نبض قلب الجنين

[اذوب بكلامه]

السلام عليكم شخباركم حبايبي
بغيت اعرف منكم متى اقدر اسمع صوت نبض قلب الجنين
أنا مفكره اروح الاسبوع الجاي واسوي سونار تقريبا اكون كملت سته اسابيع
مستعجله مافيني صبر أنا وزوجي
ماعليكم امر كل وحده فيكم تقول في اي اسبوع سمعتي النبض وشنو كان شعورك ؟!!

 

[خوووخه w]

اي يبين الحين نبض الجنين الله يتمم عليج من بدايت شهر الثاني يبين

 

[ام فواازي]

لا تروحين تو الناس البض مايبان الا بعد الاسبوع الثامن للحمل يعني باقيلج اسبوعين الله يتمم عليج

 

[ام بديير]

على حسب حبيبتي بس يمكن يبين الحين ،، انا ابجري بدايه الشهر الثاني سمعته بس هال بيبي طول شوي .

 

[سمسمة كويتية]

كل ما تأخرتي أحسن عشان احتمال ما تسمعينه الحين و تقعدين تحاتين
نطري الثامن

 

[اذوب بكلامه]

جزاكم الله خير بس ماني قادره اصبر
نبي تجارب بعد

 

[Eng.Kokoro]

اذا رحتي بتسويلج سونار وتقولج في نبض بس ماراح تسمعه لج

انا بالثلاث سمعته لي 

 

[ام فواازي]

ترى مو زين كثر السونارات لاحقه مو زين الطيره نطري

 

[[[ عيون جابر ]]]

انا ىبين معاي بالاسبوع السابع

 

[english muffin]

انا بين بالاسبوع التاسع

 

[فديت سالم]

ياااااااااااااااااااااااااااااااااااااااااارب تسمعينه ويااااااااااااااااااااااااااااااااااارب اسمعه لان قالولي اخر موعد بعد يووومين يااا اسمع صوته اوو يسون لي تنضيفات ادعوووولي تكفوون ياااارب يقر عينج بشوووووفه ووبصوته اللهم امييييين

 

[MiSS B.K]

اااااااااااب الله يتمم عليكم ويقومكم بالسلامه

 

[المحافظه]

حيااااتي
نصيحه سوي سونار ثلاثي الابعاد
سونار داخلي يبين
انا قاااو مافيه نبض بس الحمد لله طمنوني
السونار العاادي مابين
لا نبعد اربعين يوم بظبط يبين
ودعوتك اجيب ولد

 

[keeekaaa]

احسن بالاسبوع الثامن
شعوووور لايوصف انا في بجري دمعت عيني
الله يتمم عليج و على كل حامل
ويرزقنا الذرية الصالحه

 

[ام عمار]

اي انطري احسن للاسبوع التاسع اضمن

 

[سوزي الشرقية]

الفرق بيني وبينش اسبوع وواحد انتين في الاسبوع ال6 واني في الاسبوع ال7 بس للان ماخلوني اسمع نبض البيبي
يمكن على بداية الاسبوع الثامن

 

[أنهار الكويت]

حبيبتي يبين من الاسبوع الخااامس انا كل عيالي جذي وانشالله تسمعينه وتفرحين

 

[حنوشتي]

انا بالاسبوع الثامن ومابين عندي باجر ان شاءالله عندي موعد وعسى خيراا ياربي

 

[Mrs.H]

اذا رحتي ماراح يبين شي نطري وروحي بعد شهر احسن