نبي تجاربكم بنات شنو استخدمتي لشعرك وكان حلو او كان سئ

[Alesar]

السلام عليكم بنات
الشعر الشعر الشعر
الشغل الشاغل لكل بنت الشعر تاج جمال المرأة:bbbiu: وكلنا من نعومة اظافرنا اول اهتمام واول حب للبنية شعرها:hearting:

تبي حركات شباصات تبي تسوي استشوار شوي شوي ابي فير ابي سبري حركات للشعر ابي اصبغ
هايلايت لولايت حركات قصات حلوة


وبعدين هبينا بالكيراتين والريلاكس والريبوند الفلبيني واليوكو والدايموند وشوي نبي ميريام فارس بيرم

شوي زهقت من الصبغ بحط حني شنو احلى خلطة بالشاي ولا النسكافيه شنو اضيف للحنة جم مرة اسويها اي نوع يميني ولا سعودي ولا الجاهز بالكياس

يا وليلي الشعر طاح :eh_s(11)::eh_s(11):
شنو اسوي سدر ولا زيت ولا احطلي جرجير وخلطات :RoadRunner:لحقوي علي وساعدوني

المهم هذا حالنا احنا البنات من يوم الي اطلعو هالشعرتين واحنا هادا حالنا :denya::denya:


المهم خلنا الحين انسجل تجارنا عن الشعر وعلاجاته وكل ما يخصه شنو الي جربتيه وكان زين ويهبل وتنصحين البنات فيه وشنو الي ما فادك او كانت نتيجته عادية وراحت بعد فترة قصيرة

هالله هالله بالمشاركات :ggdw:

 

[toota ali]

مافي احسن من الحنه مع سدر وخلطة زيوت وعشبة الياس روووعه
وزيت البراشوت وايد حلوو

اما اسوأ شي زيت دبر املا وييييييييييييع ريييييحه ولوووعه ومااا منها فااااايده

ويسلمووو عالموضوع

 

[Alesar]

مشكورة حبيبتي شرفني حضورك
جربتي زيت جدايل مال القرشي
بما انك اختصاص خلطات وزيوت

 

[خلطات المذهله]

انا لي سنوات ثابته علي خلطه التكثيف والتطويل الخاصه فيني والحمدلله مرتاحه عليها
شخصيا استخدم زيت السمسم لبناتي الصغار لحد عمر 12 سنه

 

[toota ali]

زيت جدايل استعملت الاحمر لتطويل الشعر بس ما عجبني
وقالولي لازم تستعملين المجموعه كامله بس للاسف مالي خلق

 

[Miss -coola]

انا الصراحه اللي فادني ولاراح استغني عنه شامبو (Miss angl) كلمة روعه شويه عليه (يكثف-يوقف التساقط-لمعه موطبيعيه -وشعرج يصير صحي فرش فرش لووول)

 

[Alesar]

زيت جدايل استعملت الاحمر لتطويل الشعر بس ما عجبني
وقالولي لازم تستعملين المجموعه كامله بس للاسف مالي خلق

طيب وشلون على ريحته حلوة ولا خياس
:rgewrg:

 

[Alesar]

انا الصراحه اللي فادني ولاراح استغني عنه شامبو (miss angl) كلمة روعه شويه عليه (يكثف-يوقف التساقط-لمعه موطبيعيه -وشعرج يصير صحي فرش فرش لووول)

هاذي شنو عضوة ويانا ولا ماركة تاخذينها من بره

 

[مررررايم]

انا استخدم شامبو وتونيك كامينو موتو مقوي للشعر يمنع التساقط ووايد ارتاح شعري معه

 

[Lovely_R]

اب اب

 

[بنت الاحلام]

الحنه والسدر والزيت احلي شي للشعر

 

[Miss -coola]

لوووووول لا اهيا عضوه ويانا تبيع زيت وشامبو واسم الشامبو والزيت(Miss angl) على اسمها وهاذا رابط الشامبو اذا حابه تسوينه بنفسج
http://www.q8yat.com/t1003640.html
وهالبنت بروحها عسسسسسل~*

 

[Alesar]

حلو التفاعل يالله نبي تجارب الريلاكس والكيراتين

 

[Alesar]

يالله بنات وين تجاربكم
احد استعمل حبوب هير فت للشعر
انا استعملتها بعد الولادة حلوة بس حسيت ان وزني ما قام ينزل يمكن منها مادري

 

[Alesar]

وينكم بشنو لاهين

 

[اهذريبك~]

خلطة زيوت حيادر و حنا مع سدر و حبوب تقوي الشعر وبث

و داش ابالي استخدم شامبو مس انجل

 

[om-7asson]

انا سويت كيراتين مرتين وطيح شعري كله تقريباً
بقى ربع شعري
الحمدلله على كل حال
اهوا ليلحين يطيح بس قررت اني ما العب فيه بعد كلش
بحط زيوت مثل زيت اللوز وزيت الاس و زيت الجرجير وهالسوالف الطبيعية
و ودي اجرب السدر بس ماني عارفة طريقته بالضبط
يا ليت اللي تعرف تفيدني
ومشكوووووورييييين

 

[Alesar]

حلو نبي تفاعل اكثر شي غير الخلطات والحن والسدر

 

[كريستال]

اب اب

 

[Alesar]

لاهين بالفطور والصيام ولا مسافرين البنات يالله نبي تجاربكم