نبـــــــي نكووون ربــــــــات بيـــــــــــــوت

[زينبو]

السلام عليكم

بناات شلووونكم


ودي جذي نسوي موضوع مدعم بالصور عن كل شي يخص شغل البيت

من تنظيف الغرف والاثاث والحمامات تكرمون والغسيل والطبخات البسيطه


يعني نشرح بالتفاصيل عشان نستفيد من افكار بعض

والطموشات يبدون يطبقون ههه


ها شرايكم


كان ودي ابتدي بس ماعرف انزل صور



ناطرة ردودكم فيكم البركة:eh_s(8):

 

[noor alkwait]

رد : نبـــــــي نكووون ربــــــــات بيـــــــــــــوت

وااااايد حلو تحمست هم آنا ما اعرف انزل صور البركة بالبناااات ,, ناطرينكم

 

[الدااانــــه]

وهمــن أنـا وماعرف انزل صوور

​

 

[صمــت_ALsHfaaH]

واناااااا بعد ياحلووووووي هههههههههههههههه

بس فكررة موضوعج حييل مفييييييدة

 

[FeShinGoOo]

جان زين يسوون لنا خاصيه الي ننسخ الصوره من اي موقع ونسويها كوبي اهني بالمنتدى بدون تحميل لانه حيل صعب ويضيع الوقت





انا ماراح احط صور سديقتي بس بشاركج بجم نقطه ..


اولشي الزوج يحب مرته تكون بتاع كلو ..

انيقه وكشيخه ومثقفه وبنفس الوقت طباخه وربت بيت ..

مايبيها طول الوقت مخابله الطباخ والتنظيف والغسيل وهامله روحها وشكلها ولا يبيها كاشخه بس غشيمه وماتعرف شي ..

ثاني شغله الريال يحب يشوف المره تتحرك بالبيت اتشيل واتحط وتنظف وتعرف كل صغيره وكبيره ..

يعني حتى دلاغه يسألج وينه تقولينله بالمكان الفلاني .. منو حط هالشغله بهالمكان اتقولينله انا والسبب .. مايحب المره الي ماتدري عن بيتها وكل ماسالها شي تقول مادري ومادري ..

وصدقيني ترى رياييل هالوقت مايخلون المره تشتغل .. يعني يحب يشوف مرته مهتمه بس من يشوفها خلاص بلشت بالشغل يقولها خلي عنج خلي الخدامه اتسويه .. يعني بس يبي يشوف مبادره .. واهتمام .. ما اقول كل الرياييل بس اغلبهم واتوقع نسبة كبيره .. حسب البنات الي اعرفهم ..

ثالث شغله الريال يموت بالمره الي تعرف تطبخ .. ويفتخر جدام اهله لما مرته تسوي طبق ولا طبخه زرقت يحس صج متزوج .<< كلام ريلي لوول ..

رابع شي النظافه والترتيب .. اتعرفين حياة العزوبيه .. ودشي غرفة اخوج بتشوفين واقع الشباب اشلون .. هدوم عالارض .. كتب تحت الفراش .. علاقة اهدوم ورة الباب .. دلاغ عالكوميدينه .... الهدوم ماتدل الكبت ..

فلما الريال يتزوج ويشوف الترتيب والنظافه والبخور بيحس انه صج متزوج وانه صج حياته صارت من حال لي حال ..


لي عوده ان شاء الله بس قاعده بالدوام ماقدر استرسل ذبحوني البنات كلساعه وحده طاله بالشاشه

 

[زينبو]

رد : رد: نبـــــــي نكووون ربــــــــات بيـــــــــــــوت

شكرا عالرفع .. ام ابيها تسلمين حبيبتي كلامج صح وهذا هدفي ان نسوي هالاشياء عشان المبادره وهم البيت يكون مرتب تحسين ان منج فايده ههه ننطر البنات ..

 

[زينبو]

رد : نبـــــــي نكووون ربــــــــات بيـــــــــــــوت

بنات ابي ابتدي بالحمامات تكرمون

طبعا لازم الحمامات تنغسل كل يوم خصوصا المرحاض كلنا نعرف

ولكن الأفضل يتم غسيل الحمام كله مو بس الارضية والمرحاض

يعني المغسله ماي وصابون عادي يكفي وكذلك البانيوو

ممكن تستخدمين الكلوركس او الديتول حق الأرضية وتخصصين فوط حق كل مكان عشان تنشفين وممكن ترشين من الديتول بالفوطه وتمسحين كيفج

وعقب ماتخلصين تمسحين بالمساحه الماي

و بالمراحيض تصبين شوية ديتول وتاخذين العصا اللي نهايتها مثل شعيرات خشنه حق حوالين البالوعه تكرمون وتحطين المعطر اللي ينشرى من الجمعيه نسيت اسمه بس اكيد تعرفونه ينحط داخل..

