نبى تصويتكم ورايكم يهمنا

[حصيصه ام قصيصه]

بنات شرايكم نبي ركن لعمليات التجميل من شفط ونفخ وغمازات ورفع حواجب وتكبير وتصغير وكل وحده تحط تجربتها عند منو سوت وبكم واستفادت ولا لا ونبى حتى اللي مسوين بلبنان او ايران او الامارات او اى مكان تذكر العنوان والاسم تكفون وياليت يثبت علشان يسهل علينا البحث ونستفيد بس الامانه تقولين العيوب والمحاسن للعمليات وشنو المضاعفات اللي شفتيها شرايكم ويبدا التصويت

 

[cute-q8cat]

لا حــول ولا قــوة الا باللـــه
يا بــنــات العمليات حــــــــرام وما يجــــوز...
لي هالدرجه صارت العمليات شي عادي!!!

 

[حصيصه ام قصيصه]

ارجو اللي تدخل تشارك فقط بتجربتها

 

[مريوما الحلوه]

أنا معاج بس أبي تجارب مثلا التقشير والفلير والبوتكس والاسنان وجذي اما العمليات الكبيره انا اخاف - وانا مع الشفط او الشد عقب الولاده

اما عن البوتكس مره وحده بدار شفا قبل 6 اشهر كان حلو وطبيعي حق الجبهه حق امي طبعا

 

[нάγoηά cнεмίsтяγ]

خوش فكـرة آنا ويـاج رايج حلـو:friends:
لأن صار اختلاط بالمواضيـع بهالقسم وايد . .
و أفضـل عزل مواضيع التجميل عن مواضيع الأمراض والعمليـات العلاجيـه الثانيـه
:icon30:

 

[حصيصه ام قصيصه]

وينهم امهات العمليات ترى محد بيدري اكتبو بس التجربه وماقصرتى ياسمره علشان ندخل على طول بدل الحوسه والبحث يالله يابنات شاركو والله لادعيلكم

 

[ii DareeN ii]

ساعات يكون التجميل شر لابد منه انا ماقصد التغير في خلقه الخالق واني اسوي شي مو بعازته بس في عمليات تجميليه ضروريه انا اعرف بنات كان ضروري يسون عمليه تصغير لصدر لدواعي طبيه ومشاء الله العمليه نجحت ومثلها عمليات الشفط والتخسيس وهم المفتين اجازو عمليات التجميل في حالات التشوه يعني لاندش وسيده نقول حرام في ساعات التجميل يكون ضروري ومباح

 

[حصيصه ام قصيصه]

والله التجميل شر لابد منه فى هالوقت هذا لان رياييلنا يشوفون اللي بره ويجون يحطون الحره فينا بس لما نصير احلا منهم صدقيني راح يلزقون ولا يفكون واللى تعتبر حرام التجميل لاتفتين احتفظى برايك لنفسك احنا نعرف شنو نسوي بس يا مشرفه تكفين ولا عليك امر نبى ملف الجمال يسهل علينا البحث امانه لاتبخلون علينا

 

[فيلجاويه_عسل]

أنا معاج تبي قسم تجميل

 

[حصيصه ام قصيصه]

لا باسميه ملف الجمال او ركن الجمال بس المشرفه ولا الاداره معطينا وجه