف حرفين بالشهر




اليوم ولدي يبجي مايبي الانجليزي ليش موراضي يقول


امكن من الابله

لاني احس ضغط عليهم بالصف وصاير زحمه

والتوصيل يهد الحيل شلون بتحمل شهور


تصدقون قاعده اسسه فالبيت وايد استفاد مني اكثر من الابلات

اشتريت كتب تعليم الارقام والاحرف عربيون يعني تحفظينه الرقم يحطولج تمرين عليه واخر الكتاب صفحه للستكرزات الي تعلمه من حرف يشيل صورة الحرف والرسمه الي تعبر عنه ويرد لصفحة الحرف يلصقهم ويكمل الصوره يعني الف رسمه اسد ووايد اشياء يروح الصفحه الاخير مالت الاستيكرز ويشيل ويلصق

واشتريت اقلام ودفاتر فاضيه وادرسه فالبيت وايد احسن ومفكره بالعطله تييله ابله الصبح تأسسه كل المواد هذا اذا لقيت والعصر نادي يستانس فيه وبس

وودي اخذ كتب اولي ابتدائي لقيت عند اختي بس كمو المنهج اليديد بس ينفعون

 

[غلاي عزوزي]

رفع

 

[mooomooo]

انا نفسج ولدي العود ماكو مدرسه ولا حضانه دش فيها

بس تبين الصراحه ماكو على الباكستانيه لاني ولدي دخلته اولى وثانيه روضه وصج تأسيس <--- ابله روضة

يعني عيالي الباجي دخلتهم معاي الحكومه وبصراحه يروح ابتدائي اي شي مافي تأسيس بصراحه الود دنا احنا كابلات نأسس بس شنسوي هذي المناهج

الحين مفكره ادخل عيالي كلهم من شهر 2 القاعده الحلبيه بس عربي ولدي العود 3 ابتدائي
بنتي اولى ابتدائي
ولدي الصغير اولى روضه

وابي تأسيس انقليزي احتمال بالصيف ادخلهم معهد
ربي يقدرني عليهم

 

[سيدة الكويت]

رفع

 

[القرآن ربيع قلبي]

شوفي عزيزتي اذا عندج قدره ماديه لا تقارنين المدارس الخاصه الجيده واكرر الجيده بالمدارس الحكوميه لااااااااااااااااا تقارن
ماعندج غير هالولد استثمري فيه بالتعليم اهم شي التعليم
والرؤيا عادي لاصعبه ولا شي بس شنو سجلي اول شي اتوقع اول شهر فبراير او نصه لا تنسين سجليه
اذا تبين تاسيس عربي الحلبيه ماتنفع مع اني ماجربتها بس اشوف عيال اختي ويبي لهم استمراااااااااار دخليه عند حمزة الخياط صج تاسيس عربي صح
اما الانجليزي يبي له اول باول وموفقه والله يخلي لج ولدج ويبلغج فيه