نبيها ارقى!

[+بسبوسة+]

السلام عليكم


تعبنا من ألفاظ السياسين في الكويت

نختلف نعم... لكن لا نخطأ

اكثر فئة في الكويت هم الشباب والان هم يتربون على الالفاظ العجيبة التي نسمعها كل يوم

لن اقول الالفاظ ولا هل هي من نواب او وزراء

للنتقد ولندافع و لكن بأسلوب ورقي

اشرايكم نسوي حملة في الكويت نداء لكل السياسين ( نبيها ارقى) نبي حوارات ارقى

العالم كله يطالعنا... والله صديقاتي في بعض دول الخليج يتندرون على الالفاظ التي تنقل عن سياسينا...

لنقل لهم

نعم انتقدوا و حاسبوا ودافعوا........لكن ارجوكم اختاروا الفاظكم

الشعب الكويتي يستحق حوار ارقى.......

رجائا خواتي انا هني ما اقصد اني اوافق او ارفض آراء معينة
بهالموضوع ارفض شي واحد الالفاظ السيئة
والالقاب العجيبة الغريبة...


فما رأيكم؟؟


طلب واحد اطلبه........ تحاشي في ردج تكتبين اي اسم لاي سياسي او كاتب
حتى لا يتغير مجرى الموضوع...لان الكويت فعلا تستحق حوار ارقى

هذا الموضوع للتهدئة بليز

 

[مطيرية متواضعة]

شلون تبين الشباب يفهم ويحترم حالة

ونواب الازعاج مناقضين نفسهم

الطبطبائي ينصح الاسلامين في مصر بالتهدئة والحواار والكلام الطيب

وهني بالكويت مانشوفة الا كانة في حلبة مصارعة كلة تشكيك وتخوين للأخر




.
​

 

[كويتية بروما]

ياريت نرتقي بالاسلوب والفكر
شكرا

 

[اخت واختها]

اى والله عدل كلامج

شكثر مفردات قذره تعلمتها من نوابنا الافاضل @@

 

[وطـن الاحـرآر]

شلون بتكون ارقى و في عضوتين شايلين الكره بقلوبهم
انزين اذا انتو مو عاجبكم الطبطبائي لا تقعدون تسبونه و تتهمونه
في نواب شكثر عندي ما اواطنهم بس ما كتبت عنهم مواضيع
و الي كاتبة مقالة نبيل الفضل هذا بروحه مدرسة للكلام القذر و البذيء
و تقبلو رايي



نـــــــــــــــــــــــــــــــــــع'م نبيهـــــــــــــــــأأأ أرقــــى

 

[ياقوته (^_^)]

للأسف في فئه من الناس متعصبين ما عندهم استعداد انهم يترقون ويسمعون كلامج .

 

[تذكر خافقي رمحك]

للأسف
ان واجهة الشعب الكويتي
ألفاظهم وأسلوبهم إكسسسس

 

[شيماء المطيري]

آنا كله وهالنائب اللي كلمة انبطاحيين عالقة بلسانه آنا أقول لو يطلع من المجلس جان هدت النفوس أحس واحد يشيش الثاني وجنهم بمسابقة منو يقدم استجواب أول ومنو أكثر واحد يصارخ ويهدد---تحياتي عزيزتي

 

[نور مغليها]

شلون تبين الشباب يفهم ويحترم حالة ​

ونواب الازعاج مناقضين نفسهم​

الطبطبائي ينصح الاسلامين في مصر بالتهدئة والحواار والكلام الطيب ​

وهني بالكويت مانشوفة الا كانة في حلبة مصارعة كلة تشكيك وتخوين للأخر ​

.​

الموضوع اسمه || نبيها ارقى ||
إرتقي في كلآمج ولا تجيبين طاري الرجال
ولا هذا ارقى شي عندج :eh_s(10):