ولي خلصتو حطي اي معطر تحبينه في ناس تبخر بعد انتي وذوقج

بنات انا مبتدئه بس اتمنى اني قاعده افيدكم وتساعدوني بأفكاركم

 

[ســتارز]

روحوا لقسم التنظيف وبتلقون كل اللي تحتاجونه


موفقة حبيبتي

 

[زينبو]

رد : رد: نبـــــــي نكووون ربــــــــات بيـــــــــــــوت

شكراا عالرفع نبي نيمع من كل بستان زهره ستارزز

 

[ســتارز]

ماشي حبي جمعوا وانا وياكم

 

[أم عايض]

رد : نبـــــــي نكووون ربــــــــات بيـــــــــــــوت

هلا والله حبيبتي ........................
والله نخاف نتفاعل وينقلون الموضوع .............مالنا خلق نطامر بالمنتدي
موضوع فكرته رائعه ..........

 

[أتراب]

ومنكم نستفيد حابه تستفيد منكم

 

[زينبو]

رد : نبـــــــي نكووون ربــــــــات بيـــــــــــــوت

شكرا عالمرور..


لا ان شاءالله ماينقلونه اللي ماعندها خدامه بتعرف ان هالموضوع مناسب لهالقسم ههه

 

[أم عايض]

رد : نبـــــــي نكووون ربــــــــات بيـــــــــــــوت


بسم الله ...........
انا ابي اقولج شغله حلوه قالته لي وحده باكستانيه .<مسويه صدقات مع الباكستانيه

قالت ليش تشترون الشئ الغالي من المنظفات وعندكم شئ رخيص وينظف وخلي القدور تلمع ....
شنو .............
شنو طلع

صابون الغار

والي اكدلي السالفه امي الله يخليها ............

قالت قبل 15.....20 الله اعلم جت باكستانيه تشتغل عند وحده .....
يقلون بيتها صار يلق وقدورها ومواعينها ......سالوها قالت صابون الغار

قبل ما يسمونه صابون غار.........صابون رقي

والله استخدمه للقدور طبعا مع ليفه ناعمه ..انتبهي ناعمه .الخشنه تخرب القدر

خبره........

وطبعا مع الكفوف

عشان جمال اليدين ما يخرب......هههههههههههه
مجربته تخلى القدر يلمع
طبعا قولي حق الخدامه تطبقها ...........

اني ماعدني خدامه عشان جذي انا الي اليف القدور:eh_s(11):
والي نفسي الله يعينها...........
وشكرا ...........

لا تضحكون على معلومتي ................

 

[ام شووووق]

رد : نبـــــــي نكووون ربــــــــات بيـــــــــــــوت

اب اب لعيونج

 

[FeShinGoOo]

بالنسبه لشقتي اكثر شي يميزها الريحه الحلوه ..

والله يخلي ماركة قليد اتهبهل ...


في البخاخ الي تنحطله بطاريه وكل 10 دقايق يبخ عطر يحافظ على انتعاش البيت ..

وعندج الشموع هم مالت قليد ريحتها روعه وقويه افضل الفنيلا وايد حلوه ..

عندج شرايح هم ماركة قليد تنحط بين الملابس وتعطي ريحه حلوه وقويه .. اقوى من الكمفورت وربعه ..

عندج مثل مرش هم ماركة قليد حق الجو واستعمله حق المفارش ..

وعندج فواحات بودي شوب .. احب البطيخ وعندج الفراوله والتوت البري وايد ريحتهم حلوه وهم قويه ..

ولاتنسين البخور عقب الغدا والمغربيه لازم المبخر يدور بالبيت .. وهالله هالله بالبخور السنع ..

ترى الريحه الحلوه والفرش تعطي انطباع حلو ان المره مهتمه فبيتها ..




لي عوده ان شاء الله ..

 

[غرقانة بالحزن]

رد : نبـــــــي نكووون ربــــــــات بيـــــــــــــوت

مادري بس موضوعكم مو مكانة اهنية

 

[صمــت_ALsHfaaH]

ااااااااب لعيوونج

 

[ابدا يالغالي مانساك]

رد : نبـــــــي نكووون ربــــــــات بيـــــــــــــوت

يسلموا يالغلا علي هيك
موووووووووضوع فديتج
ولي رده استانس جذيه علي المواضيع الصور
خخخخخخخخخخخخخخخخ

 

[زينبو]

رد : نبـــــــي نكووون ربــــــــات بيـــــــــــــوت

الله يسلمج ابد يالغالي

حياج الله ام ابيها كفيتي ووفيتي


أم عايض اول مرة اعرف معلومتج يعطيج العافيه